RUT LAIPEX 2:8 - OTSAO BAIBEL (BSI)

⁸ Ifüima Boaz-e Rut ang thüi: “Kue nang ang olom apuafang. Ikhama asüikya boma tsaxwüt nange mama khato taxasüi. Ikhama mwotmokle tüikya shekobu füi tomle moklax;

RUT LAIPEX 2:8 ပူးပေါင်းရင်းမြစ်များ

2 WANGHOMBU 5:13

Chix dapa chix hato donglaxle thüi: “Alixachong, ajepae nang ang mwot tsakkya tuita koxpuix thüikoxba nange mokdaose. Ikoxle athax chixe akaxkya lailaile ti ajo laxle nang chem ang chimüiünlaxpu?”

FILIPI 4:8

Oshukma kutüi-kunaohom, münchong fakoxle asule tüikya hia oli müikyabu füi hünzom awangle tüikox; thüikoxle, otsingtsing, sukya, changkya, tsaothakya, mongkünkya ilaxle achuak achen ang asule tüikyabue awangle tüikox.

MATHI 9:22

Ikoxle Jisu-e aküile hulaxle akax: “Ku sacha, mongchonglax, nang mongonge nang kak amüidaoa.” Ija ma wüi ija mixcha kak müi.

MATHI 9:2

Züizüi khünake faile kakkya mix lya ma pai le chix hato apüi. Ijama Jisu-e hwom mongong ngünlaxle, faile kakkya mixsün füi akax: “Naosa, mong alüixlax, nang ochax thailak koxdaoa.”

1 SAMUEL 3:16

Eli-e chix nyakle thüi: “Samuel, kusa!” Samuel-e lan: “Ku ikhama tüile.”

1 SAMUEL 3:6

Jowanpae anaole chuwüi Samuel nyak. Naosae ija a Jowanpae nyakpule chitsing, chemthüikoxle ithoma Jowanpae chix füi zangwünle machang. Ikhoma chix zolaxle Eli hato hüile atüi: “Nange nyakle ngokya ku hüiüna.” Ikoxle Eli-e lan: “Ku sasün, kue nang chinyak-khato; chatlaxle jiple ngodao.”

RUT LAIPEX 2:7

Mwt mok mixbu füifüima tsaxwüt asüile chang angkya she-e ku ma tikpu. She-e swomsa makhange wüi mokle hüilaxle athaxtix onox ma nazakle zangkhung ma thungtan.”

RUT LAIPEX 2:9

hwome tsax ochito zütpuix, hwom nuakfüifüile azuile asüilax. Kue ku khünakbu ang nang to sa-male taxchang-ole akaxdaoa. Chemtue nang tilanle changüihex, hwome khole thomkya tipe angkya ti linglax.”

LIWI 19:9

“Chemtue hünzome tsax atule changüihex, chamtua-suizang to lünle nange sax taxzüt, üntoxle chu saxwüt asüi ang tam taxchat.