TITA 1:7 - OTSAO BAIBEL (BSI)

⁷ Ile müimüithom lompa tuita a Zang mwot mok angkya ajepa tuita changkya daile, chix a ofwot chizaile changkoxle müiüi. Chix a makax kax ma wüi laxhüi le chichangba amuaküsa to mongtsik dongkya mix chichangüi, chichangba jutok saxngakya mix, hyetlom mix, ngun to asingkya mix, iningkyabu chichangüi.

TITA 1:7 ပူးပေါင်းရင်းမြစ်များ

2 PITAR 2:10

tamnüilechu opang müi-hi-aji olom to chitsaokya to mong zalokya füi ahampuix, üntoxle Zange apün-adakya thua anupuix, ibu hanpakma. Ibu othai hwon-nwotmixbu a mong tsakle tüikyabu üntoxle ma mongtextex ma saxmok le tüile, üntoxle thakchi to fuazangle tüikyabu thua hwom münza; itülüi hwome ibu adix-adale.

EFISIA 5:18

Hünzom olithu angkya jue nang to taxtok; itülüi Chasae awangle ngolax.

1 PITAR 5:2

Atsangle chichang homtoxle mongtsutsu le, Zange hünzom ang koxle tüikya chun zyem nyelax. Omün kop ang chichangle otsing tomtata ma thotha ang mongtsukya füi ma mwot mokkox.

1 PITAR 4:10

Pangnusae wüi, malom-malom hinghobu twon ang mankya khünak tuita lailaile, Zang tokhange tamsüile kopkya hingho hünzome tata fün amüi ang twonkox.

KAXHO MÜIKYA LUK 12:42

Jowanpa-e lan: “Jangchangba mongongkya hia hwontüi jezaikya da opupu hex? Hwom khama süt-mwot to hume angkya üntoxle hozui dabu ang otu nguikya ma sütling to humele kox angkya, ibu mwot hanpakma mongao chitüi le hopunue mwot owa ang koxpuix, mongongkya hia hwontüi jezaikya da a chix changpu.

EZEKEL 44:21

Hommong tokya nui to dongüima nguapabue ju-sax lingle chichangüi.

ISAIA 28:7

Jenu-shipa hia nguapabu ngaxchu juling-saxsax laxle tok-tok-ngale lomnong to paodaoa. Hwom chikho suale laxkya hia jepakya kople hwome okho-anguile jao juling-saxsaxle changle. Ajebu a Zang-e ahüikya mikngünohün ngaxchu tsingle lax ang chithole jue tok, ilaxle nguapabu chuwüi hwom hato apüikya tsetwon-zangwün fünle fa ang ngaxchu khosamle jutok ngo.

WANWÜNKAX 14:17

Mongtsik-künwün khünake ongat mwot mokle; jetüi-hwonlangkya mix dangjale ngole.

WANWÜNKAX 15:18

Mongtsik khangpong ma laxlaxle ngokyabue tsaitsat-kaxtsa angkya alaile, ikoxle adukyae mongsom apüile.

TITA 2:3

Azunubu hama, otsao tsün ngokya mixnu tuita chemle ngose hex ile ngo angkya adangle laxkox. Hwom a khualop cha tamchu ju danubu ang chingoüi.

TITA 1:5

Mokse mwot athut athuile zing angkya ilaxle ting-hax pangkha towüi müimüithom lompabu zün angkya naxmok lax angle kue nang Krata to danle toxpu. Adangle fakya ku zünkax-saikaxbu mong ma koplax:

FILIPI 1:1

Khrista dabu, Pol hia Timothi nyi tokhange: Khrista Jisu füikya notom ma Filipi angkya Zang khünaknu, tamchu müimüithom lomzun mixbu hia fongmixbuchu womle; hwom hato:

MATHI 24:45

“Jangchangba mongong hia hwon-je füi tüikya da owa? Opunue mama dabu ang otu thütle süt fa angkya mwot koxle thomkya da a chix changpu.

HWON-NWOT-JAONO 7:9

Nang mongtsik akumathum thomlax; mongtsik ang nui-ting koxkya a ongat.

WANWÜNKAX 16:32

Tsak-zong füi tüikya füi adukya tüikya wüi amüikya changle. Tingnu-noknu thakma apün-awang ang tsuakkya füi ma alüile akumathum ang thokya wüi amüikya changpu.

LIWI 10:9

“Hünzome tamchu hünzom su-sabu owaechu ku ngole tüikya Nyihom to juling-saxsax laxle taxngui. Hünzome ile jangmok, hünzom a ziüi. Ija a hünzom hanpak ang sutsün-satsün to nguile ojento twonle ngo angkya wanlom changpu.

PONGWANG LAIPEX 49:6

Hwom huxsa zangwün ma ku münwomüi, hwom katzua to kue müntsaüi. Mongtsiktsik ma hwome mix-lang; tsom-pom to chakmok-janlangkya hwome abaokya ang laxle.