ROM NOK HATO ZAKYA POL LAIZA 8:24 - OTSAO BAIBEL (BSI)

²⁴ Chemthüikoxle kem khosünkya a monghom makhange; ikoxlechu keme monghom jangngün dao thüiba, ija a monghom tsingtsing münchang. Chemthüikoxle ma mike ngün ang kopkya to owae monghom tüi?

ROM NOK HATO ZAKYA POL LAIZA 8:24 ပူးပေါင်းရင်းမြစ်များ

IBRI 11:1

Mongong a keme monghom le texkya oli bama atsingsho angkya, tamchu keme mike chingünkya oli bama mongao chitüi angkya hanpakma changle.

2 KORIN 5:7

Chemthüikoxle kem tsün a mikngün füi chichangle mongong füi ngopu.

2 KORIN 4:18

Chemthüikoxle mike ngünkya oli chichangle, kwom mikza ma, mike chingünkya oli thompu. Ikoxle chem ngünpuix, ija a onox ma ngoüi wüi, ikoxle keme ngün ang chithokya a jento ngo angkya changle.

1 PITAR 1:21

Chix zidaokya chatle azang ang tom ilaxle fuazang ang tomkya Zang to hünzome chix makhange tix mongongpu; ikhoma hünzom mongong hia monghom tangthole Zang ma thompu.

1 THESALONIKA 5:8

Ikoxle kem a anyixning kux, üntoxle kem a tok-ngakya füi atsaile ngoüi. Mongong hia mongkün keme tata khaxtok khwop jan ang apong angkya changle, ilaxle khosün bama kem monghom khohom tuita ang lax angkya changle.

1 PITAR 1:3

Zang tamchu kem Jowanpa Jisu Khrista Hopa ang keme münchong fahax! Chemthüikoxle Jisu Khrista chatle azangle zo ang koxlaxle chix chingcha chongkya makhange chixe kem ang tsün hozün fale. Ija makhange kem a khüzün monghome awangle,

ROM NOK HATO ZAKYA POL LAIZA 12:12

Hünzome monghom le texkyae hünzom mong amüi thomkox, hünzom sikngün tuke adule thuakjokkya tüikox ilaxle othuithuima zangjopkox.

ROM NOK HATO ZAKYA POL LAIZA 5:2

Keme Jisu Khrista to mongonkya tokhange, oja Zang chingcha athax keme koplaxle ngopuix, ija hato chixe kem ahüile. Idaile Zang fuazangkya süntswon angkya to monghom laxle kem ang mong huanuma müipu!

ROM NOK HATO ZAKYA POL LAIZA 15:13

Hünzome chix to mongong tüikya tokhange, Zang, chix monghom otonge, mongmüi hia mongsom füi hünzom awangle naxfa.

KOLOSI 1:27

Zang katzua wünkhom a, oja ahak aluakya hia fuazangkya huxsa chix khünaknu nok hanpakmale pyenle thomkya hex, ija huxsa chix khünaknu hato ngaile tsing ang kox angkya changle. Huxsa Ija a ile changle: Khrista a hünzom ma tüile, thüikoxle, hünzome Zang fuazang süntswon ang kopüi.

ROM NOK HATO ZAKYA POL LAIZA 15:4

Otsao Lai kaxe fakya zongdün hia adukya makhange kem ang monghom tüi angkya bama, Otsao Lai ma chem zalaxpuix, pangnu wüi kem hama anwot-ano ang zapu.

GALATIA 5:5

Kwom hanpakma, Zange kwom sukya ang achangle laxkya a kwom monghom; kwom mongong makhange Zang Chasa zonge mwot mok ngokya Ija a kwome hule tanngokya changle.

MÜNCHUAK-TSAI 146:5

Hwom to fong ang owapange Jakop Zang koplaxle tüipuix, opange Jowanpa hwom Zang to onglaxpuix,

1 JUHAN 3:3

Khrista to ija mongkün tüikyabu, Khrista chemle tsaotha le tüipuix, ilailaile ma tsaotha le tamchu sule thomle.

2 THESALONIKA 2:16

Kem Jowanpa Jisu Khrista chix jaojao tamchu kem Hopa Zang, owae kem to mongkün puix üntoxle chix chingcha makhange chithai jaokya mongchyen hia shingmongkya mongong falaxpuix,

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

KOLOSI 1:5

Otue hünzome Kaxho Müikya bama otsingtsing kaxho pongwang ma atat laxpuix, hünzome ijae fakya monghombu bama atatpu. Idaile hünzom hanpakmale oja monghom zangkangting to sünle thomlaxpuix, ija hünzom monghom a hünzom mongong ilaxle mongkün chifün changle.

1 KORIN 13:13

Ipongma mongong, monghom ilaxle mongkün ma akiaüi; ilaxle ibu khama akhokya a mongkün changpu.

ZEKARIA 9:12

Zanda ang ngokyabu, hünzom opang ma monghom tüilaxpuix, chatlax; chem chazakya chitüile ngo angkya nang ngwotnui to chatlax. Athax kue akaxpu, hünzome sikngün apongdaokya to othom anyie nüile kue mohimanüi.

JEREMIA 17:7

“Ikoxle ku to chix mongong thomkya khünak to kue mohimankya tüiüi.

MÜNCHUAK-TSAI 33:18

Chix kax ma laxle tüikya pangnusa to Jowanpae hule nyengo, tamchu chithwonkya chix mongkün to mongong tüikyabu to a.

MÜNCHUAK-TSAI 33:22

Kwome kwom monghom nang ma thomponge, Jowanpa, ojao chithwonkya nang mongkün kwom füi ngo ang tomhüi.

WANWÜNKAX 14:32

Chichangchizangkya khünakbue ma thomle düt angkya a hwom ochax mwot khoma atakpu, ikoxle müikya khünakbu ziakople ngo ang kopkya a hwom to ngao angkya chitüile ngotsuakkya khoma changpu.

ROM NOK HATO ZAKYA POL LAIZA 4:18

Monghom angkya chitüi khato, Abrahame mongong ilaxle monghom, ikoxle chix noknusa hopa ang achang. Otsao Lai kax ma tüikya ningle: “Nangsu nangsabu ibukuxle tsaüi.”

ROM NOK HATO ZAKYA POL LAIZA 8:20

Chemthüikoxle Zang chakzing a, küntsu monglua male chichangle, ikoxle Zang mongtsu laxle, tüta tha angchu chichang le ahai. Ikoxlechu ija mongsom tüikya,

TITA 3:7

Ikoxletix wüi keme chix chingcha makhange Zang füi muamüi angkya ataküi tamchu keme monghomle ngokya oshuk chitüikya khüzün tsün kop angkya hato kem hüi ang thoüi.