TITA 3:5 - OTSAO BAIBEL (BSI)

⁵ chixe kwom khosün. Ija ma keme lita müikya mwot mokdaokya khoma le chichang, ikoxle chix chingcha tokhange tix chixe kem khosünpu. Ija khosün mwot chixe, kem sole atsaokya ilaxle azünle puxkya hia tsün ozün fakya Otsao Chasa makhange mok.

TITA 3:5 ပူးပေါင်းရင်းမြစ်များ

2 TIMOTHI 1:9

Chixe kem khosünle kop üntoxle chix zongto mamix ang nyakle laxkya a keme chem mokdao laxpuix ikhoma münchang ikoxle chix mongtex ilaxle chingcha khoma changle. Chixe kem ang ija chingcha a hanpak owang wangüi thoto wüi Khrista Jisu makhange fakya changle,

1 KORIN 6:11

Hünzom züizüi ile tüikya. Ikoxle ochax tokya hünzom sodaoa; hünzom a Zang hanpakma atsaodaoa; Jisu Khrista hia kem Zang Chasa makhange hünzom a Zang füi mua amüidaoa.

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

1 PITAR 1:3

Zang tamchu kem Jowanpa Jisu Khrista Hopa ang keme münchong fahax! Chemthüikoxle Jisu Khrista chatle azangle zo ang koxlaxle chix chingcha chongkya makhange chixe kem ang tsün hozün fale. Ija makhange kem a khüzün monghome awangle,

ROM NOK HATO ZAKYA POL LAIZA 12:2

Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

EFISIA 2:4

Ikoxlechu Zang chingcha okhonguikya, üntoxle kem tokya chix mongkün namchongkya changkoxle,

EFISIA 5:26

Tima sole atsaokya füima chix kax makhange müimüithom a Zang ang atsaole kox angkya kuxma chixe ija mok.

MÜNCHUAK-TSAI 51:10

O Zang, ku ma mongtsaokya alaile fahüi, üntoxle khüzün hia otsao chasa ku ma shole fahüi.

ROM NOK HATO ZAKYA POL LAIZA 11:6

Chixe zünle kopkya a chix chingcha khoma, hwome mokdaokya mwot khomale münchang. Chemthüikoxle Zange chem zünle koppuix, ija a khünake mokkya mwot khoma jangchang thüiba, chix chingcha a otsingtsing chingcha chichangüi”.

IBRI 4:16

Fong mix lomle tüipongma, keme chingcha hia jaja füi fongkya atak tsuak angkya kuxma, kempi chix chongwang ngwotnui hato mongao chitüile ngui

KOLOSI 3:10

ilaxle mixzün awunlaxle ngoüna. Hünzome chix tsingwankya okhonguikya hato ahüi angkya hanpakma, zingpupae chix lailaile zingkya othuithuima azünle zing ngokya a ija tsün hozün changle.

MÜNCHUAK-TSAI 86:15

Ikoxlechu, O Jowanpa, nang a chingcha hia mongkün füikya, othuithuima adukya, mongkün chingcha üntoxle chialekya mongong füikya Zang changpu.

GALATIA 2:16

Ikoxlechu khünak tuita Zang zongto sukya ang achang angkya a Jisu Khrista tokya mongong makhange tix changle. Wanlome alomlom mokkya tokhange tix le otuechu münchang, ija keme awan ngopu. Wanlom ma tüikya lwot tokya makhange le chichang homtoxle kem mongong makhange Zang zongto sukya ang achang angkya kuxma kemechu wüi Jisu Khrista to ongpu. Chemthüikoxle wanlome alomlom pangwüi lwot tokya makhange ochaxbu Zang zongto sukya ang münachang tox.

ROM NOK HATO ZAKYA POL LAIZA 3:20

Chemthüikoxle wanlome alomlom mokkya tokhange khünak owachu Zang füi muamüi angkya le münchang; wanlom mwot a khünak hama chixe achax daokya ochax apuale kox angkya changle.

1 PITAR 2:10

Hanpak tuita ma hünzom a, Zang khünaknu chichangkya; ikoxlechu athax hünzom a, chix khünaknu changle; hanpak tuita ma hünzome, chix chingcha chitsingkya; ikoxlechu athax hünzome, chix chingcha pongle kopdaoa.

EFISIA 4:23

Nang mongtsang hia küntex mongjangbu hozün ang achang angkya wüi changle,

ROM NOK HATO ZAKYA POL LAIZA 3:28

Idaile keme ile ashukpu: khünak tuita Zang füi muamüikya a wanlom ma tüikya tokya makhange chichangle mongong makhange tix changle.

ROM NOK HATO ZAKYA POL LAIZA 9:11

Tuita wüi kamle kopkya olom ma Jowanpa chix chaktung otya ma naxngolax ang, Zange she ang thüi: “Hotüi mixe honao thothaüi.”

KAXHO MÜIKYA LUK 1:78

Kem Zang a chingchajaja füikya changle. Dongkya senu ningle nyankya, khosünpa chixe kem hato ahüiüi

KAXHO MÜIKYA LUK 1:54

Kem putong hwom füikya, tsaosüt chixe thom; ilaxle chix da Israel, to fong ang ngui.

KAXHO MÜIKYA LUK 1:50

Chix chathua zakyabu hato, tsün ta makhange ata tsün kople, chixe chingcha aho.

MIKA 7:18

O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

MÜNCHUAK-TSAI 143:2

Nang dapa ku to thwontsingle taxchang; nang miksho ma sukya mix owachu müntüi.

MÜNCHUAK-TSAI 130:7

Israel, Jowanpa to mongong tüikox, chemthüikoxle chix mongkün a ojem chifünkya changle ilaxle chix a othuithuima khosün fa ang mongtsule ngole.

JOB LAIPEX 25:4

Zang miksho ma owawa otsao hia tsaothale tüitsuak angcha?

TITA 3:4

Ikoxlechu otue kem khosünpa Zang chingcha hia mongkün ngaile ahopuix,

ROM NOK HATO ZAKYA POL LAIZA 9:30

Ikoxle keme chemle thüi? Ija mixnokbu Zang füi muamüi ang chiazong, ikoxlechu hwome chix to mongongkya khoma Zang, chixe hwom füi muamüi;

ROM NOK HATO ZAKYA POL LAIZA 9:16

Ikhoma khünak mongtex hia mokkya mwot füifüile münchang ikoxle Zang chingcha füifüile changüi.

ROM NOK HATO ZAKYA POL LAIZA 4:5

Ikoxle mwot chichang homtoxle khünak tuitae ma mongong tüi, owae achaxkya mix ochax ojao chitüikya ang achangle ngaikya Zang to ong, chix hanpakma Zange chix füi muamüi ang e ma laxle tokya olom a chix mongong changle.

KAXHO MÜIKYA LUK 1:72

Kem putong hwom to chingchaüi; chix otsao Tsaotsüt texle atak angkya chixe tsao.

ISAIA 57:12

Hünzome chem mokpuix ija sukya changpule hünzome thütle, ikoxlechu hünzom zanglom kue kotok to alaiüi, ipongma hünzom chapabue hünzom asun ang chithoüi.

IBRI 6:6

Ingale hwome ma mongong danle toxpu! Hwom tamchatle mongzangwün angkya hato ahüi angkya tsuak angkya oli münchang, chemthüikoxle hwome Zang Hosa tamchatle pünsak ma takle langpu tamchu tamchatle chix ang noknu thüntho ma zak tam akopkya changpu.

MÜNCHUAK-TSAI 86:5

Nang a kwom zongto müile tamchu kwom ang thailak tüile, nang to jop-tokyabu hanpakma chizakle künkya nang mongkün tüile.

MÜNCHUAK-TSAI 62:12

üntoxle chix mongkün a ojem chifünkya mongkün changle. Jowanpa, nange nang lualuale, pangnusa angwüi ma mwot ma thütle hingho fale.

JOB LAIPEX 15:14

Otsingtomtata ma khünak tuita tsaothale changtsuak ang chami? Khünak tuita Zang füi tawüi sukya mix tüichami?

JOB LAIPEX 9:20

Ku oma chemchu chitüikya mix, ikoxlechu kax ma thaikya atatle. Ku zangwün pangnu ku thajao-wünhai ang achangle tüile.

TSAITONG-KAXTONG 9:5

Hünzom a tüle müi tamchu chem supuix ijaja mokle tüikya khoma Jowanpae ija haxtok hünzom ang kop ang tom angkya münchang. Hwom a chichang-chizangle tüikya ochax khünakbu changle tamchu Jowanpae hünzom putong Abraham, Isak hia Jakop hwom füikya chix tsaotsüt otia ma thomse tsukya khoma khünak ibu jwonle apao ang thüipu.

EZEKEL 36:25

Kue hünzom to titsao füi saküi ilaxle kue hünzom pangwüi, chapabu mwot hia mama-mama hünzom chitsaokya ang achangle thomkya mwot pangwüi tokya atsaole danüi.

MATHI 3:11

Mongchatkya ahole kue hünzom ti ma bapti le fapu. Ikoxle ku füima nguile ngokya mix a ku füi ngaxchu süthak; ku a chix chisox kop mix ang achang ang ngaxchu chiasukya mix; chixe hünzom ang Otsao Chasa ma hia wün ma baptile faüi.

ROM NOK HATO ZAKYA POL LAIZA 11:14

Ku mwot ma ku mong ngamkya to ku füi mamixbu ang osing dong ang koxüi, ilaxle ile ku khoma hexle Zange züizüi kho thüingaxchu sün angkya hanpakma.

IBRI 10:22

Idaile chimüikya tutex tokya atsao daokya mongtsangbu hia ti füi sodaokya tsangtsabu füi, künzu-mongzule üntoxle mongao chitüikya mongong füi kem Zang hato hüihax.