ROM NOK HATO ZAKYA POL LAIZA 8:32 - OTSAO BAIBEL (BSI)

³² Chixe Hosa tomtata ngaxchu chitui le kem ang kox! Chix Hosa ngaxchu kox: chixe mamabu tomning komkaile münfa pia?

ROM NOK HATO ZAKYA POL LAIZA 8:32 ပူးပေါင်းရင်းမြစ်များ

JUHAN 3:16

Zange chaxwannu to tüle mongkün laxle chix to ongkya mix chimax le oshuk chitüikya khüzün tsün atak angkya hanpakma chix ang Hosa tuita wüi tüikya chaxwannu ang kox;

ROM NOK HATO ZAKYA POL LAIZA 8:28

Chix to mongkünkyabu, kem opang Zange chix mwot mok ang ahyenpuix, hwom füi Zange omüi hanpak paktikle mwot mokkya keme awanle.

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

1 JUHAN 4:10

Mongkün a ija changle: Keme Zang to mongkünle le münchang, ikoxle chixe tix kem to mongkünpu, ilaxle kem ochax khoma, kem khosün hanpak tö kox ang chixe Hosa ajo.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

1 KORIN 2:12

Athax Zange kem ang koxle thomkya hinghobu tsingle lax angkya hanpakma keme Chasa Zang tokhange koppu, ija chaxwannu angkya münchang.

ROM NOK HATO ZAKYA POL LAIZA 6:23

Chemthüikoxle ochax omün a zikya changle; ikoxle Zange amuale fakya hingho a Jowanpa Jisu Khrista füikya notom ma oshuk chitüikya tsün khüzün changle.

ROM NOK HATO ZAKYA POL LAIZA 4:25

Kem ochaxbu khoma chix zi ang kox, üntoxle Zang füi kem mua amüi ang chix chatle azün.

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.

MATHI 3:17

Ifüima zangding tokya kaxzing tuitae ile akax: “Ija a kue mongkünkya Ku Sasün changle; chix füi ku mongzom müipu.”

MIKNGÜN-OHÜN 21:7

Owae tholün tsuakpuix, chixe ku angkya ija kopüi: Ku a chix Zang changüi üntoxle chix a ku susa ang changüi.

PONGWANG LAIPEX 22:12

Chixe thüi: “Nao to chak taxmok chichangba tütale chu taxchang. Nange hünsa tuita wüi tüikya chix ang münkoxpu le chiamongkya ngünlaxle athax kue nang ma Zang achuak-achenkya hia chix kax ma laxle tüikya ngünle laxdaoa.”

2 KORIN 4:15

Ibu pangnu wüi hünzom kuxma changle; ilaxle Zang chingchae otukux ziatamle khünaknu ha aloppuix, hwome fuazangkya Zang ang münchong fale sisile jopüi.

ROM NOK HATO ZAKYA POL LAIZA 11:21

Zange chix poma zaikya pünkang Jehudi khünakbu ngaxchu münshan; chixe hünzom ning shanüi le texdaicha?

MATHI 7:11

Hünzom chimüikoxle ngaxchu masu masa ang müikya jali kox ang awanle jangchang thüiba, zangkangting to ngokya hünzom Hopae, chix ma ajuju ang amüimüi kox ang münawanüi hia?

2 KORIN 6:10

Küntsik mongma, ikoxlechu kwom othuithuima mongmüi le ngo; kwom a chitüi chinangkya mix ningle, ikoxlechu kwome khünak ahak alua ang tom; kwom a chemchu chitüikya ningle, ikoxlechu kwom a pangwüi koplaxle ngo.