TITA 1:4 - OTSAO BAIBEL (BSI)

⁴ Oja tomkux mongong ma kusa tsingtsing hex, Tita, chix hato kue ija lai zapu. Hopa Zang hia kem khosünpa Khrista Jisu-e nang ang chingcha mongsom naxfa.

TITA 1:4 ပူးပေါင်းရင်းမြစ်များ

2 TIMOTHI 1:2

Mongkün kusa Timothi hato: Hopa Zang üntoxle kem Jowanpa Jisu Khrista-e nang ang, chingchajaja ilaxle mongsom naxfa.

JUD LAIZA 1:3

Ku mongkün tüinaohom, kue hünzom hato kem tom khosün bama zasele tüle mongtsule ngopongma, mongong oja tamfangma owüiole otsaobu ang koxdao laxpuix, ija mongong hanpakma hünzome zongbakle azong angkya kue hünzom hato zongsaile za angkya laile.

2 PITAR 1:11

Chemthüikoxle iningle tix kem Jowanpa tamchu khosünpa Jisu Khrista oshuk chitüikya wangting to hünzom ngui ang tomüi.

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

2 KORIN 2:13

Ikoxle kem tüinao Tita chibangkya khoma ku huanuma abanle mongmax. Ikhoma ikha tokya khünakbu ang ngodao-ole thüilaxle ku Mesidonia to pao.

2 PITAR 3:18

Üntoxle kem Jowanpa tamchu khosünpa Jisu Khrista chingcha ma thuithui le tsongle hüilax. Athax üntoxchu othuithuima fuazang chix kux ang naxchang! Amen.

2 KORIN 8:23

Tita hanpakma, chix ku üitho ilaxle hünzom to fong ang ku füi tomle thothapa tuita changle; chix füi tomle nguingokya tüinao nyi a müimüithom mün ma hüikyabu ilaxle hwom mwot makhange Khrista hato fuazang apüikyabu changle.

ROM NOK HATO ZAKYA POL LAIZA 1:12

Ku woktex a, ku mongong tokhange hünzom to fong ilaxle hünzom mongong makhange ku to fongle tomwüi afong angkya hanpakma changle.

JUHAN 4:42

Ilaxle hwome ija mixcha ang thüi: “Athax kwomechu ongpu, nang kax khomale chichangle kwom tomtatae chix zangwün atat ang kopkya khoma, athaxpi chix a otsingtsing chaxwannu khosünpa changpu le kwome awan ang kople.”

1 JUHAN 5:14

Zang thüntho ma kem ang mong chongpu, chemthüikoxle chix mongtex ma keme chix ma jukya pangnusa koxüile kem mong ma atsingshopu.

2 PITAR 3:2

Ku laiza pangnyi ma wüi, otsao ajebue kaiwüi akaxkya kaxbu üntoxle hünzom wangshembu makhange hünzom ang akaxle fakya Jowanpa tamchu khosünpa Jisu Khrista kaxtom hünzom mongto texle atak ang tomkya füi kue tsaothakya tutex hünzom mong ma azwot ang tompu.

2 PITAR 2:20

Ama angkya chaxwannu zong chak tokya, kem Jowanpa tamchu khosünpa Jisu Khrista tsingwankya makhange khünak paole azang ang tsuak; üntoxle ifüima ibue hwom chatle kop ilaxle hwom to lütle jangchangba, iningkya khünakbu oshuk, ami owang pongkya füi ngaxchu onüi ziama ang changle tüiüi.

TITA 1:3

ilaxle hanpak thütkhak le tüipongkhae chix kaxho makhange chixe ija ngaile ahole. Ija ku chak to koxle tox, ilaxle Zang kem khosünpa kaxtom makhange kue ija apukpu.

KOLOSI 1:2

Kolosi angkya Zang khünaknu, Khrista füikya notom ma opang kwom tüinaobu hex, hwom hato: Zang kem Hopae chingcha üntoxle mongkün fahüi.

EFISIA 1:2

Kem Hopa Zang hia Jowanpa Jisu-e chingchajaja tamchu tumüi naxfa.

GALATIA 2:3

Ku üitho Tita, chix Grik khünak changkoxlechu, chix ang khwon züt angkya chiatsang; züizüibue mokkox wüi müisele texkya.

2 KORIN 12:18

Tita ang shongakaxkox le kue tsanpu, ilaxle kue chix füi tomle mama khristan tüinao hwomchu apaopu. Tita-e hünzom to chix fün amüi angkya to hulaxle hwonle le thüiüi hia? Kukhie mongtex tuita makhange mok ilaxle taningle mokkya münchang hex nyi?

2 KORIN 8:16

Hünzom to fong ang kwom mongtsukya ningle Tita angchu mongtsu ang koxkya khoma kwome Zang ang münchong fapu.

2 KORIN 8:6

Hünzom khama küntsu monglua to koxkya tö sai angkya mwot Tita-e owang wangkya changle, idaile ija mongkün mwot chak ma laxle mokle ashuk aza angkya bama kwome chix wüi tamtompu.

2 KORIN 7:6

Ikoxlechu Tita hüikya makhange, künmax mongshanle ngokyabu mong achenle fakya Zange kwom mong machu zong adünle fa.

2 KORIN 4:13

Otsao Lai-e akax: “Ku mongong tüikya khoma kue akaxpu.” Ija chasa tuita mongong ma kwomechu kwom mongong tüikya khoma akaxpu.

ROM NOK HATO ZAKYA POL LAIZA 1:7

Idaile kue hünzom Rom tingnu angkyabu opang to Zange mongkün puix ilaxle chix ma-mix ang nyakle laxpuix, hünzom pangnu hato zapu. Zang kem Hopa hia Jowanpa Jisu Khrista nyie hünzom ang mongsom hia chingcha naxfa.

KAXHO MÜIKYA LUK 2:11

Anyix kha Dawid tingsho ma Jowanpa Khrista hünzom khosünpa puxle tüile!

GALATIA 3:26

Khrista füikya notom ma hünzom Zang susabu ang achangkya a mongong makhange changle.

GALATIA 3:28

Idaile Jehudi hia mixnokbu bama da hia panle thomkyabu bama, lüka hia sheko bama le süichapkya chemchu müntüi, Khrista füikya notom ma hünzom pangnu tuita.

1 TIMOTHI 1:12

Mwot mok angkya tsakzong ku ang owae fapuix, kem Jowanpa Jisu, chix ang kue münchong fapu. Ledaokya ma kue chix mo amale wün ilaxle chix to zothup tamchu adix-adale changdao koxlechu,

2 TIMOTHI 1:1

Zang mongtex makhange Jisu Khrista wangshem tuita, owae kem Khrista Jisu füikya notom ma tsaole thomkya tsün khüzün bama apuk ang tsanle apaopuix, ija Pol tokhange:

2 TIMOTHI 4:10

Dema a anyix ngainyixkya chaxwannu füi mongkün fün mongüna lüta ilaxle chixe ku awüt toxlaxle Thesalonika to paoüna. Kresen a Galatia to, Tita a Dalmatia to le paoüna.

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.