TITA 1:11 - OTSAO BAIBEL (BSI)

¹¹ Hwom zangwün abax angkya zongpong jao changle, chemthüikoxle hwome ngun kop angkya thünzak mwot anwot-anokya tokhange hwome kako-kako angkhae lanle mong ama ngole.

TITA 1:11 ပူးပေါင်းရင်းမြစ်များ

2 TIMOTHI 3:6

Hwom züizüi khünakbu hom to nguiüi ilaxle zong chitüi le ngokya shekobu opang ma ochax hünlixe sheplaxle tüilaxpuix ilaxle mongzokkya oli pangnue jwonle ahamle tüilaxpuix,

1 TIMOTHI 6:5

üntoxle khüzi ma mwot chikoxkya tamchu otsingtsing chitüikya khünakbu makhange ohyet-otsi janba to alaile. Ibu a zanglom ma ahak-alua angkya olom tuita le hwome thütle.

ROM NOK HATO ZAKYA POL LAIZA 3:19

Owaechu ma khosele zangwün angkya chitüi angkya ilaxle chaxwannu bakle Zang kaxfün hato apüi angkya hanpakma, wanlom ma atüitüi komle wanlom fangma ngokyabu pangnu hanpakma akaxkya changle le athax keme awan ang kople.

TITA 3:10

Ahak ahankya alaikya mix ang othom anyi tukux ma kaxkhün laxkox, ifüima chix füi saxmok angkya mwot chemchu müntüi.

MÜNCHUAK-TSAI 63:11

Zang-e chix ang lüt ang tomkoxle, wanghompa ang mongmüiüi. Zang mün male tsaosaxkyabue chix achuaküi, ikoxle atsekya mixe ma wikha a huxüi.

TITA 1:9

Lai kax otong füi notomkya mongong tangkya kaxho to chixe mongle kop angkya changle. Iningle chixe otsingtsing hwon-nwot makhange mix ang zong adün ang thoüi ilaxlechu ija füi opüima tüikyabu hama hwom thaikya kha aho ang thoüi.

TITA 1:7

Ile müimüithom lompa tuita a Zang mwot mok angkya ajepa tuita changkya daile, chix a ofwot chizaile changkoxle müiüi. Chix a makax kax ma wüi laxhüi le chichangba amuaküsa to mongtsik dongkya mix chichangüi, chichangba jutok saxngakya mix, hyetlom mix, ngun to asingkya mix, iningkyabu chichangüi.

MIKA 3:5

Hwom ang otha koxle changkyabu ang mongsom koxüile tsaosaxkya ajebue ku khünaknu dyendaoa. Hwom ang otha chikoxkyabu ang ochax-ozan thama apong angkya aza. Ibu ajebu füi Jowanpae akaxle,

MÜNCHUAK-TSAI 107:42

Otsao khünakbue ija ngünlelax ilaxle mongmüi, ikoxlechu ochax khünakbu a pangwüi adang.

2 KORIN 11:10

Ku ma tüikya Khrista otsingtsing ma kue tsaopu: “Akaia ma ojong khatochu ija ku mongngam mündang toxüi.”

KAXHO MÜIKYA LUK 20:40

Ijakoxle hwome chix ma chatle atüi angkya mong chichong.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

EZEKEL 16:63

Nang thaile hüidaokya pangwüi kue pangwüi alaküi, ikoxlechu nange ibu texle ataküi ilaxle nang tun hyen ang huanuma azakle sütüi.” Ija kax Jowanpa Khüthak Zang-e akaxdaoa.

EZEKEL 13:19

Chakpuix tuita wonglai tsax hia an hidaole kople lax angkya hanpakmale hünzome ku khünaknu tunthoma ku wün ahai. Zise pa chichangkya khünak hünzome langle awüt, ilaxle azangle ngose chichangkya pa hünzom ozün ma thom. Ile hünzome ku khünaknu hama othai zangwün ilaxle hwome hünzom to mongong.”

JEREMIA 8:10

Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

JUHAN 10:12

Ikoxlechu owa hingchak achakkya mix hex, tamchu chun nyet mix tsingtsing chichang puix, owa chunbu hopunuchu chichang puix; hulax shwonbu hüikya ma. Chixe chunbu dantoxlaxle pao ma sütüi, ilaxle shwonbue ibu chun shingle kopüi, ile hwom a anyaple asamüi.

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

1 TIMOTHI 5:4

Ikoxle zomnu tuita ang susabu tüile jangchang thüiba, hwome pongwang ma zanglom mwottho ningle ma kako ma hünlix thüikoxle manu mapa to atu-alit angkya tsingle shongkop angkya changle.

1 TIMOTHI 5:13

Tuita hom makhange ata hom to tailaile ahamle hanpak alyet angkya hwome awan ngopu; ikoxle ifüi sümalechu, hwom za-aman ang tamchu hwom chiwomkyali khato womle, chiwün homfang zangwünle ngo ang awanle laxle.

2 TIMOTHI 2:18

Hwome mongong lomtang danle toxdaoa ilaxle kem anaole zokya ang achangle hüidaoa le anokya hwon-nwot tokhange hwome mongong mixbu züizüi mong ama le ngole.