RUT LAIPEX 2:12 - OTSAO BAIBEL (BSI)

¹² Nang chem mokdaopuix ija to Jowanpae mohimankya naxtüi. Israel nok Jowanpa owa tong to nang ma khang khom ang nguile tüilaxpuix, chixe nang to chingchajajakya naxtüikox!”

RUT LAIPEX 2:12 ပူးပေါင်းရင်းမြစ်များ

MÜNCHUAK-TSAI 36:7

O Zang, chizakkya nang mongkün chemtukuxkya thalix hex! Kwome nangkui nang baozangbu zangkhung fang ma ziakople ngo ang kople.

MÜNCHUAK-TSAI 91:4

Chixe nang to chix kui-zang füi ole thomüi; chixe humele nang kho sünle thomüi; chialekya chix mongonge nang ziakople tamchu kho-awale thomüi.

MÜNCHUAK-TSAI 63:7

chemthüikoxle nang a jento ku to fongmix changpu. Nangkui-nangzang khungto ku mongmüi to tsai ngaopu.

MÜNCHUAK-TSAI 17:8

Nange nang mik chemle azünse hex ile ku azünhüi; nang kui-hi-zang fangto ku pyenle thom hüi,

MÜNCHUAK-TSAI 61:4

Ku othuithuima nang otsao nui ma ngo ang tomhüi; nang-kui nang-zangbu fang ma ku chaza chemchu chitüile ngo ang tomhüi. Selah

IBRI 6:10

Zang a masüi mixlüikya münchang. Hünzome ma füikya khristan üithobu ang kox-zun le ngokyabu üntoxle fongkya olom tokhange chix hato mongkün ahokya chichangba hünzome mokdaokyabu chemchu chixe alak angkya münchang.

IBRI 11:26

Ijip nok tuina pangnu füi Khrista bama thajao wünhai wüi achongkya tuina changpu le chixe tex, chemthüikoxle chixe füichi ma kop angkya hingho chix mikza ma thom.

1 SAMUEL 24:19

Khünake ma zanpa koplaxle chilang homtoxle obima danle apaodaopu? Anyix nange ku to chem mokdaopuix ija bama Jowanpae nang to mohimanle naxchang!

RUT LAIPEX 1:16

Ikoxlechu Rut-e lan: “Kue nang dantoxlaxle chat ang ku füi taxakax! Ku nang füi tomle pao ang tomhüi. Nang ojongto paopuix, ku chu ikhato paoüi; nang ojongma ngopuix, ku chu ikhama ngoüi. Nang khünakbu a ku khünak ang achangüi, ilaxle nang Zang a ku Zang ang changüi.

MÜNCHUAK-TSAI 57:1

Ku to chingcha hüi, O Zang, ku to chingcha hüi, chemthüikoxle ku a nang hato khosün lomle nguipu. Tüle zongkya tinu-tichap madang-madangle, nang zangkhung ma kue khosün koppu.

IBRI 11:6

Mongong chitüi homtoxle owaechu Zang mong amüi ang müntho, chemthüikoxle chix hato hüikya pangnusae, Zang ozün ma tüikya tamchu chix alomlom ang onüi kop-lo ang koxkya to mongong tüi angkya changle.

KAXHO MÜIKYA LUK 6:35

Ile münchang! Hünzome ma zanbu to mongkün kox ilaxle hwom ang müikya olom mokle laxkox; olüix kopüi le ongkya chitüi le laxkox. Ile jangchangba nang ang hingho chongkya tüiüi, üntoxle hünzom a Taitax Zang susa ang achangüi; chemthüikoxle münchong chifakya hia chichang-chizangle tüikyabu to chixe chingchale.

MATHI 23:37

“O Jerusalem! O Jerusalem! Hünzome ajebu lang tamchu Zang kaxho mixbu daole lang! Onue osabu to ozang fang to ole thomkya ningle, kue nang to ku chake künle thomse le tüle texpu; ikoxchu nange ku ang ile mok ang chitom!

MATHI 5:12

Mongmüilax; chemthüikoxle zangkangting to hünzom ang hingho tüihule. Hünzom thotokya ajebu tochu hwome ile wüi zothuppu.

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

2 TIMOTHI 1:18

Ija nyix Jowanpa-e chix ang chix chingcha naxfa kox! Üntoxle Efisia ma tüipongmachu chixe ku hanpakma otukux mokdaopuix nange sümüile awan ngopu.

MATHI 6:1

“Khünake naxngün le hwom miksho ma otsao mwot chimok angkya bama hünzom khünlax. Iningkya mwot hünzome noknu thüntho ma mokle jangchang thüiningle, zangkangting tokya hünzom Hopae fa angkya hingho hünzom ang chemchu müntüi.

WANWÜNKAX 23:18

Ile jangchang thüiningle nang khüzün zangngai ma tüile.

WANWÜNKAX 11:18

Otsingtomtata ma chichang-chizangkya khünakbue olüi chemchu münkop, ikoxlechu nange sukya mwot mokle jangchang, nange olüi kop angkya jao changpu.

MÜNCHUAK-TSAI 58:11

Khünaknue thüiüi: “Otsingtsingsa ma otsao khünakbu ang hingho koxdaoa; zangfang ang kaxfün fakya Zang tüijao tüile.”

MÜNCHUAK-TSAI 19:11

Ibue, ku, nang dapa ang tsing-wankya koxle; Ibu kax ma laxle tüikya khoma ku to mohimanle.

KOLOSI 2:18

Othai to puinai le ahokya üntoxle kaxtaimixbu to shwomkyabu opange ataxkya mikngün ohün tüidaoa le akhokya changpu le thüilaxpuix, iningkya mix owa angchu nang thajao ang taxtom. Chemthüikoxle iningkya mix a tüta khoma lüchu chichangle chix müi-hi-aji mongjang makhange mongngam ahole,

RUT LAIPEX 2:11

Boaz-e lan: “Nang kakopa zile paokya füima nange ma-nyenu to chemle atu-alitle hume hüipuix ibu kue pangwüi atatle laxdaoa. Manu-mapa hwom hia ma chaxwan dantoxlaxle otuechu chingüntoxkya khünakbu füi tomle ngo ang nang chemle nguipuix ibu kue awan ang kopdaoa.

RUT LAIPEX 2:13

Rut-e lan: “Nang a ku zongto chingcha füikya mixsün changle. Nange kaxmüi zangwün makhange ku ang mong amüidaoa. Wünhax thüikoxle ku a nang da tuita tukux ngaxchu chichanghupu.”

RUT LAIPEX 4:15

Nang nomchae nang to tüle mongkünle. She-e nang hanpakma sasün anüte mokse to kaile mokle fadaoa. Ilaxle athax a she-e nang ang susün tuita koxdaoa. Ija naoe nang ang azünle tamtsong angkya tsün apüile koxle ilaxle azule shonai füima chemle changüile nang khosam angkya ojao müntüi.”

JEREMIA 31:16

Sopngokya zaklax ilaxle hünzom mikfi fwotlax. Hünzome naosombu hanpakma mokkya mwot olüi chikop homtoxle münlepu; hwom a zan nok chaxwan tokya chat angkya changle.

1 SAMUEL 24:20

Athax kue tsingle laxdaoa, nang a Israel nok wanghom ang achangüi ilaxle nang chak ma wangting tsünlole ngoüi.