ROM NOK HATO ZAKYA POL LAIZA 8:3 - OTSAO BAIBEL (BSI)

³ Khünak müi-hi-aji shonaikya khoma, wanlome chitsuakkya Zange mok ang tsuakle. Chix Hosa owa khünak müi-hi-aji tsün ningle achang ilaxle ochax hanpakma zom ang kox ang ajo puix, chixe khünak müi-hi-aji ma tüikya ochax münsule ajao.

ROM NOK HATO ZAKYA POL LAIZA 8:3 ပူးပေါင်းရင်းမြစ်များ

WANGSHEMBU MWOT 13:39

Mosa wanlom tokhange ma ochax tokya khangkho zangngai ang chitsuak ikoxle Jisu Khrista to ongkya makhange ochax pangnu tokya khangkho zangngai ang tsuaküi, ijachu hünzome awanle kop angkya changle.

GALATIA 3:13

Ikoxle kem khoma othuak ozom ang achang laxle wanlom tokhange apüikya thuakzom chak tokya Khrista-e kem azündaoa; chemthüikoxle Otsao Lai-e thüile: “Owa pün ma ashaüihex chix a Zang thuakzom fangma tüile.”

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

IBRI 10:14

Chemthüikoxle tö tam wüi koxkya makhange otsao ang achang daokyabu othuithuima nguiwangkya ang achangle fadaoa.

1 PITAR 2:24

Kem ochax ma zi üntoxle otsao hanpakma ozün ma ngo angkya kuxma, Khrista-e kem ochax chix tsangtsa ma pünsak hato hünle pao. Hünzom komle müi ang tomkya a chix ma mak-khakya tokhange changpu.

ROM NOK HATO ZAKYA POL LAIZA 6:6

Ilaxle ija keme awanle: Kem ochax da ang achangle chingo angkya hanpakma, tsangtsa ma tüikya ochax zong amüt ang, kem tsün-zang Khrista füi tomle chix pünsak ma langdaoa.

GALATIA 3:21

Ile thüikoxle wanlom a Zang kaxtsao füikya opüi le hia? Ile otuechu münchang! Chemthüikoxle khünaknüsae khüzün koxtsuak angkya wanlom pongle kopkya jangchang thüikoxle, ija kax ma laxkya tokhange pangnusa wüi Zang zongto sukya ang achangse.

ROM NOK HATO ZAKYA POL LAIZA 8:32

Chixe Hosa tomtata ngaxchu chitui le kem ang kox! Chix Hosa ngaxchu kox: chixe mamabu tomning komkaile münfa pia?

ROM NOK HATO ZAKYA POL LAIZA 3:20

Chemthüikoxle wanlome alomlom mokkya tokhange khünak owachu Zang füi muamüi angkya le münchang; wanlom mwot a khünak hama chixe achax daokya ochax apuale kox angkya changle.

IBRI 2:14

Zangsu Zangsabu le chixe nyakkya a müi-hi-aji daile, Jisu chix jao hwom lailaile achang üntoxle khünak jaopo ahanle lax. Chix zikya makhange zik thakma apünkya baoli thu angkya hanpakmale chixe ija mok.

FILIPI 2:7

Itülüi thüikox, chix küntsu monglua to; chix ma tüikya kwomle dantox, üntoxle da tuita zanglom twon. Chix khünak ningle achang, ilaxle khünak lailaile ngaile aho.

IBRI 10:12

Ibachu Khrista-e othuithuima mwot to thapkya tö, ochaxbu hanpakma tö tam wüi kox, üntoxle ifüima chix Zang tsaxchi ma thung.

IBRI 4:15

Chemthüikoxle kem-sho kem-naikya to chingcha chitüikya mix chichangle, kem ang, pangnu lom ma wüi kem lailaile thwontsing apong, ikoxlechu ochax chilyenkya Nguakho tuita tüipu.

IBRI 2:17

Ile thüikoxle Zang mwottho thakya ma hwom zong to mongong tüikya hia chingchae awangkya Nguakho ang achang angkya kuxma, pangnu lom ma wüi chix a chixtüi chix-nao hwom lailaile achang angkya changle, ikoxle tix khünaknue ochax thailak ataküi.

ROM NOK HATO ZAKYA POL LAIZA 9:3

Hwom hanpakma ku a Zang thuakzom fangma ngo tamchu Khrista füi atsaile changkoxchu chem münchangle kue texpu.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

JUHAN 9:24

Ikhoma anaolechu wüi, mik aduakle ngokya müikya mixsün se ilaxle chix ma atüi: “Zang pomtho ma otsingtsing akaxüi le nange tsaodao! Nang mik amüile koxkya khünak a ochax khünak changpu le kwome awandaoa.”

MARK 15:27

Üntoxle hwome chix füi tomle ahux mix anyichu, tuita chix tsaxchi ma ata mix a chix nongchi male tak.

HUAKE LAIPEX 28:22

Ilaxle zwonpong tuita chuwüi ochax tö hanpak ang laxkox. Ile khünaknu hanpakma hwom khongai angkya zom zingle laxkox.

ROM NOK HATO ZAKYA POL LAIZA 7:18

Ku ma müikya müntüile kue awan ngopu: Ija a, ku müi-hi-aji ma. Chemthüikoxle müikya mwot moksele tsukya kuma tüikoxlechu, kue ija mok ang müntho.

HUAKE LAIPEX 21:9

Ikhoma Mosa-e khopnan jan füi pu tuita zinglaxle ija pünsak ma la. Pue tudaokya khünak opange ija pu to hulaxpuix, hwom kak müiüi.