ROM NOK HATO ZAKYA POL LAIZA 9:30 - OTSAO BAIBEL (BSI)

³⁰ Ikoxle keme chemle thüi? Ija mixnokbu Zang füi muamüi ang chiazong, ikoxlechu hwome chix to mongongkya khoma Zang, chixe hwom füi muamüi;

ROM NOK HATO ZAKYA POL LAIZA 9:30 ပူးပေါင်းရင်းမြစ်များ

FILIPI 3:9

Wanlom to pongma atakkya ningkya chasa otsao athaxpi kuma müntüi. Athaxpi kuma Khrista to mongongkya makhange kopkya Otsao Chasa tüile, oja Chasa Otsao Zang tokhange hüikya hex üntoxle mongong chifün ang laxlaxle tüipuix.

IBRI 11:7

Chixe ngün ang chitho koxlechu Noa ang füichi hanpakma Zang kaxfün atat ang tomkya a mongong changkya. Chixe Zang kax ma lax üntoxle khua müi, oja mong ma chix tamchu hwom kako pangwüi khosün puix. Ikhoma, chaxwannu a max ang tom, üntoxle Noa-e Zang angkya mongong makhange hüikya otsao mantswon kop.

GALATIA 2:16

Ikoxlechu khünak tuita Zang zongto sukya ang achang angkya a Jisu Khrista tokya mongong makhange tix changle. Wanlome alomlom mokkya tokhange tix le otuechu münchang, ija keme awan ngopu. Wanlom ma tüikya lwot tokya makhange le chichang homtoxle kem mongong makhange Zang zongto sukya ang achang angkya kuxma kemechu wüi Jisu Khrista to ongpu. Chemthüikoxle wanlome alomlom pangwüi lwot tokya makhange ochaxbu Zang zongto sukya ang münachang tox.

ROM NOK HATO ZAKYA POL LAIZA 4:11

Chix khwonzüt zom a chixe Zang to mongongkya khoma, chixe khwon mazüt tanto wüi, Zange chix otsao khünak le laxkya münwan aho ang zingpu, idaile chixe khwonzütkya a ofüito tix changle.

EFISIA 2:12

Ija pongma hünzom Khrista füi janle tüikya. Hünzom a mixnok ilaxle zünle kopkyabu khama chiwom. Zange chix khünaknu ang fakya kaxtsao Tsaotsüt hünzom zongto chem mwot ang chichang, üntoxle hünzom ija chaxwannu ma monghomkya chemchu chitüi tamchu Zang chilax homtoxle ngokya.

GALATIA 5:5

Kwom hanpakma, Zange kwom sukya ang achangle laxkya a kwom monghom; kwom mongong makhange Zang Chasa zonge mwot mok ngokya Ija a kwome hule tanngokya changle.

ROM NOK HATO ZAKYA POL LAIZA 10:20

Ilaxle ija akax ang Isaia mong süchong chongle chong, “Ku lomle chingokyabue ku atak, ku chiatüituakyabu hato ku ngui.”

ROM NOK HATO ZAKYA POL LAIZA 10:6

Ikoxle mongong makhange muamüi angkya bama akaxkya kax a ija changle: “Zangkangting to owa dongüi?” (Ija a Khrista jo ang).

ROM NOK HATO ZAKYA POL LAIZA 9:14

Athaxpi keme chemle thüiüi? Zange süisüichaple mokle le thüiüi hia? Ile otuechu münchang!

ISAIA 51:1

Jowanpae thüi: “Ku kax apalax, hünzom khosünse le tsukyabue, hünzom ku hato fongkya lomle nguikyabue. Nang ojong tokhange nguipuix ija longnu ajang koplax, ojong longthwot nui angkya nang thole alaipuix, ija a.

1 PITAR 4:3

Zang chitsingkya khünakbue mokse tsukya saxmok le hünzome hanpak okhonguile awüt hüidaoa, chemthüikoxle hünzome hünzom tsün chitsao chimaokya, maimong nyakya, mik zalokya, jutok-saxngakya, haox-achaikya, sützik üntoxle nushix dongkya, chapabu shwomkya, ibu lom to koxle hüidaoa.

1 TIMOTHI 6:11

Ikoxlechu, nang Zang khünake, ibu lom pangnu tsyakle toxdao. Chasa Otsao, Zang womle tüikya, mongong, mongkün, thuakjokkya, ilaxle somdangkya, tamchu ibu hanpakma azong amongkya tüikox.

GALATIA 3:24

Ikhoma, ifüima tix mongong makhange Zang zongma sukya ang achang lax ang, Khrista mahüi tanto ija wanlom a kem nyet mix ang achang.

GALATIA 3:8

Mongong makhange Zange mixnokbu sukya ang lax angkya bama Otsao Lai-e achale wüi akaxle thomkya changle. Ilaxle Otsao Lai-e ikhoma Abraham hato Kaxho Müikya tsingang kox: “Nang makhange Zange khünaknüsa to mohimanüi.”

ROM NOK HATO ZAKYA POL LAIZA 10:10

Chemthüikoxle kwome mong ma ong ilaxle tix Zang füi muamüipu; kwome tun ma ngai ilaxle tix khosün atakpu.

ROM NOK HATO ZAKYA POL LAIZA 9:31

Ikoxle wanlom tokya makhange Zang füi muamüi ang wanlom lomkya Israel khünakbue a ija atak ang chitho.

ROM NOK HATO ZAKYA POL LAIZA 5:1

Athax a mongong makhange kem Zang füi muamüikyae, Jowanpa Jisu Khrista makhange kem ang Zang füi mongsom tüile.

ROM NOK HATO ZAKYA POL LAIZA 4:22

Ija khoma Abraham a, mongong makhange Zange chix a atsaole lax.

ROM NOK HATO ZAKYA POL LAIZA 4:13

Zange Abraham hia chixsu chixsabu ang, zangfang hwom kux ang achangüile tsaosax. Ija tsaosüt fakya a, Abrahame wanlom kax ma laxkya khomale münchang, ikoxle chixe Zang to mongong ilaxle Zange chix a otsao khünak tuita le laxkya khoma changle.

ROM NOK HATO ZAKYA POL LAIZA 4:9

Dawid-e akaxkya ija mongmüi khwonzüt zom ma womkyabu hanpak tata hia? Münchang. Ija a khwonzüt zom ma chiwomkyabu hanpakchu changle. Chemthüikoxle keme Otsao Lai kax ma atat daoa: “Abrahame Zang to mongong, ilaxle chix mongong khoma Zange chix otsao khünak le pongle lax.”

ROM NOK HATO ZAKYA POL LAIZA 3:5

Ikoxle keme thaile mokkyae Zange ojao chithaile mokkya khünaknue atsingsho le ngün ang jang ahoba keme chemle thüiüi? Kem ang sikngün fapong ma Zang ang thaile mokle le thüiüi hia? (Kue khünak zangwün ma wünpu).

WANWÜNKAX 21:21

Chingcha-mongkün tamchu sützia-mwotzia ma ngokox jangchangba nang tsünlole ngo ang kopüi; mixe nang to e-sele changüi tamchu müile hu-meüi.

WANWÜNKAX 15:9

Chichangchizangkya khünakbu lomtang thua Jowanpa anule, ikoxle sukya mwot mokkyabu to chixe mongkünle.