TITA 1:10 - OTSAO BAIBEL (BSI)

¹⁰ Chemthüikoxle hwom tsaingat kaxngui füi mix dyen ang hia alünle ajong angkya, onüi angchu Jehudi nok zanglom tokhange mong alüixle hüikyabu tüihu le.

TITA 1:10 ပူးပေါင်းရင်းမြစ်များ

1 TIMOTHI 1:6

Ibu khatokya züizüi a chatle paoüna üntoxle ongat zangwünbu ma hwom lom asam daoa.

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

GALATIA 2:4

Mongong mix-mix wüihexle atsing üntoxle, Khrista füikya notom ma kwome kopkya khangkho zangngai bama opak otua tikle laxsele khwalop mix ibu kwom othom khato zuile ngui.

EFISIA 4:14

Ifüima kem, mae zingle alaikya tsingtsang othai hato mix zunle ngokyabu odyen khünakbu hwon-nwot tichape laxlax tox angkya ilaxle zangwin to lexlexchex le jeple paongo angkya athax kem a naosom münchang.

JAKOP 1:26

Khünak owawae ma mong alüile dyen-nganle malualua to ma atsaole texlanlan laxle ma akumathumkya chitüi homle jangtüi thüiba, chix otsao zanglom ma chem lap müntüi.

2 TIMOTHI 3:13

üntoxle chisu chimüikya khünakbu tamchu othai hwon anokyabu zia süma sümale maüi; ile hwome mixdyen-mixnganle tamchu ma alüile dyenle changüi.

WANGSHEMBU MWOT 11:2

Pitar Jerusalem to chatkya zuma, mixnokbuechu khwon züt angkya olom changüi le texkyabu othome chix ajaole thüi:

MIKNGÜN-OHÜN 2:14

Ikoxlechu nang füi wün angkya zangwün hidaole tüile: Balam hwon-nwot füito azuikyabu hünzom khama züizüi tüile. Israel khünaknu ang chapa ang koxdaokya süt sax ang tom angkya hia chinunchakkaile tüi angkya mwot mok ang tom angkya bama Balak hama anwot-ano le fakya mixsün a Balam changkya.

MIKNGÜN-OHÜN 2:6

Nikola hwom mwot to kue anukya tukuxle nangechu anu angkya kax a tüile.

1 JUHAN 2:18

Kusu kusahom, oshuk a nguile hüile! Khrista zongto zan hüi angkya bama hünzom hama wündaopu; üntoxle athax Khrista zongto zanbu obiobi laihuüna, idaile oshuk nguile hüile le keme awan ang kople.

2 TIMOTHI 4:4

Otsingtsing to apakya lom tokya hwom anongle paoüi ilaxle hwome pupa zangwün to mongkoxle tüiüi.

1 TIMOTHI 1:4

Hwom ang ibu pupa zangwün ilaxle putong akiakle lowüilole zale thomdaokya awütdao le thüikox. Ibue kax ma alan angkya wüi chialaiba; ibue mongongle nyakkya Zang mongtex mokle aho angkya münchang.

GALATIA 3:1

Hünzom Galatia nok ongatbu; hünzom to owae khunpu? Jisu Khrista pünsak ma takle langkya bama kue hünzom hama komkaile wüi wündaopu.

WANGSHEMBU MWOT 20:29

Ku cha achex füima, chisumüikya shwonbu hünzom hato hüiüi, ilaxle hwome othom angkya chunbu komle thomjoüi.

WANGSHEMBU MWOT 15:1

Jehudi tokya khünak züita ngui ilaxle Antiok angkya Jisu Khrista ma tüinaobu hama anwot-ano le thüi: “Mosa wanlom ma tüikya ningle khwonzüt zom chizing thüikoxle Zange hünzom kho münsünüi.”

WANGSHEMBU MWOT 15:24

Kwomkha angkya züizüi nguilaxle hünzom to tingtui adünkya hia mong amale zangwünkya kwome atatdaoa; ibachutix hwom ang ile moklaxo le kwome anwot-anokya münchang.

1 TIMOTHI 1:9

Ikoxlechu wanlombu a müikya khünakbu hanpakma chichangle wanlom pünkyabu, mix mik amütkyabu hanpakma, zang chilax homtoxle ngokya ochax khünakbu hanpakma, chasa ma chitsaokyabu hanpakma, honu hia hopa hwom langkya khünakbu hanpakma, mix mik amütkyabu hanpakma,

TITA 1:6

Lompa tuita ma ofwot chitüi angkya oli; chix ang kakonu tuita wüi tüi angkya oli, chix naosombu a zongzanle tamchu kax ma chilaxle tüikya mowün oma chitüi homle mongong khünak changkoxle müiüi.

1 JUHAN 2:4

Owawae chix awanpu le akax, ikoxlechu chix kaxtombu kax ma laxle chitüi, jangchangba chix atsepu üntoxle otsingtsing chix ma müntüi.

MATHI 23:14

Wanlom nwotmix hia Farisi, hünzom künkux-mongkwombu! Hünzom maxsax! Hwome zomnubu chwom ilaxle hwom hom angkyabu paole, ikoxle mixe naxngün le ozulole jople. Ija khoma thajao akhokya hünzome kop angkya changle.