TITA 1:3 - OTSAO BAIBEL (BSI)

³ ilaxle hanpak thütkhak le tüipongkhae chix kaxho makhange chixe ija ngaile ahole. Ija ku chak to koxle tox, ilaxle Zang kem khosünpa kaxtom makhange kue ija apukpu.

TITA 1:3 ပူးပေါင်းရင်းမြစ်များ

1 TIMOTHI 1:11

Mohiman hia fuazangkya Zang tokhange kopkya Kaxho müikya oja apuk-apua angkya ku ang koxle thompuix, ija Kaxho Müikya ma ija hwon-nwot tüile.

1 TIMOTHI 1:1

Zang kem khosünpa ilaxle Jisu Khrista kem monghom tokhange Jisu Khrista wangshem ang achang ang tsankya mix Pol tokhange:

TITA 2:10

Itülüi, hwome hwom a othuithuima müile tamchu mongongle tüipule aho angkya changle, tamchu hwome mokkya pangnu lom ma khosünpa kem Zang bama anwot-anokya ang münchong apüikya lima ija ile moküi.

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

1 TIMOTHI 4:10

Kwom azanpu ilaxle azongle mokpu, chemthüikoxle pangnusa khosün mix tamnüilechu opange ongpuix, hwom hanpakma, kwome kwom monghom ozün Zang ma thompu.

1 TIMOTHI 2:3

Ija müikya changle ilaxle ijae kem Khosünpa Zang,

1 THESALONIKA 2:4

Itülüi kwome Zang mongtex chem hex ijaja akax, chemthüikoxle Kaxho Müikya apuk angkya mwot kwom ang koxkox le asule tüile le chixe ngünle tsuak. Kwome khünak mong amüi ang chiazong, ikoxle Zang owae kwom mongthwon lop, chix mong amüi ang azongpu.

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

KOLOSI 1:6

Pongwang ole atatkya nyix ijae hünzom mong alüixkya üntoxle Zang chingcha chongkya tsingle lax ang fakya lailaile, hünzom hato hüikya Kaxho Müikya tuitata wüi khünaknu tsün lüile koxle chaxwannu faole aham ngole.

EFISIA 2:17

Ikhoma le Khrista nguilaxle mixnokbu, owa Zang füi atsaile ochu to ngokya hex, ilaxle Jehudi nok, owa chix hato soxle tüikya hex, hwom pangnusa hato tumüi angkya Kaxho Müikya apuk.

GALATIA 4:4

Ikoxlechu tu-hi-wan thütkhak le nguile hüikya zuma mixcha tuita makhange Jehudi wanlom fangma puxle Zange Hosa ajo.

1 KORIN 9:17

Kue ija ku mongtex ma mokpuix thüikoxba, kue otha kopüi le ongkya tüise; ikoxle Zange ku ija mwottho hanpakma ma tsankya tüikoxle, kue ija ma hünlix ang laxle mokpu.

ISAIA 45:21

Ngui laxle khwa ma hünzom tsetwon-zangwün apüilax; hwome tata ma tikshole naxlaxkox. Chempangle changüihex ija kaiwüi owae ajele thom? Chix khünaknu khosünkya Zang, ija Jowanpa ku münchang hexmi? Iboma mama baozang owachu müntüi.

FILIPI 1:13

Ija khoma, ikhama chongwang hom nye ang ngokya süpahibu hia mamabu noke wüi ku kun to ngokya a tuita Khrista da ang achangkya khoma changpu le awanle.

ROM NOK HATO ZAKYA POL LAIZA 16:26

Ikoxle, athax a, ija otsingtsing a ajebu chakza makhange kotok to angai daoa; ilaxle noke ong angkya hia ija kax ma lax angkya kuxma, oshuk chitüikya Zang kaxtom makhange ija a nok chaxwan longkhoe awan ang koxdaoa.

ROM NOK HATO ZAKYA POL LAIZA 15:19

Idaile Jerusalem makhange Elirikam alople ahamkya bama lomjang fole, Khrista bama Kaxho Müikya komkaile apuk-apua daoa.

ROM NOK HATO ZAKYA POL LAIZA 5:6

Chemthüikoxle fongmix chitüile kem maxle ngoponge, Zange tyakya tuthüt ma, ochax khünakbu hanpakma Khrista zi.

WANGSHEMBU MWOT 17:26

Mixhuak tuita makhange chixe khünaknu jat-hi-li pangwüi zing, ilaxle chaxwan tok pangnu khato wüi hwom ngo ang dan. Amiba wüi achale chixe hanpak hia hwom ngo angkya ziakam textya le othüt chixe kox.

WANGSHEMBU MWOT 10:36

Khünak noknusa hopunu Jowanpa, Jisu Khrista makhange tumüi bama Kaxho Müikya apukle chixe Israel khünaknu hato fakya kaxho hünzome awanle ngopu.

KAXHO MÜIKYA LUK 1:47

Zang ku khosünpa changkoxle ku chasa mongmüile,

MARK 16:15

Chixe hwom ang thüi: “Hünzom a chaxwannu pangnu khato paokox; khünaknüsa hama Kaxho Müikya apukkox.

MARK 13:10

Ikoxlechu oshuk hüiüi thoto Kaxho Müikya jat pangnu hato apuale kop angkya oli changle.

HABAKUK 2:3

Ija a chakza ma koplax thomlax, chemthüikoxle ija changle ngai angkya hanpak mangui. Ikoxlechu hanpak a chwonle wüi hüile ngole, ilaxle kue nang hama chem ahodaopuix ija otsingtsingle changle hüiüi. Ija ngui ang süshenkya ningle sütkoxlax, ikoxlechu ija tanle nüilax; ija changle ngai angkya jaojao, ilaxle hanpak alüile münlaxüi.

DANEL 11:27

Ifüima ija wanghom anyi tomle fongsax ang tsap tuita ma thungüi, ikoxle hokhi mongtex a oma changüi, ilaxle hokhie tata dyenle changüi. Hwome chem kopse tsupuix, ija hwome chikopüi, chemthüikoxle ile chang angkya hanpak a mahüi.

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

DANEL 8:23

“Chemtue wangting ibu ashuk angkya otu nguile hüipuix, ilaxle sikngün koptangle chemtue hwom chichangchizangle changpuix, ipongma küntsak-mongtsak le changkya tüle huxtsing-loptsang füikya wanghom tuita laiüi.

ISAIA 45:15

Israel nok Jowanpa, owae chix khünaknu khosünle koppuix, chix a azwonle ngokya Zang changpu.

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

MIKNGÜN-OHÜN 14:16

Ifüima zangfwom dingma ngokya kaxtaimixe chix changkuix chaxwannu to ajo, ilaxle puamünle ngokya chaxwannu zütle atom.

EFISIA 1:10

Ija mwottho, oja otu-owan nguile hüikya füi tomle Zange tsuak angkya hex, ija a Khrista okhang ang lax üntoxle Zang chakzing, ding hia hax ma otukux tüilaxpuix, ibu pangnu tuita ma asüi angkya changle.

MARK 1:15

Üntoxle chixe thüi: “Chaxwan zanghan nguile hüiüna ilaxle Zang Wangting a chaknam ma tüile; hünzom ma ochaxbu tokya mong chatlax ilaxle Kaxho müikya to onglax!”

ROM NOK HATO ZAKYA POL LAIZA 16:25

Zang ang fuazangkya koxhax! Khrista bama kue apukkya Kaxho Müikya ningle, üntoxle kaile pupa tsün tokhange wüi pyenle thomkya otsao otsingtsing ngaile ahokya ningle, chixe nang mongong ma shingmongle ajong ang koxtsuak le.

2 TIMOTHI 4:17

Ikoxlechu Jowanpa ku füi ngo ilaxle ku ang zong kox, ikhoma tix kue mixnok pangnue atat ang tsuak le Kaxho Müikya apuk-apua ang tho; tamchu mik amüt angkya kaxfün chak tokya ku azang.