TITA 2:2 - OTSAO BAIBEL (BSI)

² Azupabu bama, toknga le chitüi angkya, künli-montang angkya, tamchu ma alüile akumathum angkya; hwom mongong ma, mongkün ma, tamchu thuakjok ma tsaotha le tüi angkya adangle laxkox.

TITA 2:2 ပူးပေါင်းရင်းမြစ်များ

GALATIA 5:23

iningkyabu füi wanlom müntüi.

1 PITAR 4:7

Pangnu li oshuk hato nguile hüile. Hünzome zangjop ang tho angkya kuxma, malualua to akumathum le tüilax.

1 TIMOTHI 3:11

Hwom kakonubuchu wüi müikya zanglom saikha füi tüi angkya ilaxle zaman mix chichang angkya changle; hwom a tok-ngakyabu füi atsaile ngo angkya üntoxle pangnuli towüi mongao chitüi le chang angkya oli.

1 PITAR 5:8

Khünzai le ngolax, mik hingle ngolax! Hale ngokya mailang ningle bao, hünzom zongto zanpa, owawa joksele lomle khuafao ngole.

TITA 1:13

Ikhoma nange hwom to azaxle sa angkya changle, ikoxletix mongong ma hwom owan müiüi,

1 TIMOTHI 3:2

Müimüithom lompa tuita a thaikya kha chitüi le chang angkya oli: Chix a kakonu tuita wüi tüikoxle müiüi, tamchu tok-nga le chichang homtoxle malailai to akumathumkya ilaxle thutle saxmok ang awankya mix changkoxle müi angkya oli changle; chixe ma hom ma mixwün pongle kop angkya changle; chixe anwot-ano ang awan angkya changle;

WANWÜNKAX 16:31

Tsünlo-khothole ngokya a otsao hingho changpu; azu-khothokya a fuazangkya khohom changpu.

1 THESALONIKA 5:8

Ikoxle kem a anyixning kux, üntoxle kem a tok-ngakya füi atsaile ngoüi. Mongong hia mongkün keme tata khaxtok khwop jan ang apong angkya changle, ilaxle khosün bama kem monghom khohom tuita ang lax angkya changle.

ROM NOK HATO ZAKYA POL LAIZA 12:3

Zange ku ang fakya hingho khoma, kue hünzom pangwüi ang thüipu: Hünzome ozyakai le ma alüile chongbongkya ang taxajang. Itülüi, nang mongjang ma mong nonai tüikox. Üntoxle Zange ma ang fale thomkya mongong ma thütlaxle ma kaxfün fakox.

JOB LAIPEX 12:12

Azupa hwom ma je-hwon tüile, Zang ma je-hwon hia tsak-zong pangnyi tüile. Azupa hwom ma mikza ma alekya tüile; Zang ma a mikza ma alekya hia mok angkya zong shemle tüile.

LIWI 19:32

“Taiko hwom chathua zakya tüilax ilaxle hwom achuak-achenle tüilax. Chathuazakya füi ku kax ma laxlax, Ku a Jowanpa hünzom Zang changpu.

1 PITAR 1:13

Idaile mok angkya hanpakma hünzom kün-mong achwonlax. Mik-hingle ngolax üntoxle Jisu Khrista ngaikya zuma hünzom ang fa angkya mohiman to hünzom ang monghomkya tüilax.

1 KORIN 15:34

Nang tutex changkya hato chatlax, ilaxle chatle ochax tam taxmok. Kue hünzom zak akople ngaipu, hünzom khama Zang chitüikya mix züizüi tüile.

MÜNCHUAK-TSAI 92:14

ojae ipong azukoxle ngaxchu oziak otia ma wüi ziakle ngopuix ilaxle oja othuithuima hingshe le tamchu otsing mongle tüipuix.

2 PITAR 1:6

tsingwankya to alüile akumathumkyae bo; ma alüile akumathumkya to adukyae bo; adukya to otsaoe bo;

TITA 2:7

Pangnu lom ma wüi nang a müikya zanglom saikha müile ahokya olom tuita ang chang angkya changpu. Nang hwon-nwot bama mongkoxkya tamchu khünzukya tüilax.

TITA 1:8

Chix a mix wünpwon mankya hia chem müipuix ija to künkya mix chang angkya oli. Chixe ma alüile akumathum angkya, otang ma ajangkya mix, tsaokya mix tamchu zanglom saikha müikya khünak changkoxle müiüi.

1 TIMOTHI 3:4

chixe ma kako müile apu-achang ang tho angkya tamchu pangnu lom ma wüi susabue chix chathua zale tüi angkya bama hwom züntsuak angkya changle.

1 TIMOTHI 1:5

Ija kax koxkya mongtex a: tsaothakya mong makhange laikya mongkün, je chipakya khangka ilaxle otsingtsing mongong azwot angkya hanpakma changle.

1 THESALONIKA 5:6

Idaile kem mix khünakbu ningle jiple chingoüi; kem mik azangle tamchu tok-ngakya füi atsaile ngo angkya changle.

FILIPI 4:8

Oshukma kutüi-kunaohom, münchong fakoxle asule tüikya hia oli müikyabu füi hünzom awangle tüikox; thüikoxle, otsingtsing, sukya, changkya, tsaothakya, mongkünkya ilaxle achuak achen ang asule tüikyabue awangle tüikox.

2 KORIN 5:13

Khünakbue wünkya ningle, kwom ongat jangchang thünchu ija a Zang kuxma; kwom khangka hingle jangtüi, ija hünzom kuxma changle.

1 KORIN 9:25

Zap ma zong apankyabue pangnuli lom towüi malailai to akumathum tsuak angkya azongle. Hwome ile male paoün angkya khohom kop ang mokpu, ikoxle keme ile mokkya a tamchu chima angkya khohom atak angkya hanpakma mokpu.

WANGSHEMBU MWOT 24:25

Ikoxle Pol-e künmüi mongmüikya, malailai to akumathumkya tamchu hüile ngokya kaxfün nyix bama wünkya thoto Felik aban ilaxle thüi: “Athax nang pao ang tsuaküi, kue hanpak atakkya zuma kue nang chatle seüihex.”

KAXHO MÜIKYA LUK 8:35

Bülepang changdaokoxpu le hu ang khünaknu laile pao, üntoxle otue hwom Jisu hato nguipuix, chix angkya haxshix laile paokya mixsün khangka hingle üntoxle nyilax laxle Jisu chitong ma thungle ngokya ngün; ngünlaxle hwom pangnu wüi za.

MARK 5:15

ilaxle hwom Jisu hato hüikya zuma, haxshix chasabu koplaxle ngokya mixsün chix hama ngün. Chix a khangka hingle tamchu nyi laxlaxle ikhama thungle tüikya; ilaxle hwom pangnu wüi abüt.

ISAIA 65:20

Naosombu a naosa pongma zikya chitüiüi, ilaxle khünak pangwüi tsünlo-khothole ngoüi. Zanglao hopong kople ngokyabu a naosa tuita ang eüi. Ija manguiba zikyabu a, kue hwom to sikngün fakya münwan ang changüi.

1 TIMOTHI 3:8

Müimüithom ma fongmixbu machu müikya zanglom saikha tamchu mongkoxle saxmokkya tüi angkya oli changle; hwome ju aluile chilingüi tamchu ngun-syen to osingkya chitüi angkya changle;

1 TIMOTHI 1:2

Mongong ma kusa tomtata, Timothi hato: Hopa Zang ilaxle kem Jowanpa Jisu Khrista-e nang ang chingchajaja üntoxle mongsom naxfa hüi.

1 TIMOTHI 1:10

omüi-oma süile tsing ang chitsuakkyabu hanpakma, ahuxle mix kople paokyabu hanpakma, atse le zangwün ilaxle othai kaxkhi fakyabu hanpakma, tsaothale sungoünkya Baibel kaxtong füi apüile saxmokkya chemchem jangtüi thünba, iningkyabu hanpakmale zingkya changpu.

1 TIMOTHI 1:14

Ilaxle kem Jowanpa-e chix okhonguikya chingcha ku ma thokle kox ilaxle ku ang mongong hia mongkün fa, oja Khrista füikya notom ma kem tomkux changpuix.

1 TIMOTHI 5:1

Azupa to taxsa, ikoxle hopa tuita ningle chix to zingmüi ma achuak achenle wünkox. Ma füi naolibu to manao büta,

FILEMON 1:9

ikoxlechu nang tokya ku mongkün khoma, kue nang ma tsaiju kaxjupu. Ku, Pol tuita Khrista Jisu ma Zang da tuita tamchu chix mün khoma kun ma ngokya mix changkoxlechu,