ROM NOK HATO ZAKYA POL LAIZA 8:23 - OTSAO BAIBEL (BSI)

²³ Ikoxlechu Zang chakzing tata le münchang; kem opange pongwang angkya Zang hingho ningle Otsao Chasa koplaxle tüipuix, Zange kem chix susabu ang achang angkya ilaxle kem ozün abakle dan angkya tanle ngopongma kemechu kem mongsik ngünle akhongle.

ROM NOK HATO ZAKYA POL LAIZA 8:23 ပူးပေါင်းရင်းမြစ်များ

IBRI 9:28

Ija lailaile khünaknu ochaxbu laxlax tox angkya hanpakma Khrista chuwüi tam tokya ma kox. Anyi lükya ma chix ngaiüi, ikoxlechu ochax füikya mwot bama münchang, ikoxle opange chix tanle ngolaxpuix, hwom khosün angkya hanpakma changüi. A

EFISIA 1:14

Zange chem faüile tsaodao laxpuix, ibu keme kop angkya hanpakma Otsao Chasa a thathüt changle, ilaxle ija makhange, Zange chix kux ang ngokyabu ang dan-pankya anguile fa angkya changle le monghom fale. Keme chix fuazang achuak-hax!

EFISIA 4:30

Üntoxle Zang Otsao Chasa mongtsik ang taxtom; chemthüikoxle Otsao Chasa a khosün nyix hanpakmale Zange nang to hopunu münwan chix shintop le thomkya changle.

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

GALATIA 5:5

Kwom hanpakma, Zange kwom sukya ang achangle laxkya a kwom monghom; kwom mongong makhange Zang Chasa zonge mwot mok ngokya Ija a kwome hule tanngokya changle.

ROM NOK HATO ZAKYA POL LAIZA 7:24

Oh! Ku otukux künmax mongshan ngokya mix hex! Ku zi angkya khato paole ngokya ija tsangtsa chak tokya ku owae azünüi?

ROM NOK HATO ZAKYA POL LAIZA 8:19

Zang chakzing pangnue wüi Zange Hosa angaile ahokya ngün ang mong ma sungle tanle ngole.

KAXHO MÜIKYA LUK 20:36

Hwom chatle münzi toxüi chemthüikoxle hwom a kaxtaimixbu ningle achangüi. Zidaokya anaole zokyabu daile hwom a Zang susabu changpu.

1 JUHAN 3:2

Ku mongkün tüinaohom, athax kem a Zangsu Zangsabu changle, ikoxlechu kem chem ang achangüihex ija pak müntik. Ikoxlechu Khrista nguikya zuma, kem chix lailaile achangüi, chemthüikoxle chix chemle tüipuix ija tsaotha le keme ngün ang kopüi, ija keme awanpu.

KAXHO MÜIKYA LUK 21:28

Otue ibu chang ang owang wangüihex, ajonglax, üntoxle ngom nwonlax; chemthüikoxle hünzom khosün chwonüna.”

1 PITAR 1:7

Ibu a nang mongong ojing tomtata changle le aho angkya hanpakma changle. Ma ang tho angkya hun tangtang ngaxchu wün füi wanle anole; ilailaile nang mongong oja hun füi thanu achongkya hex, Ija a adukya alai angkya kuxma, wan angkya jaojao changle. Ile changkoxtix Jisu Khrista ngaikya nyix nange achuak achenkya, fuazangkya üntoxle chathua zakya kopüi.

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

ROM NOK HATO ZAKYA POL LAIZA 5:5

Ija monghome kem ang mong münatho, chemthüikoxle Zange chix hingho Otsao Chasa makhange chix mongkün kem kün-mong ma thokle koxdaoa.

EFISIA 5:9

Chemthüikoxle müikya Otsao Chasa ilaxle otsingtsing oli pangwüi a zangngai oziak changle.

2 KORIN 7:5

Kwome Mesidonia alople ngui füima ngaxchu, kwome nazak ojao chikop. Pangnu khato wüi tuwuk, mixfüi atsi-alakyabu, mong ma chazakya tüihukya.

2 PUKAX-PANGAO 31:5

Kaxtom koxkya füi tomle, Israel khünakbue hwom manzai puamün amüimüi, tsaxziak, grepti-ju, olip münga, nax-ti, tamchu mama haxtok ma alaikya oli pangwüi apüile kox, ilaxle hwom ma atüitüi pangnuli angkya bünfongbu chuwüi hwome apüile kox.

ROM NOK HATO ZAKYA POL LAIZA 5:3

Ilaxle sikngün pongmachu kwom mongmüipu, chemthüikoxle sikngünkyae adu angkya olom sümüile awan ang tsuakpu;

ROM NOK HATO ZAKYA POL LAIZA 5:11

Chatlechu ibu to bole; kem Zang füi zuikhui ang achangkya Jowanpa Jisu Khrista ma Zange kem ang mong amüile.

1 KORIN 1:7

ile hünzome Jowanpa Jisu Khrista ngaile aho angkya to hule ngokya tukma hünzome mohiman chikople oli tuitachu chitox.

2 KORIN 1:22

chix kem zongto hopunu changpu le aho ang, tamchu chixe kem hanpak ang athünle thomkya pangnu kox angkya münwan ang, chix Otsao Chasa kem mongto kox.