RUT LAIPEX 4:6 - OTSAO BAIBEL (BSI)

⁶ Ija khünake lan: “Ile chang angkya jangchang thüiningle hax shak angkya ku süntswon kue münlax ngo, büthüikoxle ija a kusa hwome kopüi münchang changa. Ija nange wüi shakle koplax; kue hexle münshak ngohom.”

RUT LAIPEX 4:6 ပူးပေါင်းရင်းမြစ်များ

RUT LAIPEX 3:13

Nang zangngai tan ang ikhama ngodao, ilaxle ngainop chixe nang hanpakma hünlix chilax hia laxüi ija tsingle kop-hax. Chixe pongle jangkop tsuak müihupu; chixe münlaxtsuakle jangthüi: kue ozün ma tüikya Jowanpa mün ma akaxpu, ija hünlix kue laxüi. Athax a ima shuile ngainopkya zangngai tanle nuidao.”

LIWI 25:25

Israel khünak owawa zasa ang achang laxle, chixe ma haxtok hang angkya chifün hato atsangle janghüi thüiningle, chix haxnu-homsabue ija shakle tüi angkya wüi changpu.

TSAITONG-KAXTONG 25:7

Ikoxle zile paoünkya honae she laxse chitsu thüiningle she a tingsho angkya lompabu hato paoüi ilaxle hwom ang thüiüi, ‘Ku kakopa honaoe ku chix ma shong ang müntom lüta; chixe hotüi ang Israel khünaknu khama osix-oli münthomle texputa.’

PONGWANG LAIPEX 38:8

Ifüima Judah-e Er honao Onan ang thüi: “Donglaxle hünnachong füi jiplax. Nang a she lüka honao, she zongto sangmütpa tuita daile, tamchu olom ma hüile ngoünkoxle, hüitüi ang sixli alaile laxkox.”

TSAITONG-KAXTONG 25:8

Ifüima tingsho angkya lompabue ija mixsün selaxle chix füi akaxüi. Chixe she münlaxpule jangthüi:

TSAITONG-KAXTONG 25:9

tingsho angkya lompabu tunthoma honachong chix hato hüilaxle chix angkya chisox sukle ang tomüi ilaxle chix thün to thuake thuak laxle akax ang tomüi, ‘Matüi ang sixli fase chitsukya mix to ile chang angkya olomjao changle.’

RUT LAIPEX 2:20

Naomi-e thüi: “Jowanpae Boaz to mohimankox! Ozün hia omang pangnu füi Jowanpae chix kaxtsao otya ma thomle.” She-e chizakle akaxle le: “Ija mixsün a kem zongto ma-mix changpu. Künyi to humele chang angkya hünlix laxlaxle ngokya mixsün tuita.”

RUT LAIPEX 3:9

Chixe atüi: “Nang a opupu?” She-e lan: “Alixachong, ku a Rut changpu. Nang a mamix ang chang laxle ku to hume angkya hünlit nang hato nguikya daile chingchalaxle ku nang kakonu ang laxhüi.”