RUT LAIPEX 1:6 - OTSAO BAIBEL (BSI)

⁶ Noxta ngofüima, Jowanpae hwom khünakbu to saxziak puamün ang tomle mohiman koxkya zing Naomi-e atat ang kop; ikhoma she a nomcha nyi füi Moab toxlaxle chat angkya achwon.

RUT LAIPEX 1:6 ပူးပေါင်းရင်းမြစ်များ

MÜNCHUAK-TSAI 132:15

Kue Zaion to she-e lomkya komkaile koxle mohimanüi; she tüi-nuak kue sütling kop-lokya füi mongzom müi ang tomüi.

MÜNCHUAK-TSAI 111:5

Chix chathua zale changkyabu ang chixe osüt-oling koxle; chixe chemtuechu chix Tsaotsüt münalak.

LAIPAO 4:31

Hwome mongong, ilaxle chemtue hwom hato Jowanpa nguilaxle hwome sikngün apongle ngokyabu to komkaile hule toxkya kax atatle changpuix, ipongma hwome akhuxlaxle chix shwom.

LAIPAO 3:16

Paokox ilaxle Israel nok lompabu sele asox kox, ilaxle hwom hama thüikox, ‘Jowanpa hünpu-hünpa Abraham, Isak hia Jakop hwom Zang ku hato ngaile ilaxle thüile: Ijip nok ma kue hünzom to hudaoa ilaxle hünzom to chemle changpuix pangwüi ngünle laxdaoa.

KAXHO MÜIKYA LUK 19:44

Üntoxle hwome nang hia nang wankam ma ngokya khünakbu amütüi; hwome chiatsun homle long tuita ngaxchu athünle chitoxüi, chemthüikoxle nang khosün ang Zang ngui angkya hanpak nange awanle chingo!”

KAXHO MÜIKYA LUK 1:68

“Oman keme Jowanpa, Israel Zang achuak hax! Ma-mix to fong ang, chix nguile tüile; chixe hwom sünle kopdaoa.

MATHI 6:11

Kwome lomkya süt, anyix kwom ang laxhüi;

JEREMIA 29:10

“Jowanpae thüile: ‘Chemtue Babilon nok zanglao puzombün kaile leüihex, kue hünzom hato chingcha ahoüi ilaxle ku kaxtsao ningle hünzom a hom to chatle ngui ang tomüi.

ISAIA 55:10

“Ku zangwün a jun hia zangwat ningle changpu oja zangdingkho tokhange chaxwannu ashan ang dütpuix. Ibue tsaxsa-hikha lai ang tomle ilaxle küi angkya hia sax angkya hanpakma oziak fale.

ZEFANIA 2:7

Judah khünakbu opang atale toxpuix, hwome ija hünzom haxtok laxüi. Hwome ikhato hwom chunbu danle fumtsüt ang tomüi ilaxle hwom Ashkelon hombu ma pomüi. Jowanpa hwom Zang hwom füi tomle tüiüi ilaxle hwom tamchatle ahak-aluale tüi ang tomüi.

MÜNCHUAK-TSAI 146:7

chixe afangle tüikyabu chima sele kaxfün fale ilaxle woknuak mixbu ang süt koxle. Jowanpae kople thomkyabu danle

MÜNCHUAK-TSAI 145:15

Monghom abakle zünmok pangnusae nang to hule, ilaxle hwome lom pongma nange hwom ang süt koxle.

1 SAMUEL 2:21

Jowanpae Hanah to mohiman, ilaxle she makhange sasün hwom azom ilaxle sacha hwom anyi pux ang tom. Naosa Samuel a Jowanpa mwottho ma tsongle hüi.

PONGWANG LAIPEX 50:25

Ija ma Jusep-e Israel khünaknu ang tsao-atsütle akax: “Otsingtsingma thüipu, hünzom khui-waile Zang chix tomtata nguiüi, ilaxle hünzome ikhatokya ku za-tua hünzom füi tomle paokox.”

PONGWANG LAIPEX 48:15

Ifüima chixe Jusep to mohiman: “Ku apu Abraham hia apa Isak hwome shwomle hüikya Zang, ija naonyi to mohimankox! Anyix kople ku tsünlo-khothole ngo ang tomkya Zang-e hwom to mohimankox!

PONGWANG LAIPEX 28:20

Ifüima Jakop-e Jowanpa füi Tsaotsüt lax: “Ku ojongto paopuix ikhato nange ku kho-awa tamchu sütling hia nyi-za koxle jangchang,

PONGWANG LAIPEX 21:1

Chixe tsaodaokya ningle Jowanpae Sarah to mohiman,

1 PITAR 2:12

Songsari khünakbue chem bama, oma mwot mokkyabu thom, le kaxhux fele hünzom to kaxma thüiüihex, ija bama hwome hünzom mwot müikya ngünlaxle, chix nguikya nyix Zang fuazang ang tomkya lima, hwom khato hünzom zanglom saikha müile tüihüi.

1 TIMOTHI 6:8

Jangchang thüikoxle, kem ma sütling hia changtwon nyiwun jangtüi, kem zongma ibibi wüi nguipu.

MÜNCHUAK-TSAI 147:14

Chixe nang longzipong kho-awale thomle üntoxle sümüikya wonglai tsax füi nang ang mongzom amüile.

WANWÜNKAX 30:8

Ku atse ang taxtom, ilaxle ku a hakpa angchu chichangba maxpa angchu taxachang. Idaile ku ang kue chemtukux saxse hex itukux wüi koxhüi.

RUT LAIPEX 1:5

Mahlon hia Chilion nyi chuwüi zile pao. Naomi a kakopa nang chitüi, naosom nang chitüile she tata dantox.

RUT LAIPEX 1:7

Judah chaxwan to chat ang hwom tomwüi achex, ikoxlechu lomba to

MÜNCHUAK-TSAI 102:14

She pünle ama daokoxle chu nang dabue she to mongkünle; she pünle ama thomdaobachu, hwome she to chingchale, hwome she to chingchale.

JOEL 2:19

Chixe hwom zangjop to lan: “Athax kue hünzom ang saxziak hia grep-ti tamchu olip münga koxüi, ilaxle hünzom a wokfwot-tilan müile ngoüi. Athax mixnoke hünzom to chemtuechu thajao-wünhaile münchangüi.