TITA 2:11 - OTSAO BAIBEL (BSI)

¹¹ Chemthüikoxle khünaknüsa khosün hanpak ang Zange chix chingcha ngaile ahodaoa.

TITA 2:11 ပူးပေါင်းရင်းမြစ်များ

1 TIMOTHI 2:4

owae, pangnusae khosün atak angkya ilaxle otsingtsing awanle naxchangle texlax puix.

EFISIA 2:8

Chemthüikoxle mongonge nang khosünkya a Zang chingcha makhange changle. Ija a nang azongkya tokhange le münchang, ikoxle Zang hingho changle.

ISAIA 45:22

“Athaxpi ku hato mong chatlax ilaxle khosünle koplax, zangjang angkya khünaknu! Zang tuita wüi tüikya ija a ku.

IBRI 2:9

Ikoxlechu Jisu, owa noxtakya hanpak bama, Zange kaxtaimixbu süfang le zingkya keme ngünpuix, ija a Zang chingcha makhange chix nok hanpakma zi angkya hanpakmale changle. Chixe zikya sikngün apongle hüidaokya khoma athax a keme chix fuazang hia achuak achenkya khohom sün laxle ngün ang kople.

EFISIA 2:5

kem kax ma chilaxle ochax ma ngotanto wüi Khrista füi tomle ozün ma ngo ang chixe kem shak. Idaile hünzom khosünle kopkya a Zang chingchae tix changle.

2 THESALONIKA 2:16

Kem Jowanpa Jisu Khrista chix jaojao tamchu kem Hopa Zang, owae kem to mongkün puix üntoxle chix chingcha makhange chithai jaokya mongchyen hia shingmongkya mongong falaxpuix,

ROM NOK HATO ZAKYA POL LAIZA 5:15

Ikoxlechu hokhi a tuita le münchang, chemthüikoxle amuale koxkya Zang hingho a Adam ochax ningle chichang. Ija mixsün tuita ochax khoma hexle khünaknu tüle zimaxünkya otsingtsing changle. Ikoxle Zang chingcha a onüi chongkya changle, üntoxle khünak tuita, Jisu Khrista chingcha makhange khünaknu hanpakma Zange amuale fakya chingchachu ija lailaile changpu.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

ISAIA 52:10

Jowanpae chix otsao tsak-zong twonüi; chixe chix khünaknu khosünüi, ilaxle ija zangfang pangnusae ngünle laxüi.

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

WANGSHEMBU MWOT 20:24

Jowanpa chingcha bama Kaxho Müikya apuk angkya, Jowanpa Jisu-e ku ang koxkya mwot, ija ku mwottho mokle jangtho laxba, ku zongma ku tsün chemchu münchangle texpu.

KAXHO MÜIKYA LUK 3:6

Khünak noke Zang khosün ngünüi!’”

1 TIMOTHI 1:14

Ilaxle kem Jowanpa-e chix okhonguikya chingcha ku ma thokle kox ilaxle ku ang mongong hia mongkün fa, oja Khrista füikya notom ma kem tomkux changpuix.

ROM NOK HATO ZAKYA POL LAIZA 5:2

Keme Jisu Khrista to mongonkya tokhange, oja Zang chingcha athax keme koplaxle ngopuix, ija hato chixe kem ahüile. Idaile Zang fuazangkya süntswon angkya to monghom laxle kem ang mong huanuma müipu!

ZEKARIA 12:10

“Dawid sixli hia Jerusalem ma ngokya khünaknu kue chingcha hia zangjop chasae awangle chang ang tomüi. Owa hwome tople langdaopuix, hwome chix to hu, ilaxle sasün tuita wüi zikya nao mangtsakya lailaile hwome chix mangtsale changüi. Somwang nao zile paokya kako to mangtsapupu le hwome mongmaxle mangtsaüi.

MÜNCHUAK-TSAI 96:10

Pangnu jat-li hama: “Jowanpa a Chongwangpa changpu; chaxwannu a onui ma shingmongle dan thomle ilaxle ija a amok ang münthoüi; chixe sukya kaxfün füi chaxwannu kaxfün faüi”, le thüikox!

KOLOSI 1:6

Pongwang ole atatkya nyix ijae hünzom mong alüixkya üntoxle Zang chingcha chongkya tsingle lax ang fakya lailaile, hünzom hato hüikya Kaxho Müikya tuitata wüi khünaknu tsün lüile koxle chaxwannu faole aham ngole.

GALATIA 2:21

Kue Zang chingcha chilax homtoxle münawütüi. Ikoxle khünak tuita wanlom lwot tokya makhange Zang füi muamüi angkya jangchang thüiningle, Khrista zikya a obato zingün?

2 KORIN 6:1

Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

WANGSHEMBU MWOT 13:47

Chemthüikoxle Jowanpa-e kwom ang fakya kaxtom a ija changle: ‘Kue nang, mixnokbu hato, zangngai tuita ang, ilaxle chaxwannu pangnu khato; khosün angkya olom ang, süile kopdaoa.’”

WANGSHEMBU MWOT 13:43

Ile sinagok ma asoxkya khünaknu fan füima, Jehudi khünakbu hia Jehudi nok ang achangkya mixnokbu züizüi Pol hia Barnaba nyi füito hüi. Okhie hwom füi akax üntoxle Zang chingcha ma otya ma ngo angkya hwom ang zong adün.

JUHAN 1:9

Chix a zangngai tsingtsing, zangngai ojae chaxwannu hato nguilaxle khünaknusa to nyanlaxpuix.

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

MARK 16:15

Chixe hwom ang thüi: “Hünzom a chaxwannu pangnu khato paokox; khünaknüsa hama Kaxho Müikya apukkox.

MATHI 28:19

Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

ZEKARIA 4:7

Ipong chongkya haxnu ningkya lombax-saibangkyabu nang tuntho angkya paole samüi. Nange Zangshwom-Hom azünle zaiüi. Nange akiakya long onui ma danle tsuakkya füi tomle khünaknue, ‘Müihule, müihule, le akhongüi!’”

ISAIA 49:6

Jowanpae ku ang thüi: “Ku dapa, nang hanpakma ku ang chongkya mwot tuita tüile. Nang a achongkya ang achang angkya tata le münchang Israel khünaknu opang ozün ma tüipuix, ikoxle kue nang a chaxwannu nok hanpak ang zangngai ang zingüi — ikoxle tix zangfang abakle sün ang tho angkya chang koxle.”

IBRI 12:15

Zang chingcha angkya anongle chichat angkya bama khünkhile hunga ngolax. Nyem laxle ija ma tüikya zik hing füi huanuma khünaknu tingtui ang tomkya khaxkya pün tuita ningle owachu taxchang.

2 TIMOTHI 4:17

Ikoxlechu Jowanpa ku füi ngo ilaxle ku ang zong kox, ikhoma tix kue mixnok pangnue atat ang tsuak le Kaxho Müikya apuk-apua ang tho; tamchu mik amüt angkya kaxfün chak tokya ku azang.

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

ROM NOK HATO ZAKYA POL LAIZA 10:18

Ikoxlechu kue atüipu: Hwome kaxho chiatatkya otsing changlax ma? Hwome atat tomta daoa; chemthüikoxle Otsao Lai kax ma tüile: “Hwom kaxzing chaxwannu pangnu khato ka; hwom zangwüne haxtua zangnam alople.”

MÜNCHUAK-TSAI 67:2

zangfang pangnue nang mongtex tsingle lax angkya hanpakma; ile jat-libu pangnue nang khosün tsingle naxlax.

WANGSHEMBU MWOT 17:30

Jisu Khrista ma khünaknue Zang matsing tanto, hwom ochax bama olüix chikhom homle shanle dantox daoa, ikoxlechu athaxpi pangnu khatokya khünak noknok wüi ma ochax tokya chat angkya bama kax koxdaoa.

2 TIMOTHI 1:10

ikoxle athax ija a kem khosünpa, Khrista Jisu nguikya makhange kem hato angaile tüile. Chixe zi angkya zong ashuk ang koxdaoa üntoxle kaxho Müikya tokhange chizi angkya tsün ngaile ahole.