ROM NOK HATO ZAKYA POL LAIZA 8:10 - OTSAO BAIBEL (BSI)

¹⁰ Ikoxlechu Khrista nang ma jangngo thüikoxle, ochax khoma nang tsangtsa zi angkya changkoxlechu, nang Zang füi muamüi daokya daile nang tsün a chasa ma ozün changpu.

ROM NOK HATO ZAKYA POL LAIZA 8:10 ပူးပေါင်းရင်းမြစ်များ

EFISIA 3:17

üntoxle mongong makhange Khrista-e nang mongtsang ma chix ang nui zing angkya hanpakma kue zangjoppu.

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

JUHAN 17:23

Ku hwom ma ilaxle nang ku ma, ikoxle hwom owüiole tuita ang naxachang; ile tix nange ku tsanle ajopu tamchu nange ku to chemle mongkün puix ija lailaile hwom tochu wüi mongkünpu le chaxwannue awan angkya hanpakma.

KOLOSI 1:27

Zang katzua wünkhom a, oja ahak aluakya hia fuazangkya huxsa chix khünaknu nok hanpakmale pyenle thomkya hex, ija huxsa chix khünaknu hato ngaile tsing ang kox angkya changle. Huxsa Ija a ile changle: Khrista a hünzom ma tüile, thüikoxle, hünzome Zang fuazang süntswon ang kopüi.

ROM NOK HATO ZAKYA POL LAIZA 8:11

Zang Chasa, owae Jisu chatle azang ang koxpuix, chix nang ma jangngo thüikoxle, chix Chasa nang ma ngo ang koxkya tokhange, owae zidaokya Khrista chatle azünpuix, chixe ziün angkya nang tsangtsa angchu tsün khüzün koxüi.

FILIPI 1:23

Pangnyichi tokhange wüi ku to bele. Ataitox le müikya tsün ma ngo ang, ija tsün dantoxlaxle Khrista füi tomle ngoünse le wüi süchongle thütle;

FILIPI 3:9

Wanlom to pongma atakkya ningkya chasa otsao athaxpi kuma müntüi. Athaxpi kuma Khrista to mongongkya makhange kopkya Otsao Chasa tüile, oja Chasa Otsao Zang tokhange hüikya hex üntoxle mongong chifün ang laxlaxle tüipuix.

1 KORIN 15:45

Chemthüikoxle Otsao Lai-e thüile: “Pongwang angkya Adam a ozün ma ngokya tuita ang zingle alai; ikoxle oshuk angkya Adam a khüzün koxkya chasa tsün tuita ang changle”.

MIKNGÜN-OHÜN 14:13

Ifüima kue zangkangting tokya ija kaxzing atat: “Ija zale koplax: Athax makhange opang Jowanpa thothakya mwottho ma zilaxpuix, hwom mohiman!” “Ija changtomtale! Hwome azong le mokle ngokya mwot tokya nazak ang kopüi; chemthüikoxle hwom mwot hwom füito azui angkya changle.”

JUHAN 15:5

“Ku a hopupa ilaxle hünzom a pünkangbu changle; owa ku ma ngopuix tamchu ku owa ma ngopuix, ija khünake huanuma oziak ziaküi; chemthüikoxle ku füi atsai laxle hünzome chemchu mok ang müntho.

JUHAN 14:23

Jisu-e lanle chix ang thüi: “Owawae ku to mongkünkya jangtüi thüiningle, chixe ku kax ma laxle tüiüi. Apae chix to mongkünüi; Apa kukhi chix hato nguiüi ilaxle chix füi ngoüi.

IBRI 12:23

Zangkangting to mün zale tüikya oputwang thom pwonla tusox to hünzom ngui. Noknu kaxfünpa Zang üntoxle nguiwangkya ang achangkya otsao khünak chasabu hato hünzom ngui.

IBRI 9:27

Tam a pangnusasa wüi zi angkya changle üntoxle ifüima Zange kaxfün faüi.

1 THESALONIKA 4:16

Iponge azaxle kaxtomkya ozing, thüikoxle akhokya kaxtaimix zing, tamchu Zang nyazong mütkya zing atatüi, ilaxle Jowanpa chix jaojao zangkangting tokya juüi. Khrista to onglaxle opang zile ngoün laxpuix, hwom thoma zoüi;

2 KORIN 13:5

Hünzome ma to alüile wanle anolax üntoxle kaxfün le anolax, izuma hünzom mongong ma ozün ma ngokya chichang changpuixle ataküi hex. Hünzom ma Khrista tüile le hünzome matsing hex nyi? Ile chichang thüiningle hünzom komkaile thaingoüna.

2 KORIN 4:11

Kwom tsangtsa ma chix khüzün ngün ang kop angkya hanpakmale, tsün-jang masu le kwom Jisu zi angkya thama ma ngo.

ROM NOK HATO ZAKYA POL LAIZA 5:21

Ile tix, ochaxe zikya füi chemle apünpuix, ilailaile Jisu Khrista makhange kem oshuk chitüikya tsün khüzün lom ma zunlaxle Zang chingchae otsao füi apün angkya changle.

ROM NOK HATO ZAKYA POL LAIZA 5:12

Khünak tuita makhange chaxwannu hato ochax hüi, üntoxle chix ochaxe ija füi tomle zikya apüi. Ile changkyae khünak nüjen pangnu khato wüi zik tsale pao, chemthüikoxle khünak noke wüi ochax lyen.

JUHAN 6:56

Owae ku müi sax tamchu ku aji lingüi hex, chix ku ma ngoüi ilaxle ku chix ma ngoüi.

JUHAN 4:14

Ikoxle opange kue fakya ti linglaxüi hex, ibu ang ti tamchatle münlanüi; ikoxle kue chix ang fakya ti a, chix ma otuechu chizople fuakle lai ngokya timik ang achangüi.”

JUHAN 6:54

Owae ku müi sax tamchu ku aji linglaxüi hex, chix oshuk chitüi le ozün ma ngo angkya changle, ilaxle oshuk nyix kue chix ozün ma zo ang tomüi.

LIWI 13:40

Owawa ang khang angkya khomun dütle jangchang, chix a khanghwon ikoxlechu otsao changpu. Ikoxle chix khangpong angkya hia namya angkya kho dütkyae khangkokya lan.