TITA 1:2 - OTSAO BAIBEL (BSI)

² Hanpak zanghan thoto wüi, thai angkya jao chichangkya Zange kem ang ija tsün khüzün fa angkya tsaole,

TITA 1:2 ပူးပေါင်းရင်းမြစ်များ

HUAKE LAIPEX 23:19

Zang a khünak lailaile atsekya mix münchang, Chix a khünak tuita ningle monglüile ngokya mix münchang. Chixe chem tsaopuix, ijatix mokpu. Chixe chem akaxpuix, ija a tsuakpu.

1 JUHAN 2:25

Üntoxle Khrista chixjaoe kem ang koxüi hexo le tsaokya oshuk chitüikya tsün khüzün a ija changle.

2 TIMOTHI 1:9

Chixe kem khosünle kop üntoxle chix zongto mamix ang nyakle laxkya a keme chem mokdao laxpuix ikhoma münchang ikoxle chix mongtex ilaxle chingcha khoma changle. Chixe kem ang ija chingcha a hanpak owang wangüi thoto wüi Khrista Jisu makhange fakya changle,

JUD LAIZA 1:21

ilaxle chix chingcha ma hünzom ang kox angkya oshuk chitüikya khüzün bama hünzome kem Jowanpa Jisu Khrista tanle nui pongma, hünzome ma alüile Zang mongkün ma thomhüi.

2 TIMOTHI 1:1

Zang mongtex makhange Jisu Khrista wangshem tuita, owae kem Khrista Jisu füikya notom ma tsaole thomkya tsün khüzün bama apuk ang tsanle apaopuix, ija Pol tokhange:

TITA 3:7

Ikoxletix wüi keme chix chingcha makhange Zang füi muamüi angkya ataküi tamchu keme monghomle ngokya oshuk chitüikya khüzün tsün kop angkya hato kem hüi ang thoüi.

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

2 TIMOTHI 2:15

Chiazak le chix thothapa tuita ningle, Zang otsingtsing kaxho Müikya thaikya chitüi le anwot-anokya khünak tuita ningle, Zange sule le lax angkya hanpakma nange otsuaktsuak ma azongle moklax.

2 TIMOTHI 2:13

Kem mongong chitüi le changkoxchu, chix ma mongao angkya müntüi; chixe ma thaikya ang münachang tsuak.”

1 SAMUEL 15:29

Tüle zaxzangle tüikya Israel nok Zang-e otuechu atsele münchang chichangba chix mong ajo-ajele münchang. Chix a khünak münchang, chixe chix mong ajo-ajele münchangüi.”

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

TITA 2:7

Pangnu lom ma wüi nang a müikya zanglom saikha müile ahokya olom tuita ang chang angkya changpu. Nang hwon-nwot bama mongkoxkya tamchu khünzukya tüilax.

1 THESALONIKA 5:8

Ikoxle kem a anyixning kux, üntoxle kem a tok-ngakya füi atsaile ngoüi. Mongong hia mongkün keme tata khaxtok khwop jan ang apong angkya changle, ilaxle khosün bama kem monghom khohom tuita ang lax angkya changle.

ROM NOK HATO ZAKYA POL LAIZA 6:23

Chemthüikoxle ochax omün a zikya changle; ikoxle Zange amuale fakya hingho a Jowanpa Jisu Khrista füikya notom ma oshuk chitüikya tsün khüzün changle.

MATHI 25:46

Ifüima hwom a oshuk chitüikya zothup nui to apaoüi; ikoxle otsaobu a oshuk chitüikya khüzün khato paoüi.”

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

MIKNGÜN-OHÜN 17:8

Ija müi ami ozün ma tüikya, ikoxle athax a ozün ma tammüntüi; ija a othong chitüikya tswomkha tokya alai laxle amüt angkya khato paoüi khakha. Chaxwannu angkya khünaknu opang mün ami khünak zingpong tokhange wüi khüzün laipex ma zale chitüikya hex, hwome ija müi ngünkya zuma tüle abüt maxüi. Ija a ozün ma tamchitüi, ikoxle ija tamchatle ngaiüi.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

2 TIMOTHI 2:10

ikhoma Zange zünle kopkya khünaknu kuxmale kue pangnu adu, ija a Khrista makhange ahüikya khosün hwomechu naxkoplax ang tamchu oshuk chitüikya fuazang apüi angkya hanpakma changle.

1 TIMOTHI 6:19

Ilailaile tix hwome athax füichima ma hanpakma oja oshing mongkya chifün ang changüihex, ija tuina athün ang thoüi. Üntoxle hwome tsün oja otsingtsing tsün hex, ija kop ang thoüi.

ROM NOK HATO ZAKYA POL LAIZA 5:21

Ile tix, ochaxe zikya füi chemle apünpuix, ilailaile Jisu Khrista makhange kem oshuk chitüikya tsün khüzün lom ma zunlaxle Zang chingchae otsao füi apün angkya changle.

WANGSHEMBU MWOT 15:18

Kaipong tokhange wüi awan ang, koxle hüikya ija Jowanpa-e akax.

JUHAN 17:2

Nange chix ang afafa pangnusa ang, oshuk chitüikya tsün khüzün koxtsuak angkya hanpakma, nange chix ang khünaknüsa thakma tsakzong koxpu.

JUHAN 10:28

Kue hwom ang oshuk chitüikya khüzün tsün koxpu, ilaxle hwom a tamchu chiziüi. Ku chak angkya hwom owaechu pale chipaoüi.

JUHAN 6:68

Simon Pitar-e lan: “Jowanpa, kwom owa hato paoüi? Tsün khüzün koxkya kax nang ma tüipu;

JUHAN 6:54

Owae ku müi sax tamchu ku aji linglaxüi hex, chix oshuk chitüi le ozün ma ngo angkya changle, ilaxle oshuk nyix kue chix ozün ma zo ang tomüi.

JUHAN 5:39

“Hünzome Lai Kaxbu lomle; chemthüikoxle ijabu ma oshuk chitüikya tsün khüzün ataküile hünzome ongle; ikoxle ija Lai Kax a ku hanpakma kaxkhi fakyabu Lai Kax changle.

1 TIMOTHI 6:12

Mongong zik ma apanle zikkox, ilaxle nang hanpakma oshuk chitüikya khüzün tsün kopkox; chemthüikoxle khünaknu thüntho ma nange shingmongle nang mongong ngaikya zuma Zange nang ija tsün hato nyakkya changle.

1 THESALONIKA 2:15

Jowanpa Jisu tamchu ajebu hwome langpu, ilaxle kwom to zothuppu. Zang miksho ma hwom otukux chix mongma ang tomkyabu hex! Hwom a pangnu zongto otukux chichangle tüikyabu hex!

ROM NOK HATO ZAKYA POL LAIZA 16:25

Zang ang fuazangkya koxhax! Khrista bama kue apukkya Kaxho Müikya ningle, üntoxle kaile pupa tsün tokhange wüi pyenle thomkya otsao otsingtsing ngaile ahokya ningle, chixe nang mongong ma shingmongle ajong ang koxtsuak le.

ROM NOK HATO ZAKYA POL LAIZA 5:4

adukyae Zang zongto sukya apüile, ilaxle chix zongto sukyae mongkün alaile.

ROM NOK HATO ZAKYA POL LAIZA 5:2

Keme Jisu Khrista to mongonkya tokhange, oja Zang chingcha athax keme koplaxle ngopuix, ija hato chixe kem ahüile. Idaile Zang fuazangkya süntswon angkya to monghom laxle kem ang mong huanuma müipu!

ROM NOK HATO ZAKYA POL LAIZA 2:7

Züizüi khünake mwot müikyakya wüi mokle ngole, ilaxle fuazangkya, üntoxle otuechu chizi chimax angkya tsün lomle; Zange hwom ang oshuk chitüikya tsün khüzün koxüi.

ROM NOK HATO ZAKYA POL LAIZA 1:2

Kaxho Müikya a kaipongma wüi ajebu makhange Zange tsaole thomdaokya ilaxle Otsao Lai ma zale thomkya changle.

JUHAN 17:24

“Apa, nange ibu ku ang koxdaoa, idaile ku ojong to ngoüi hex, hwomchu wüi ija khato ngo angkya a ku mongtex changle. Ile oja fuazang nange ku ang koxdaopuix, ija hwome naxngün; chemthüikoxle chaxwannu mazing tanto wüi nange ku to mongkünpu.

KOLOSI 1:27

Zang katzua wünkhom a, oja ahak aluakya hia fuazangkya huxsa chix khünaknu nok hanpakmale pyenle thomkya hex, ija huxsa chix khünaknu hato ngaile tsing ang kox angkya changle. Huxsa Ija a ile changle: Khrista a hünzom ma tüile, thüikoxle, hünzome Zang fuazang süntswon ang kopüi.

MARK 10:30

chixe athax ipongkhae tüle onui kopüi: hom-pungchu, hotüi honao hwomchu, hona honao hwomchu, honu hopa hwomchu, kakonubuchu, susabuchu, haxtok homtingchu, ifüi tomle sikngün zothupchu wüi kopüi; ilaxle athax füima oshuk chitüikya khüzün tsün ataküi.

MARK 10:17

Üntoxle Jisu pao ang achexle lom ma tüipongma, khünak tuita chix hato zikle hüilaxle akhux üntoxle chix ma atüi: “Müikya Nwotmix, oshuk chitüikya tsün khüzün atak ang kue chem mokse dai?”

ISAIA 1:20

Ikoxlechu hünzome ku mün amale jangchang, hünzom a zikmüt-mangkho thama ma tüile. Ija a, Jowanpa, kue akaxdaoa.”