ROM NOK HATO ZAKYA POL LAIZA 9:1 - OTSAO BAIBEL (BSI)

¹ Kue chem akaxpuix ija a otsing tomtata changle; Ku Khrista kux changle ilaxle ku münatse. Otsao Chasae awang laxle ngokya ku khangkaechu münatse lüwüi thüile.

ROM NOK HATO ZAKYA POL LAIZA 9:1 ပူးပေါင်းရင်းမြစ်များ

1 TIMOTHI 2:7

üntoxle ikhoma ku mixnokbu hato mongong hia otsingtsing bama kaxho apuk ang wangshem tuita tamchu anwot-ano ang tsanle apaokya mix changle!

ROM NOK HATO ZAKYA POL LAIZA 1:9

Hosa bama Kaxho Müikya apukle mong bakle koxlaxle Zang owa mwot kue mokle ngolaxpuix, chixe ku zangwün otsingtsing changpu le kaxkhi fa ang thoüi. Kue zangjopkya foto hünzom texle atakkya Zange awanle.

GALATIA 1:20

Kue chem zalaxpuix ija a otsingtsing changle. Ku münthaile Zange awanle.

FILIPI 1:8

Ku mongkha to zule hünzom hanpakma sungle tüikya oja Jisu Khrista mongthong tokya hex, ija bama zangwün pongma, ija a otsing tomta changkox a le ku kaxkhi ang Zang changle.

2 KORIN 11:10

Ku ma tüikya Khrista otsingtsing ma kue tsaopu: “Akaia ma ojong khatochu ija ku mongngam mündang toxüi.”

ROM NOK HATO ZAKYA POL LAIZA 8:16

Kem Zangsu Zangsabu le aho ang kem chasa füi Zang Chasa, chix jao athutle.

1 TIMOTHI 1:5

Ija kax koxkya mongtex a: tsaothakya mong makhange laikya mongkün, je chipakya khangka ilaxle otsingtsing mongong azwot angkya hanpakma changle.

1 THESALONIKA 2:5

Kwom hünzom hato chiajingkya zangwün koplaxle nguikya münchang le hünzome müile tsingpu, tamchu kwom nüfux to chwop-khom angkya kwome zang chiwün, kwom kaxkhi ang Zang tüile!

2 KORIN 12:19

Pongwang tokhange wüi kwome hünzom thüntho ma kwom khangkho zang angai ang lomle ngopule hünzom mongto ajanglechu ngoüntüi lax. Ile otuechu münchang! Kwome wünkya zangwün pangnu Zang pomtho ma Khrista mongtex ma wünpu, ilaxle mongkün zuikhuibu, kwome mokkya pangnu wüi hünzom to fong ang mokkya changwüi.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

1 TIMOTHI 5:21

Zang üntoxle Jisu Khrista tamchu otsao kaxtaimixbu pomtho ma, nange mokkya mwot pangnu ma masüi mixlüikya chitüi homle ija adangle fakya kax ma laxle tüi angkya bama kue nang nyakpu.

2 KORIN 11:31

Jowanpa Jisu Zang ilaxlechu othuithuima chix mün mohiman naxchang! Chixe ku münthaile awan ngole.

2 KORIN 1:23

Ku ngui ilaxle sale hünzom mong nak ama le ku Korin to münngui ngole mongzangwünle tsuakkya khoma; ija bama hünzom mongmakya chitüi angkya hanpakma, ku khosele kaxkhi fa ang kue Zang sepu ija chixe awan.

ROM NOK HATO ZAKYA POL LAIZA 2:15

Hwom zanglom saikha makhange wanlom ma chemle tüipuix ija hwom mong ma zale thomkya ahole. Hwom khangka machu ija changkox a ahole, chemthüikoxle hwom mongjange tamtampong hwom khosele.

ROM NOK HATO ZAKYA POL LAIZA 9:2

Kue ma khünaknu bama, ku müi-hi-aji bama ku mong ma kakkya otukux chong ilaxle tamchiashuk toxle tüipuix!