ROM NOK HATO ZAKYA POL LAIZA 8:6 - OTSAO BAIBEL (BSI)

⁶ Hünzom khangka müi-hi-ajie apün laxle ngokyae zi angkya laiüi; hünzom khangka Chasae apünle ngokyae ozün ma hia mongsom ma ngo angkya laiüi.

ROM NOK HATO ZAKYA POL LAIZA 8:6 ပူးပေါင်းရင်းမြစ်များ

GALATIA 6:8

Chixe müi-hi-aji tsuluakya haxtok ma ali akanle jangchangba, ikha angkya chixe mikmüt puamün afoxüi; ikoxle chixe chasa haxtok ma ali akanle jangchang thüiba, chasa angkya chixe oshuk chitüikya tsün khüzün zütle afox ang ataküi.

ROM NOK HATO ZAKYA POL LAIZA 8:7

Idaile khünak tuita khangka müi-hi-ajie apünkya tokhange chix Zang zongto zan ang achangle; chemthüikoxle chixe Zang wanlom kax ma chilax, ilaxlechu ija kax ma laxtsuak angkya münchang.

ROM NOK HATO ZAKYA POL LAIZA 8:13

Chemthüikoxle hünzom müi-hi-aji mongtex ma jangngo thüiba, hünzom zi angkya laiüi; ikoxlechu chasa makhange hünzome hünzom ochax mwot janglang, hünzom ozün ma ngoüi.

ROM NOK HATO ZAKYA POL LAIZA 13:14

Ikoxle Jowanpa Jisu chang hi pax koplaxle, ilaxle chix mongtsukya, mongzom amüi ang, ochaxbu zanglom to hünzom mong ko

ROM NOK HATO ZAKYA POL LAIZA 6:23

Chemthüikoxle ochax omün a zikya changle; ikoxle Zange amuale fakya hingho a Jowanpa Jisu Khrista füikya notom ma oshuk chitüikya tsün khüzün changle.

GALATIA 5:22

Ikoxle Chasa oziak a ibu changpu: Mongkün; mongmüi; mongsom; adukya; chingchajaja; müikya; mongong; jonai; ilaxle ma alüile akumathumkya;

JUHAN 14:27

“Kue hünzom füi mongsom toxpu; ku mongsom tuita kue hünzom ang koxpu; kue ija hünzom ang chaxwannue koxkya ningle koxkya chichang. Hünzom ang mong male tamchu abanle taxngo, tamchu taxza.

ROM NOK HATO ZAKYA POL LAIZA 6:21

Athax chempang khoma hünzom azakle ngopuix ijabue hünzom ang lap chemchu münfa. Iningkyabu mwot mokkyae khünak zi ang koxle!

ROM NOK HATO ZAKYA POL LAIZA 14:17

Chemthüikoxle Zang Wangting le osüt oling ang nyakkya münchang, ikoxle Otsao Chasae fakya, otsao, mongsom ilaxle mongmüi pwonla ang nyakpu.

ROM NOK HATO ZAKYA POL LAIZA 7:5

Chemthüikoxle kem müi-hi-aji mongtex ma ngopongma, wanlom makhange chüile alaikya ochax lyense tsukya mongzoke kem tsangtsa ma mwot mok, ilaxle ochax hanpakma oziak opua dünle kox.

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

ROM NOK HATO ZAKYA POL LAIZA 7:11

Wanlom makhange mok angkya opong atak laxle ochaxe ku dyen; ile wanlom makhange ochaxe ku lang.

ROM NOK HATO ZAKYA POL LAIZA 5:10

Kem a Zang zongto zanbu changkya, ikoxle Hosa zikya makhange kem chix zuikhui ang zingpu. Athax a kem Zang füi zuikhui changle, ilaxle Khrista ozün ma ngokoxle chixe kem khosün angkya atsingsho!

ROM NOK HATO ZAKYA POL LAIZA 5:1

Athax a mongong makhange kem Zang füi muamüikyae, Jowanpa Jisu Khrista makhange kem ang Zang füi mongsom tüile.

JUHAN 17:5

Ikoxle athax a, O Apa, chaxwannu mazing tanto wüi, nang füi tomle ngo tanto ku ma oja fuazang tüikya hex, ija fuazange, ku nang füi womle tüipongma fuazang ang tomhüi.

ROM NOK HATO ZAKYA POL LAIZA 8:27

Üntoxle Zang, owae khünak mongtsang to hulaxpuix, chixe Chasa tutex awanle lax; chemthüikoxle Zang mongtex füi ashemkhak le chix khünaknu hanpakma Chasae Zang ma chingcha ju.