TITA 1:6 - OTSAO BAIBEL (BSI)

⁶ Lompa tuita ma ofwot chitüi angkya oli; chix ang kakonu tuita wüi tüi angkya oli, chix naosombu a zongzanle tamchu kax ma chilaxle tüikya mowün oma chitüi homle mongong khünak changkoxle müiüi.

TITA 1:6 ပူးပေါင်းရင်းမြစ်များ

1 TIMOTHI 3:12

Müimüithom ma fongmix tuita ang kakonu tuita wüi tüi angkya oli, ilaxle chix kako hia naosom haxmüi zangmale apu-achang ang tho angkya oli changle.

TITA 1:10

Chemthüikoxle hwom tsaingat kaxngui füi mix dyen ang hia alünle ajong angkya, onüi angchu Jehudi nok zanglom tokhange mong alüixle hüikyabu tüihu le.

EFISIA 5:18

Hünzom olithu angkya jue nang to taxtok; itülüi Chasae awangle ngolax.

EZEKEL 44:22

Nguapa owaechu lüka füi fanle ngokya mixcha chilaxüi; chixe a Israel nok naocha tuita chichangba hozui nguapa owawae dantoxkya thanucha, ibu lax ang tsuak.

LIWI 21:7

Mixcha owae zangshwom-hom-ma ma tsangtsa hangle ngodaolaxpuix, mixcha owa naocha chichangpuix chichangba owa lüka füi fanlaxle thanu ang ngokya mixcha changpuix, iningkya mixcha nguapabue ma kako ang chilax angkya oli changpu; chix tuita otsao chang koxle.

1 THESALONIKA 5:14

Tüinaohom, hünzome chem mwot chimokle ngokyabu ang kaxkhün laxkox, mongchyen chitüikyabu ang mongchyen laxkox, shonaikyabu to asunkox, pangnu füi thuakjokkya tüikox.

KAXHO MÜIKYA LUK 1:5

Jehudi wanghom Herod din ma Zakaria le amün kya nguapa tuita tüikya. Chix a nguapa züjen ahan kya ma Abijah saxthom angkya changkya. Chix kakonu ang Elijabet le amün. She chuwüi zommix-zangmix kako tokya changkya.

WANWÜNKAX 28:7

Wanlom kax ma laxle tüikya tsünzün thom a jetüi-hwonlangkyabu changpu. Tütama lax ang chimüikyabu füi zuikhui zingkya a honu-hopa hwom hanpakma zakkop changpu.

1 SAMUEL 2:22

Athaxpi Eli a azule hüi. Sasün hwome Israel khünakbu to hwonkya chixe na to wangle chang. Hwom a Jowanpa Ngwotnui Nyihom fülom ma mwotmokle ngokya shekobu füi ngaxchu nganguile chang.

1 SAMUEL 2:11

Ifüima Elkanah ang Ramah to hom to chat, ikoxle naosa Samuel a nguapa Eli chitong ma Jowanpa thothale ngo ang Shiloh to ngo.

LIWI 21:14

zomnu chichangba thanu chichangba ma tsangtsa hangle ngodaokya mixcha chilaxüi. Chix füi ma zu-jen tokya naocha ti atu-amaile changüi.

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

MALAKI 2:15

Zang-e nang she füi chasa hia tsangtsa pangnyi ma müitom tuita ang münzingdai hia? Ija ma chix mongtex chem changkya dai? Ija a hünzom Zang khünaknu ma su-sabu tüile chang angkya hanpak changkya. Idaile hünzom khama owaechu ma kako füikya tsaotsüt münamapox-ole thüilax.

1 TIMOTHI 1:9

Ikoxlechu wanlombu a müikya khünakbu hanpakma chichangle wanlom pünkyabu, mix mik amütkyabu hanpakma, zang chilax homtoxle ngokya ochax khünakbu hanpakma, chasa ma chitsaokyabu hanpakma, honu hia hopa hwom langkya khünakbu hanpakma, mix mik amütkyabu hanpakma,