ROM NOK HATO ZAKYA POL LAIZA 9:11 - OTSAO BAIBEL (BSI)

¹¹ Tuita wüi kamle kopkya olom ma Jowanpa chix chaktung otya ma naxngolax ang, Zange she ang thüi: “Hotüi mixe honao thothaüi.”

ROM NOK HATO ZAKYA POL LAIZA 9:11 ပူးပေါင်းရင်းမြစ်များ

2 TIMOTHI 1:9

Chixe kem khosünle kop üntoxle chix zongto mamix ang nyakle laxkya a keme chem mokdao laxpuix ikhoma münchang ikoxle chix mongtex ilaxle chingcha khoma changle. Chixe kem ang ija chingcha a hanpak owang wangüi thoto wüi Khrista Jisu makhange fakya changle,

2 PITAR 1:10

Ikhoma, ku mongkün tüinaohom, Zange hünzom nyakkya hia zünle kopkya bama komkaile awan lax ang zongbakle azonglax; hünzome ile jangmok thüiningle otuechu ma mongong dantoxlaxle münpao.

TITA 3:5

chixe kwom khosün. Ija ma keme lita müikya mwot mokdaokya khoma le chichang, ikoxle chix chingcha tokhange tix chixe kem khosünpu. Ija khosün mwot chixe, kem sole atsaokya ilaxle azünle puxkya hia tsün ozün fakya Otsao Chasa makhange mok.

MIKNGÜN-OHÜN 17:14

Hwome Chun Hosa füi azanüi, ikoxlechu Chun Hosae, chixe nyakle hia zünle kopkyabu tamchu mongong ma shingmongle chix füito azuikyabu füi notom laxle ibu to anaoüi, chemthüikoxle chix a hopunubu thakma Opupa üntoxle wanghombu thakma Chongwangpa changle.”

ISAIA 14:24

Jowanpa Khüthak Zang-e tsaotsütdaoa: “Kue chem moküile texpuix ija changüijao. Kue chem mok angkya mongzangwünle tsuakdaopuix ija tsuaküijao.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

ROM NOK HATO ZAKYA POL LAIZA 4:17

Otsao Lai kax ma akaxkya ningle: “Kue nang chaxwannu hopa ang zingpu.” Idaile, Zang owae zidaokya chatle azang ang kox üntoxle owa kaxtom ma chitüi jaokya oli laile tüi ang koxle changkya Zang owa to Abrahame ongpuix, ija Zang miksho ma kaxtsao a sule ngünle.

EFISIA 2:9

Ija a mokkya mwot khoma kopkya chichangkya daile, owawachu ija bama tsaichong-kaxbong angkya müntüi.

MÜNCHUAK-TSAI 51:5

Ku a puxnyix tokhange wüi ochax changkya; anu wok ma tüitantokhange wüi ku a ochaxe awangle tüikya.

1 THESALONIKA 1:4

Kutüi kunaohom, Zange hünzom to mongkünle tamchu chixe hünzom chix-ma chix-mix ang zünle thompu le kwome awanpu.

EFISIA 2:3

Wünhax thüikoxle kem pangwüi hwom lailaile changle ilaxle kem tsangtsa hia tutex ma asukyakya saxmok le jaopo küntsu monglua ma ngole hüi; kem jaopo chifün ma kemchu, mix lailaile, kemchu wüi Zang mongtsik zothup ma wom angkya hexo le bangpu.

ISAIA 23:9

Ija a Jowanpa Khüthak Zang mwot changle. Hwome mokdaokya mwot bama tüikya hwom mongngam oshuk hato ahüi angkya hanpakma tamchu hwome achuak-achenle tüikyabu tha ajao angkya hanpakmale chixe ile mokkya changle.

1 THESALONIKA 2:12

Zang owae chix wangting hia fuazang süntswon ma hak ang hünzom nyakpuix, chix mong amüi angkya olom ma hünzom tsün ngo angkya bama kwome hünzom ang zong adünpu, mong asompu ilaxle tsyale ngopu.

EFISIA 3:11

Zange ija oshuk chitüikya chix chaktung füifüile mok; ija chixe kem Jowanpa Jisu Khrista ma tsuakle hüi.

JEREMIA 51:29

Chaxwan jaojao aloxle chemthüikoxle Babilon nok otuechu khünak chingokya tamting ang achang angkya ija mwot Jowanpa chix jaoe aziakya chang koxle.