ROM NOK HATO ZAKYA POL LAIZA 9:4 - OTSAO BAIBEL (BSI)

⁴ Hwom a Zange zünle kopkya khünaknu changle; chixe hwom chixsu chixsabu ang achang ilaxle chix fuazangkya hwom füi tom-han, chixe hwom füi tsaosax ilaxle wanlom kox; changle, chix shwom angkya olom Zange hwom hama aho; hwome Zang kaxtsaobu kop;

ROM NOK HATO ZAKYA POL LAIZA 9:4 ပူးပေါင်းရင်းမြစ်များ

EFISIA 2:12

Ija pongma hünzom Khrista füi janle tüikya. Hünzom a mixnok ilaxle zünle kopkyabu khama chiwom. Zange chix khünaknu ang fakya kaxtsao Tsaotsüt hünzom zongto chem mwot ang chichang, üntoxle hünzom ija chaxwannu ma monghomkya chemchu chitüi tamchu Zang chilax homtoxle ngokya.

MÜNCHUAK-TSAI 147:19

Chixe chix khünaknu hato chix kaxho fa, Israel khünaknu ang adangle fakya hia chix wanlombu kox.

ROM NOK HATO ZAKYA POL LAIZA 9:6

Israel khünak pangnu wüi Zange zünle kopkyabu chichangkya khoma; kue Zang kaxtsao thaiüna le thüi angkya münchang.

PONGWANG LAIPEX 17:2

Kue nang füi ku Tsaotsüt laxüi ilaxle nang ang sixli huanuma tüiüi.”

WANGSHEMBU MWOT 2:39

Chemthüikoxle hünzom üntoxle hünzom susabu, üntoxle tsailo to ngokyabu pangnu, üntoxle Jowanpa kem Zange chix hato otukux sele tüilaxpuix, ibu noknusa hanpakmale Zange tsaokya changle.”

TSAITONG-KAXTONG 7:6

Hünzom a Jowanpa, hünzom Zang kux changpu, idaile hünzome ile mokkox. Chaxwannu khünak nüjen kha angkya hünzom a Jowanpae chix khünaknu ang zünle kopkya jat-li changle.

LAIPAO 4:22

Ipongma nange ile akax angkya wüi changle, ‘Jowanpa, kue thüipu, Israel a ku somwang nao changle.

IBRI 9:1

Pongwang angkya Tsaotsüt ma zangshwom angkya wanlombu tanle tüile üntoxle khünak chak füi zingkya zangshwom nui tüile.

MÜNCHUAK-TSAI 89:3

Nange thüipu: “Kue kamle kopkya khünak füi kue longzütle kaxfünpu; Kue ku dapa Dawid füi tsaosaxpu,

1 WANGHOMBU 8:11

Jowanpa womle tüikya wünnyane nyanle hwom ikhato mwot mok ang tamchatle dong ang chimüile chang.

ROM NOK HATO ZAKYA POL LAIZA 8:15

Chemthüikoxle Zange hünzom ang koxkya Chasae hünzom da ang münachang ilaxle hünzom zazyen angchu müntom; itülüi, ija Chasae hünzom Zangsu Zangsabu ang achangle, tamchu ija Chasa zong füi keme Zang ang “Apa! Ku Apa!”, le nyakle akhongle.

JUHAN 1:17

Zange Wanlom a Mosa makhange fa; ikoxlechu chingcha hia otsingtsing a Jisu Khrista makhange hüipu.

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

TSAITONG-KAXTONG 14:1

“Hünzom a Jowanpa hünzom Zang khünaknu changpu. Idaile chemtue hünzom owawa zi-maxkya bama sop-jua pongma, ma to alüile zütle chichangüi chichangba khüjan ongle chiawütüi; ija ningkya a mixnokbue mokwüi.

PONGWANG LAIPEX 17:7

“Oshuk-chitüikya Tsaotsüt tuita ang kue ku kaxtsao füichima nang füi tamchu nang su-sa hwom füi thom ang tomüi. Ku a nang Zang tamchu nang su-sa hwom Zang ang ngoüi.

IBRI 9:10

chem ang hwome ibu sütling, üntoxle sole atsaokya malom-malom zom tokhange mok angkya changkoxle. Ibu a Zange lomzün tanle mahüi tanto saxmok angkya ko to ngünkya wanlombu lanlan.

IBRI 9:3

Atsyenkya nyi anyi lükya nuakfüi ma Ataxkya Otsao Nui le nyakkya Nyihom tüikya.

JUHAN 1:47

Jisu-e Nathanel chix hato hüikya ngün ilaxle chix bama thüi: “Israel khünak tsingtsing to hulax; chix ma thaikya chem müntüi!”

MATHI 21:33

Jisu-e thüi: “Mama kaxpan apalax; Hanpak tuita ma grep haxtok hopunu tuita tüikya. Chixe ija haxtok akanle tsawat wat, ju fyet angkya nui ang hax tho ilaxle nyet nui sailia dünle tox. Ofüima mwotmok mixbu chak to ija haxtok mo angkya danle toxlaxle chix a mixwün to pao.

HOSIA 11:1

Jowanpae thüi: “Chemtue Israel a naosa tuita changkya hex, kue chix to mongkün ilaxle kusa ningle kue chix Ijip nok tokya nyakle apüi.

JEREMIA 31:20

“Israel, nang a kue mongkünkya kusa changle, kue ataxle mongkünkya mix a. Chemtue kue nang mün lünpuix, kue nang bama mongkün füi ajangpu nang bama mongkün füi a. Ku mongtsang nang hato laile pao; ku a chingchajajale tüiüi.

JEREMIA 31:9

Ku khünaknu a mikfi-tunjile nguiüi, kue hwom zunle changpongma zangjopngale nguiüi. Kue hwom a ti jenle tüikya shuasa hato apüiüi, hwom chikho sua angkya chitüikya lom fünmüi to a. Ku a Israel nok zongto tuita hopa ningle, ilaxle Efraim a ku sasün tüichongsa ningle.”

ISAIA 60:19

“Athaxpi zanghan a hünzom zongto anyixningkya wünnyan ang chichangüi Chichangba zangnak ma lyetnu a hünzom wünnyan ang chingoüi; Ku, Jowanpa, oshuk chitüile hünzom wünnyan ang ngoüi; Ku fuazangkya wünnyane hünzom ang zangngai koxüi.

ISAIA 46:3

“Ku kax to apalax, Jakop sixli hwome, ku khünaknu kha angkya atatle tokyabu pangwüi. Nang puxkya makhange wüi kue nang to humele hüipu.

ISAIA 41:8

“Ikoxlechu hünzom, Israel nok ku dabu, hünzom a kue zünle kopkya khünakbu changle, ku zuikhui Abraham su-sa hwom a.

ISAIA 5:2

Chixe hax tho ilaxle ikha angkya longbu atsao; chixe sümüikya grep zubu küi. Ibu nye angkya hanpakma chixe ding homsabu zai, ilaxle grepbu nak ang tswomkha tho. Chixe grep jum angkya tanle ngo, ikoxle grep ziak pangwüi osik ang achang.

MÜNCHUAK-TSAI 90:16

Nang dabu, kwome chongkya nang mwotbu ngün ang tomhüi; kwom su-sa hwome nang fuazangkya tsak-zong ngünle lax ang tomkox.

MÜNCHUAK-TSAI 89:34

Chix füikya Tsaotsüt kue münama chichangba chix füikya ku tsaosüt achatle münlax.

MÜNCHUAK-TSAI 78:61

Chixe kwom zanpabu ang Tsaotsüt Suak kople pao ang tom; ija a chix tsak-zong hia fuazangle tüikya münwan changkya.

MÜNCHUAK-TSAI 73:1

Israel nok hanpakma Zang a otsingtomtata ma müile, mong tsaothale tüikyabu hanpakma a.

MÜNCHUAK-TSAI 63:2

Kue nang otsao zangshwomnui ma ngün ang tomhüi; nang chemtukuxle janzüi füi tamchu fuazangle ngopuix, ija kue ngün ang tomhüi.

NEHEMIA 13:29

Texle atak-hüi, Zang, ibu khünakbue wanghom khualo ilaxle nguapabu hia Liwi hwom füikya nange kaxfün hwome chemle amapuix, ibu taxalak.

TSAITONG-KAXTONG 31:16

Jowanpae Mosa ang thüi: “Nang a chwonle wüi zi angkya changle ikoxle nang zi füima khünaknu ang mongong chitüile changüi ilaxle kue hwom füi tsaotsütle zingkya Tsaotsüt amaüi. Hwome kop angkya haxtok to ngui füima hwome songsari baozangbu to shwomüi ma ku hato tok ahoüi.

TSAITONG-KAXTONG 29:14

Jowanpae ija tsaotsüt hia ijama tüikya mwotli mok angkya bama kaxshing kople changkya hünzom tata füile münchang.

TSAITONG-KAXTONG 29:1

Ibibi a, Moab chaxwan to tüipongma Jowanpae Israel khünaknu füi zingle tsaotsüt füikya zangwün bama apua ang Mosa ang fakya kaxtombu changle; ibu pangwüi Jowanpae Sinai haxnu ma hwom ang fakya longza-kaxtombu to obo ang fakya kaxtombu ningle changpu.

HUAKE LAIPEX 7:89

Chemtue Jowanpa füi zangwün ang Mosa Nyihom to dongpuix, ipongma ozang füikya zünmok anyi otanti ma Tsaotsüt Suak ding ma atsople thomkya wün makhange Jowanpae chix füi zangwünkya atat.

LAIPAO 40:34

Ifüima Zangshwom ang khünaknu asoxkya Nyihom to zangfwom füi chwop, ilaxle Jowanpa fuazangkyae ija Nyihom awang.

LAIPAO 34:27

Jowanpae Mosa ang thüi: “Kaxhuak ibu zale koplax, chemthüikoxle nang füi tamchu Israel khünaknu füi longzale kue ibu kaxfün laxkya a ibu kaxhuak chifün ang lax üntoxle fünpu.”

LAIPAO 12:25

Chemtue hünzome Jowanpae hünzom ang koxüile tsaokya chaxwan to nguile changüihex, ipongma hünzome ija otsao zom ang zing angkya wüi changle.

PONGWANG LAIPEX 32:28

Ija mixsüne thüi: “Athax nang mün a Jakop le münchangüi. Nang Zang füi tamchu ku füi ashingle changdaoa ilaxle nange wüi anaodaoa; ikhoma nang mün a Israel”

PONGWANG LAIPEX 17:10

Nang üntoxle nangsu-nangsabu, hünzom pangnusae wüi, hünzom kha angkya lükaka ang khwonzütle zomzing angkya to mongtsu angkya oli changpu.

PONGWANG LAIPEX 15:18

Ija nyix Jowanpae Abram füi Tsaotsüt laxle thüi: “Ijip shuanu makhange Eufrat shuanu alople ija haxtok kue nang sixlibu ang koxpu.

ROM NOK HATO ZAKYA POL LAIZA 3:2

Huanuma wüi, changjao changle, olom pangnusa ma wüi! Owang ole, Zange chix Otsao Lai kax (müile twon angkya hanpakma) Jehudi khünakbu ang koxle.

TSAITONG-KAXTONG 4:13

Chixe hünzom ang koxle tüikya Tsaotsüt otya ma thom angkya bama tsingang tomkox: ija a, longkhuabu ma zale tüikya Kaxtom Bün bama.

EZEKEL 1:28

ija zangngai ma nomlong ma tüikya zongbu pangwüi tüikya. Ija a Jowanpa womle tüikya zangzung changkya. Chemtue kue ija ngünle laxpuix, kue haxchi to thün ahole akhux. Ipongma kue kaxzing tuita atat,

2 KORIN 11:22

Hwom Ibri khünakbu changpuix nyi? Kuchu wüi Ibri khünak changle. Hwom Israel khünak changpuix nyi? Kuchu wüi changle. Hwom Abraham sixli changpuix nyi? Kuchu wüi changle.

GALATIA 3:16

Athax, Zange Abraham hia chix sixli füi tsaosax daokya tüihu daoa. Otsao Lai-e “sixlibu”, le khünak huak huanuma womle münwün, ikoxle mixhuak tuita Khrista mo wünle.

IBRI 9:5

Zang womle tüikya aho ang ija suak okho ma ozang füikya müi tüikya. Ochax thailak kox nui to ibue hwom ozangbu füi o-le thom. Ikoxchu athax a ibu komkaile akhix akhanle wün angkya hanpak münchang.

IBRI 9:6

Ibu achwon athakya ija ningle chang. Nguapabu nyixfole hwom zomzing ang homtho angkya Nyihom ma ngui,