TITA 3:7 - OTSAO BAIBEL (BSI)

⁷ Ikoxletix wüi keme chix chingcha makhange Zang füi muamüi angkya ataküi tamchu keme monghomle ngokya oshuk chitüikya khüzün tsün kop angkya hato kem hüi ang thoüi.

TITA 3:7 ပူးပေါင်းရင်းမြစ်များ

ROM NOK HATO ZAKYA POL LAIZA 8:17

Kem chixsu chixsabu daile, chix khünaknu hanpakma chixe thomkya mohiman keme kopüi, ilaxlechu Khrista füi tomle Zange chix hanpakma thomkyachu wüi keme kopüi; chemthüikoxle keme chix sikngün ahanle janglaxba, chix fuazangchu wüi ahanle laxüi.

ROM NOK HATO ZAKYA POL LAIZA 3:24

Ikoxchu kem dan-pankya Khrista Jisu makhange amuale fakya Zang chingchae hwom pangnu wüi chix füi mua amüile.

TITA 2:11

Chemthüikoxle khünaknüsa khosün hanpak ang Zange chix chingcha ngaile ahodaoa.

1 KORIN 6:11

Hünzom züizüi ile tüikya. Ikoxle ochax tokya hünzom sodaoa; hünzom a Zang hanpakma atsaodaoa; Jisu Khrista hia kem Zang Chasa makhange hünzom a Zang füi mua amüidaoa.

TITA 1:2

Hanpak zanghan thoto wüi, thai angkya jao chichangkya Zange kem ang ija tsün khüzün fa angkya tsaole,

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

GALATIA 2:16

Ikoxlechu khünak tuita Zang zongto sukya ang achang angkya a Jisu Khrista tokya mongong makhange tix changle. Wanlome alomlom mokkya tokhange tix le otuechu münchang, ija keme awan ngopu. Wanlom ma tüikya lwot tokya makhange le chichang homtoxle kem mongong makhange Zang zongto sukya ang achang angkya kuxma kemechu wüi Jisu Khrista to ongpu. Chemthüikoxle wanlome alomlom pangwüi lwot tokya makhange ochaxbu Zang zongto sukya ang münachang tox.

ROM NOK HATO ZAKYA POL LAIZA 11:6

Chixe zünle kopkya a chix chingcha khoma, hwome mokdaokya mwot khomale münchang. Chemthüikoxle Zange chem zünle koppuix, ija a khünake mokkya mwot khoma jangchang thüiba, chix chingcha a otsingtsing chingcha chichangüi”.

GALATIA 3:29

Nang Khrista kux jangchang thüiningle, nang Abraham sixli changle ilaxle Zange kaxtsao daokyabu nange ataküi.

ROM NOK HATO ZAKYA POL LAIZA 4:16

Wanlom kax ma laxkyabu tata ang chichangle, Abraham ningle Zang to mongongkyabu angchu wüi, Zang kaxtsao a Abraham susabu pangnu ang wüi koxtsingtsingkya chingcha chang angkya kuxma, Zang kaxtsao a mongong ma athongle, chemthüikoxle Abraham a kem noknusa zongma chasa ma hopa tuita changle.

ROM NOK HATO ZAKYA POL LAIZA 3:28

Idaile keme ile ashukpu: khünak tuita Zang füi muamüikya a wanlom ma tüikya tokya makhange chichangle mongong makhange tix changle.

1 PITAR 3:7

Ija lailaile hünzom kakopabuechu ma kakonubu füi, mafüi hwom wüi zong chitüikya le tsingkya füi ngo angkya oli changle. Hwom chathua zakox, chemthüikoxle hwomechu wüi hünzom füi tomwüi Zang angkya khüzün hingho mantswon angkya changle. Hünzom zangjop to poxpyen angkya chemchu chitüi angkya kuxma ija moklax.

IBRI 11:9

Zange chix ang koxüihex le tsaosaxkya chaxwan to mongong makhange chix tuita püntüi ningle nyihom ma ngo. Taningkya Zang kaxtsao mantswon kopkya Isak hia Jakop nyichu ile wüi ngo.

IBRI 11:7

Chixe ngün ang chitho koxlechu Noa ang füichi hanpakma Zang kaxfün atat ang tomkya a mongong changkya. Chixe Zang kax ma lax üntoxle khua müi, oja mong ma chix tamchu hwom kako pangwüi khosün puix. Ikhoma, chaxwannu a max ang tom, üntoxle Noa-e Zang angkya mongong makhange hüikya otsao mantswon kop.

IBRI 6:17

Opange chix kaxtsao kop angkya changlaxpuix, ibu ang Zange chix mongtex otuechu lüichüi angkya münchangle tsing ang koxse tsule; ikhoma chixe kaxtsao to tsaosaxkyae bopu.

GALATIA 4:7

Ija makhange, athaxpi nang a da tuita münchang ikoxle sasün tuita ang achangüna; ilaxle nang chix sasün daile, Zang ma chixsu chixsabu hanpak ang chempang tüilaxpuix ibu pangnu nang ang koxüi.

ROM NOK HATO ZAKYA POL LAIZA 4:4

Mwot mokkya mix ang hingchak mün koxle; chix hingchak mün a hingho tuita le chichangle, chixe achak laxle kopkya le lax.

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

MARK 10:17

Üntoxle Jisu pao ang achexle lom ma tüipongma, khünak tuita chix hato zikle hüilaxle akhux üntoxle chix ma atüi: “Müikya Nwotmix, oshuk chitüikya tsün khüzün atak ang kue chem mokse dai?”

2 THESALONIKA 2:16

Kem Jowanpa Jisu Khrista chix jaojao tamchu kem Hopa Zang, owae kem to mongkün puix üntoxle chix chingcha makhange chithai jaokya mongchyen hia shingmongkya mongong falaxpuix,

IBRI 1:14

Jangchangba kaxtaimixbu a chem? Hwom a Zang thothakya chasabu opange Zang khosün atak angkyabu hato tsanle apaopuix, ibu changpu.