ROM NOK HATO ZAKYA POL LAIZA 8:9 - OTSAO BAIBEL (BSI)

⁹ Ikoxle otsing tomtata ma Zang Chasa nang ma jangngo thüiba, nang ma müi-hi-aji kax ma laxle münngoüi; ikoxle chasae chemle akaxpuix ija kax ma laxle nang ngoüi.

ROM NOK HATO ZAKYA POL LAIZA 8:9 ပူးပေါင်းရင်းမြစ်များ

GALATIA 4:6

Nang a sasün changle le aho ang, Chasa owae “Apa, Ku Apa”, le akhongpuix, ija chix Hosa chasa Zange kem mongto ngui ang kox.

1 KORIN 3:16

Nang a zangshwom-hom changle ilaxle Zang Chasa nang ma ngole le nange awanchahex?

2 TIMOTHI 1:14

Otsao Chasa owa kem ma ngopuix, chix tsakzong makhange, nang ang fale tüikya amüikya oli chiamütle thomlax.

1 KORIN 6:19

Nange tsangtsa a, nange Zang tokhange kopkya, nang mong ma tüikya Otsao Chasa zangshwom-hom changpu le nange münawan hexnyi? Nang a nang kux münchang;

ROM NOK HATO ZAKYA POL LAIZA 8:11

Zang Chasa, owae Jisu chatle azang ang koxpuix, chix nang ma jangngo thüikoxle, chix Chasa nang ma ngo ang koxkya tokhange, owae zidaokya Khrista chatle azünpuix, chixe ziün angkya nang tsangtsa angchu tsün khüzün koxüi.

JUHAN 14:17

Chix a Zang otsingtsing bama ngaile aho angkya Chasa changle. Chix a chaxwannue pongle kop ang tho angkya oli münchang; chemthüikoxle chaxwannue chix münngün tamchu ojao münawan. Ikoxle hünzome chix awanpu, chemthüikoxle chix a hünzom füi ngole tamchu hünzom ma ngole.

EFISIA 1:13

Üntoxle hünzom chuwüi, hünzom hato khosün apüikya Kaxho Müikya bama otsingtsing kaxho otue atatpuix, hünzom chuwüi Zang khünaknu ang achangpu. Hünzome Khrista to ong, üntoxle chixe faüi hexo le tsaokya Otsao Chasa koxlaxle Zange hopupa münwan chix shin tople.

GALATIA 5:24

Ilaxle opang Khrista Jisu ma tüilaxpuix, hwome khünak jaopo a ma müi-hi-aji mwot füi tomle takle langdaoa.

EFISIA 2:22

Chix Chasa ma Zang ngokya khato mamabu pangnu füi tomwüi hünzomchu ngo ang Khrista füikya notom ma zingle alaikya changle.

ROM NOK HATO ZAKYA POL LAIZA 8:2

Chemthüikoxle Chasa wanlom ojae Khrista ma kem hato khüzün apüipuix, ijae ochax hia zikmüt-mangkho chak tokya ku dandaoa.

JUHAN 3:6

Khünak tuita tsangtsa ma honu hopa makhange puxpaile; ikoxlechu chix chasa ma Chasa makhange puxpaile.

FILIPI 1:19

chemthüikoxle hünzome zangjopkya makhange ilaxle Jisu Khrista Chasa tokhange hüikyae ku danüi le kue awanpu.

1 JUHAN 4:13

Chixe kem ang chix chasa koxkya khoma, notom ma kem Zang füi tomle ngopu tamchu chix kem füi tomle ngopu, ija bama kem khosam müntüi.

EZEKEL 11:19

Kue hwom ang künzün mongzün koxüi. Kue hwom ma tüikya kax ma chilaxle tsakle tüikya long kün-mong awütle koxüi ilaxle kax ma laxkya künmong koxüi.

KAXHO MÜIKYA LUK 11:13

Itukux hünzom chimüikox ngaxchu, hünzome masumasabu ang amüimüi kox ang awanle; hünzom Zangkangting Hopae chix ma jukyabu ang Otsao Chasa chifale büle tüiüi?”

1 JUHAN 4:4

Ikoxle kuli kunaohom, hünzom a Zang kux changpu, üntoxle hünzome othai ajebu to anaodaoa, chemthüikoxle hünzom ma tüikya chasa a, chaxwannu kux ang achangle ngokyabu ma tüikya chasa füi onüi tsakzongkya changle.

1 KORIN 15:23

Ikoxlechu pangnu wüi olom ma leüi; Pongwang ma Khrista; ifüima chix nguikya zuma, chix to ongkyabu pangnu.

1 JUHAN 3:24

Zang kaxtombu kax ma laxle tüikyabu Zang füi notom ma ngole ilaxle Zang chix füi notom ma ngole. Zange kem ang fakya chasa makhange chix kem füi notom ma ngokya keme awan ang kople.

2 KORIN 6:16

Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

JUHAN 3:34

Owa Zange tsanle apaopuix, chixe Zang kaxbu akaxle, chemthüikoxle Zange chix ma ma Chasa okho anguile fale.

1 PITAR 1:11

Ija otue tamchu chemle nguiüi hex le hanpak zanghan awan ang hwom tüle azong. Hwom ma tüikya Khrista chasae hwom hato küithole hile apua ngokya a: Khrista-e tületüle sikngün apong angkya ikoxchu ifüima tületüle fuazangle lai angkya hanpak changkya.

MIKNGÜN-OHÜN 20:15

Khüzün Laipex ma opang mün chibang laxpuix hwom pangwüi tinu ningle tüikya okham-wün khato tswonle awüt.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

2 KORIN 10:7

Hünzom a mongjang ma khünzukya müntüi. Owawae atsingshole chix Khrista da changpu le tex ngo angkya mix jangtüiba, chixe müile ajang ang laxkox, ilaxle ku chuwüi chix bütukuxle Khrista da changpu le chixe tsingle laxüi.

JUHAN 14:23

Jisu-e lanle chix ang thüi: “Owawae ku to mongkünkya jangtüi thüiningle, chixe ku kax ma laxle tüiüi. Apae chix to mongkünüi; Apa kukhi chix hato nguiüi ilaxle chix füi ngoüi.

WANGSHEMBU MWOT 16:7

Hwom Misia longzi pong to nguikya zuma, hwom Bithinia chaxwan to nop ang azong, ikoxle Jisu Chasae hwom abax.

ROM NOK HATO ZAKYA POL LAIZA 7:5

Chemthüikoxle kem müi-hi-aji mongtex ma ngopongma, wanlom makhange chüile alaikya ochax lyense tsukya mongzoke kem tsangtsa ma mwot mok, ilaxle ochax hanpakma oziak opua dünle kox.

ROM NOK HATO ZAKYA POL LAIZA 8:1

Idaile athax a Khrista ma ngokyabu hanpakma thaile le thüi angkya müntüi.

1 KORIN 6:17

Ikoxle Jowanpa füi notomkya mix chasa ma chix füi tuita ang achangpu.

EFISIA 3:17

üntoxle mongong makhange Khrista-e nang mongtsang ma chix ang nui zing angkya hanpakma kue zangjoppu.