8 Thüikoxle naosombu khünak poma puxkyabua Zangsu Zangsabu münchang; itülüi, Zang kaxtsao makhange puxpaikya naosombu tix otsingtsing sixli le eüi.
Hwom a zangjang khünak hopa tuita makhange puxkya khoma Zangsu Zangsabu ang achangkya chichang; Zang chix tomtata hwom Hopa ang achang.
Opang Zang Chasae zunle tüilaxpuix hwom a Zang susabu changle.
Jowanpa khünaknu münzale akiaküi ilaxle hwom pangwüi Jerusalem angkya nokpu ningle akiaküi. Selah
Füichi naolie chix thothaüi; hwom füima hüingokya tsünthom füi hwome Jowanpa mo wünle akaxüi.
Chixe kem to püntüi ningle hwonle. Kwom chixe hangpu, ilaxle athax a kwom mün to kopkya ngun-syen bakdao tüikox angpu.
“Hünzom a Jowanpa hünzom Zang khünaknu changpu. Idaile chemtue hünzom owawa zi-maxkya bama sop-jua pongma, ma to alüile zütle chichangüi chichangba khüjan ongle chiawütüi; ija ningkya a mixnokbue mokwüi.
Tamchu Abraham kwom hopa changpule hünzome akaxkya khoma hüiüi tüikya Zang mongtsik chak tokya hünzom azang ang tho angkya oli münchang. Zange ibu longdwon makhangechu Abraham susabu alai ang tho angkya changle.
Kem Zangsu Zangsabu le aho ang kem chasa füi Zang Chasa, chix jao athutle.
Zang chakzing pangnue wüi Zange Hosa angaile ahokya ngün ang mong ma sungle tanle ngole.
Chix azusong khato üntoxle Sarah chuwüi naosom ngui-wang angkya ozya kaile azu füima, mongonge Abraham hopa tuita ang achang ang tom. Chemthüikoxle chix tsaosüt otya ma thom angkya changle le chixe Zang to mongong.