ROM NOK HATO ZAKYA POL LAIZA 8:11 - OTSAO BAIBEL (BSI)

¹¹ Zang Chasa, owae Jisu chatle azang ang koxpuix, chix nang ma jangngo thüikoxle, chix Chasa nang ma ngo ang koxkya tokhange, owae zidaokya Khrista chatle azünpuix, chixe ziün angkya nang tsangtsa angchu tsün khüzün koxüi.

ROM NOK HATO ZAKYA POL LAIZA 8:11 ပူးပေါင်းရင်းမြစ်များ

2 KORIN 4:14

Zang owae Jowanpa Jisu chatle azünpuix, chixe kwomchu Khrista füi tomle azangle zo ang koxüi ilaxle hünzom füi tomle kwomchu wüi chix ngwotnui to paoüi, le kwome awanle.

2 KORIN 4:11

Kwom tsangtsa ma chix khüzün ngün ang kop angkya hanpakmale, tsün-jang masu le kwom Jisu zi angkya thama ma ngo.

ROM NOK HATO ZAKYA POL LAIZA 8:9

Ikoxle otsing tomtata ma Zang Chasa nang ma jangngo thüiba, nang ma müi-hi-aji kax ma laxle münngoüi; ikoxle chasae chemle akaxpuix ija kax ma laxle nang ngoüi.

1 KORIN 6:14

Zange Jowanpa Jisu zidaokya chatle azwot, ilaxle ku chuwüi chixe chix tsakzong makhange chatle azwotüi.

ROM NOK HATO ZAKYA POL LAIZA 8:2

Chemthüikoxle Chasa wanlom ojae Khrista ma kem hato khüzün apüipuix, ijae ochax hia zikmüt-mangkho chak tokya ku dandaoa.

FILIPI 3:21

Jali pangnu chix wanlom fangma apüi ang thokya zong twonlaxle ziün angkya ija muakya kem tsangtsa tsün lüi üntoxle ibu fuazangkya chix tsangtsa ningle zi

JUHAN 5:21

Chemthüikoxle chemle Hopae zidaokyabu chatle zo ang tom le hwom ang khüzün hoxpuix, ija ningle chix mongtsukyabu ang Hosaechu khüzün koxtsuak angkya changle.

WANGSHEMBU MWOT 2:24

Ikoxlechu zidaokya chix Zange chatle azangle zo ang tom; chixe chix zikya sikngün chak tokya da, chemthüikoxle zike chix hakle thom ang tho angkya oli chichang.

EFISIA 2:5

kem kax ma chilaxle ochax ma ngotanto wüi Khrista füi tomle ozün ma ngo ang chixe kem shak. Idaile hünzom khosünle kopkya a Zang chingchae tix changle.

EZEKEL 37:14

Kue ku khüzün zakdün hwom ma mütle koxüi ilaxle hwom azang ang tomüi, ilaxle hwom a hwom haxtok ma ngo ang tomüi. Ifüima hwome ku a Jowanpa changpule awan ang kopüi. Jowanpa kue tsaosaxle akaxpu, kue ija ile moküijao.”

MIKNGÜN-OHÜN 11:11

Hanpak nyix azom okao nui füima, Zang tokhange khüzün zakdün hüi ilaxle hokhi ma nop, ilaxle hokhi ajong, üntoxle ija ngünkyabu pangwüi abüt-aban.

1 PITAR 3:18

Chemthüikoxle hünzom Zang hato apüi ang, ochax khünakbu khülüix to müikya khünak tuita Khrista, nok hanpakma tamfang ma ochaxbu bama zi. Tsangtsa ma chix lang ang kox, ikoxlechu chasa ma chix azang ang tom,

JUHAN 14:17

Chix a Zang otsingtsing bama ngaile aho angkya Chasa changle. Chix a chaxwannue pongle kop ang tho angkya oli münchang; chemthüikoxle chaxwannue chix münngün tamchu ojao münawan. Ikoxle hünzome chix awanpu, chemthüikoxle chix a hünzom füi ngole tamchu hünzom ma ngole.

MIKNGÜN-OHÜN 1:18

Ozün ma tüikya a ku changle! Ku zidaokya ikoxlechu othuithui hanpak ang azangle tüile. Zik hia zikyabu chaxwan thakma apün-ada angkya zong ku ma tüile.

1 PITAR 1:21

Chix zidaokya chatle azang ang tom ilaxle fuazang ang tomkya Zang to hünzome chix makhange tix mongongpu; ikhoma hünzom mongong hia monghom tangthole Zang ma thompu.

1 KORIN 15:16

Chemthüikoxle zidaokyabu chatle azangle chizoangba, Khrista chuwüi chatle azangle münzodao changa.

ISAIA 26:19

Ziünkya kem khünakbu tamchatle azangüi! Hwom tsangtsa azangle chatüi. Hwom opang zukting ma jiple ngotüipuix ibu zolaxle mongmüile tsai ngaoüi. Nyenti atsitle saikyae chemle chaxwantok azün ang tompuix, ija ningle Jowanpae kaiwüi zile ngoünkyabu azün ang tomüi.

ROM NOK HATO ZAKYA POL LAIZA 6:12

Nang müi-hi-aji mongzaoe asingkya kax ma nange laxkya lima, ziün angkya hünzom kün-mong ma ochaxe apün-awang ang kox angkya oli münchang.

IBRI 13:20

Oshuk chitüikya Tsaotsüt shintopkya chix aji khoma owa Akhokya chun-nyetmix ang changpuix, ija kem Jowanpa Jisu, zidaokya Zange chatle azang ang tom.

2 KORIN 5:4

Ija chaxwannu nyihom ma ngotanto, kem mixfang to ngokya tukuxle zoshunpu; keme chaxwannu tsangtsa füi atsaiünse le münchang, ikoxle maxün angkya tsün chimax angkya tuita khüzüne ole thomse le texpu.

ROM NOK HATO ZAKYA POL LAIZA 8:1

Idaile athax a Khrista ma ngokyabu hanpakma thaile le thüi angkya müntüi.

ROM NOK HATO ZAKYA POL LAIZA 8:12

Idaile kutüi-kunaohom, kem a thashe füikyabu changle, ikoxlechu tix kem müi-hi-aji mongtex ma ngo angkya münchang.

ROM NOK HATO ZAKYA POL LAIZA 16:3

Khrista ma ku füikya thothanu nyi, Prisila hia Akuila nyi hato kue salam akatpu.

ROM NOK HATO ZAKYA POL LAIZA 16:7

Ku füi tomle kople thomkya tomwüi Jehudi khünak, Andronika hia Junia nyi ang salam; wangshembu ningle hokhichu noke tsingwankya nyi ilaxle ku tho towüi khristan ang achangkya nyi changle.

ROM NOK HATO ZAKYA POL LAIZA 16:9

Khrista thothakya ma kem üitho Urbana, ilaxle ku mongkün zuikhui Stakis nyi ang salam.

ROM NOK HATO ZAKYA POL LAIZA 16:10

Khrista hanpakma sikngün thwonlop daokya mix, Apolo ang salam. Aritobula homkha pangnu ang salam.

GALATIA 6:8

Chixe müi-hi-aji tsuluakya haxtok ma ali akanle jangchangba, ikha angkya chixe mikmüt puamün afoxüi; ikoxle chixe chasa haxtok ma ali akanle jangchang thüiba, chasa angkya chixe oshuk chitüikya tsün khüzün zütle afox ang ataküi.