Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ROM NOK HATO ZAKYA POL LAIZA 9:5 - OTSAO BAIBEL (BSI)

5 hwom a putong makhange hüikyabu changle, ilaxle khünak tuita ningle Khrista chuwüi hwom züjen angkya changle. Pangnu thakma apün-awangkya Zang jento achuakkox! Amen.

အခန်းကိုကြည့်ပါ။ ကော်ပီ




ROM NOK HATO ZAKYA POL LAIZA 9:5
45 ပူးပေါင်းရင်းမြစ်များ  

Hwome Zang otsingtsing othai füi alüix; achuak afua koxle asule tüikya zingpupa Zang! Amen. Chix achuak haxkux lüixto hwome Zange zingle alaikyabu shwom ilaxle ibu thotha.


Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.


Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”


Ija a chix Hosa, kem Jowanpa Jisu Khrista bama changle: Khünak chifün ma chix a Dawid sasün tuita ang pux;


Ozün ma tüikya a ku changle! Ku zidaokya ikoxlechu othuithui hanpak ang azangle tüile. Zik hia zikyabu chaxwan thakma apün-ada angkya zong ku ma tüile.


Dawid füikya wangli a dakle anguak daokya pün tuita ningle; ikoxlechu pün otongtho tuita makhange tamchatle pünsong chuile laikya ningle, Dawid su-sa hwom makhange wanghom hozün tuita laiüi.


“Jisu, kue hünzom ang ibu tsingang tom angkya hanpakma kaxtaimix apaodaoa. Ku a Dawid sixli tokhange hüikya changle; ku a tüle nyankya swomsa lyettsi changle.”


Jowanpa Jisu Zang ilaxlechu othuithuima chix mün mohiman naxchang! Chixe ku münthaile awan ngole.


Hwome Kaxho Müikya chilaxkya khoma, mixnokbu, hünzom khoma Jehudi khünakbu a Zang füi zan ang achangle. Ikoxlechu chixe zünle kopdaokya daile, putong hwom kuxmale hwom a chix zuikhui.


Ija ma pangnu wüi womle, chemthüikoxle Jehudi nok hia mixnok le süikya kha chemchu müntüi; Zang a nok Jowanpa, ilaxle chix mün lünkyabu pangnu hanpakma mohiman okho changle.


Jowanpae thüi: “Efrathah angkya Bethlehem, nang a Judah tinglongbu khama ahixkya tuita, ikoxlechu nang makhange kue Israel nok lompa tuita angaiüi. Chix putong hwom pukax a kaitokya hato chatle chatüi.”


Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.


Israel nok Zang, Jowanpa achuakkya tüikox; athax üntoxle othuithuima chix achuak-achenle changkox! Pangnusae wüi “Amen!”, le thüikox! Jowanpa achuak-achen kox!


Jowanpa chix tüntong zangkangting to dan; chix a pangnusa thakma wanghom.


Othuithuima fuazangkya chix mün achuak-achen kox! Chix fuazangkyae chaxwannu awangle naxchang. Amen! Amen!


Zang-e nang ang fakya wangting oshuk chitüile ngoüi. Nange nang khünaknu thakma sule apün;


Jowanpa, Israel nok Zang achuak-achenle changkox! Athax üntoxle othuithuima chix achuakkox! Amen! Amen!


Ibu pangwüi to chix bama kaxkhi fakya mixe thüi: “Ija changtomtale! Ku chwonle nguiüi!” Amen. Opunu Jisu, nguihüi!


Jisu Khrista owa zidaokya chatle azangle zopuix, owa Dawid sixli changkya hex, Kaxho Müikya apuk-apua pongma kue anwot-anokya lailaile chemle changpuix, chix texle ataklax.


Chix ngai angkya, ilaxle apün-awangkya, Zang chixe chaxwan zanghan thütkhak le changpong khae apüile faüi.


Nange chasa tata ma Zang achuak koxle, tusox ma hakle asukya, hingho chitüikya zangjang khünak tuitae, nange Zang achuakkya to “Amen”, le chemle lanmanüi? Nang kaxzex tsingle lax angkya chix ma olom jao chitüi.


Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”


Jowanpa achuak kox, Israel nok Zang a! Athax hia jento chix achuak kox! Ifüima noknue thüi: “Amen, Jowanpa achuak kox.”


Benaiah-e lan: “Ija a moküi ilaxle Jowanpa nang Zang-e ija changpu lüwüi thüihüi!


Ozün ma tüikya müi alie lan: “Amen!” Üntoxle tüichong mixmüibue akhuxlaxle shwom.


Ma hanpakma alüile ilaxlechu Otsao Chasae nang ang nyelaxo le koxkya pangnusa hanpakma khünkhile nye ngolax. Chix Hosa zi ang koxkya makhange ma ang achangkya Zang müimüithom ma chunnyetmix ang achanglax.


Chongkya thwongtsing to kwom taxahüi; Ikoxle omalom tokya kwom sünle thom hüi.’


“Ohünotün! Jowanpae ija moküi changtüi angpu le kue ongpu! Nange ajekya kax otsingtomtata ang changle hüiüi ilaxle Babilon nok to paole thomkya Zangshwom-Hom tuinabu hia zanda ang thomkya khünaknu pangwüi chatle apüi ang tomüile kue ongtomtapu.


Ikoxle hünzom putong hwom tokya Jowanpa mongkün tüle chongkya tüikya khoma mama owawa chichang homtoxle chixe hünzom zünle koppu, ilaxle hünzom athax kople chixe zünle kopdaokya chix khünaknu changle.


Judah chak ma chongwang kiathox twonüi, ilaxle chix sixli hwome jento apün-adale ngoüi. Jat-libue chix hato süidünüi, ilaxle chix kax ma laxle akhuxüi.


“Nang to mohimankyabu to kue mohimanüi; nang to thuakzomkyabu to kue thuakzomüi. Nang makhange pangnu jat-li to mohimanüi.”


Abraham, Isak hia Jakop hwom Zang, kem putong hwom Zange chix Hosa Jisu fuazang ang koxdaoa. Hünzome chix pünpa-chongwangbu chak to kox, üntoxle Pitar-e dan angkya kax tsuak füima ngaxchu hünzome chix thüntho ma wüi Jisu tha ajao.


Ikoxlechu Jisu a othuithuima ngole hüi, üntoxle chix nguapa mwot owawa angchu ataile chifa.


Dawid-e chix ang: ‘Jowanpa’ le nyak; jangchangba büthüikya to Messaiah ang Dawid sixli changle le thüitsuaküi?”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ