RUT LAIPEX 4:1 - OTSAO BAIBEL (BSI)

¹ Boaz a nguazua nui tingnu pan to lai ilaxle ima thung. Ifüima Elimelek zongto süsoxkya mamix, owa mo Boaz-e wünle akax daopuix, chix ngui, ilaxle Boaz-e chix sele thüi: “Tüita-naopa oman, ikhama thunghüi.” Idaile chix hüi ilaxle ikhama thung.

RUT LAIPEX 4:1 ပူးပေါင်းရင်းမြစ်များ

RUT LAIPEX 3:12

Ku a nang zongto mamix jaojao tamchu nang hanpakma hume angkya ku hünlit jaojao ikoxlechu ku füi ngaxchu mamix tomta tuita mixsün tüile.

TSAITONG-KAXTONG 25:7

Ikoxle zile paoünkya honae she laxse chitsu thüiningle she a tingsho angkya lompabu hato paoüi ilaxle hwom ang thüiüi, ‘Ku kakopa honaoe ku chix ma shong ang müntom lüta; chixe hotüi ang Israel khünaknu khama osix-oli münthomle texputa.’

TSAITONG-KAXTONG 16:18

“Jowanpa hünzom Zang-e hünzom ang koxkya tingnubu ma kaxfün mixbu tamchu mama okax-okho hwom kamlax. Hwom khünaknu to masüi-mixlüikya chitüikya kaxfün fale apünüi.

AMOS 5:15

Chem ochax hex ija thua anulax, chem supuix ija to mongkünlax, ilaxle khwa ma sukya kaxfün koxle chang angkya to hulax. Ile jangthüiningle owatsing, athax atale toxkya khünakbu to Jowanpae chingchakya tüiüi.

JOB LAIPEX 31:21

Khwalo ma zangwünkya kue wüi lütüile thütlaxle, kue owawa khaxsa nao dyenlale jangchangdao,

JOB LAIPEX 29:7

Tingnu angkya tüichong mixmüibu asox nyix, hwom thom khato kue ma ngwotnui kop.

TSAITONG-KAXTONG 21:19

Iningkya nao a honu hia hopa nyie tingnu ma tüikya lompabu pomtho to apüi angkya oli changle, ilaxle chix a kaxfün nui to ajong ang tomüi.

ZEKARIA 2:6

Jowanpa c hix khünaknu füi akax: “Kue hünzom lomkua pangwüi chito afale fan ang tompu. Ikoxle athax hünzom zanda ang ngokyabu, hünzom Babilon nok chak tokya paole azang laxle Jerusalem to chatpu.

ISAIA 55:1

Jowanpae thüi: “Oman, ti alankyabu pangwüi — ikhama ti tüile! Oman, hünzom ngun chitüikyabu— sozam shakle saxlax! Oman! Grep-ti hia tsomti shaklax — ija ma otha münju!

TSAITONG-KAXTONG 17:5

ija khünak a tingnu panfang to paolaxle long füi thuple langdao.

PONGWANG LAIPEX 23:10

Tingnu panja ma mama Hit nokbu füi tomle Efron chix jaochu thungle tüikya; ikhama tüikya noknusae atatle chixe lan,

PONGWANG LAIPEX 34:20

Hamor hia Shekem nyi, panja angkya katzua nui to lai ilaxle tingnok angkya khünaknu füi akax:

JIHUSUA 20:4

Chix a ibu tingnu tütapu to paole hüiüi, ilaxle ija tingnu pan ma kaxfün nui to nguilaxle chempangle changpuix, ibu bakle ikhama tüikya lompabu hama wünüi. Ifüima hwome chix ija tingnu to dong ang koxüi ilaxle chix ang ngwotnui tuita koxüi, ikoxle tix chix ikhato ngo ang tsuaküi.

RUT LAIPEX 3:18

Naomi-e she ang thüi: “Athaxpi ibu chempangle changpuix mike ngünle mahüi tanto nang adule ngohüi. Anyix ija zangwün tsaifün-kaxwünle machang tanto Boaz ang nazak müntüipu.”

2 SAMUEL 15:2

Chix kaiwüi zo ilaxle laile tingnu pan lomnu ma ajong. Chemtue otsai-okax koplaxle, wanghompa-e fünwünle naxfale ikhato owawa nguile changpuix, Absalom-e ija khünak selaxle chix ojong tokya nguipuixle atüi. Ija khünake chix homjen apuale fakya füima,

2 PUKAX-PANGAO 18:9

Wanghompa anyi, wanghom hwom zapua laxlaxle, ma ngwotnuinui ma thungle Samaria panja angkya tsaxnak nui ma tüikya, ilaxle ajebue hokhi tunthoma ajele ngokya.

MÜNCHUAK-TSAI 69:12

Hwome tingjang lomnu to ku mowün, ilaxle jutok-saxngat mixe ku ajaole tsai zingle ngao.

WANWÜNKAX 31:23

She kakopa a noknue awanle, ting-nok khama tuita lompa.

JEREMIA 32:10

Kue sohi shing ilaxle shak-sünkya laiza zale kop, ija ma ngünmixbu lax, ilaxle ngunkhix huak a tuak ma thütle kox.

PONGWANG LAIPEX 19:1

Sodom nok to kaxtaimix mixsün anyi nguikya hansong ma, Lot a tingnu pan ma thungle tüikya. Chixe hokhi ngünkya shemle, chix ajong ilaxle hokhi füi apong ang lai. Chix hokhi chitong ma akhuxle shwom.