ROM NOK HATO ZAKYA POL LAIZA 8:1 - OTSAO BAIBEL (BSI)

¹ Idaile athax a Khrista ma ngokyabu hanpakma thaile le thüi angkya müntüi.

ROM NOK HATO ZAKYA POL LAIZA 8:1 ပူးပေါင်းရင်းမြစ်များ

2 KORIN 5:17

Tüta mix wüi changlax, otue Khrista po ma nyemüihex, chix a tuita hozün khüzün changpu; ozang a toxdaoa, hulax, hozün ang achangle hüile.

GALATIA 3:13

Ikoxle kem khoma othuak ozom ang achang laxle wanlom tokhange apüikya thuakzom chak tokya Khrista-e kem azündaoa; chemthüikoxle Otsao Lai-e thüile: “Owa pün ma ashaüihex chix a Zang thuakzom fangma tüile.”

ROM NOK HATO ZAKYA POL LAIZA 5:1

Athax a mongong makhange kem Zang füi muamüikyae, Jowanpa Jisu Khrista makhange kem ang Zang füi mongsom tüile.

1 KORIN 1:30

Ikoxlechu Zange hünzom Khrista füikya notom hato ahüidaoa, ilaxle tamchu Zange Khrista a kem zongto je-hwon ang zingdaoa. Chix makhange tix kem Zang zongto sukya ang achangle; kem a Zang otsao khünaknu ang achangüna ilaxle kem mongtex ma dandaoa.

ROM NOK HATO ZAKYA POL LAIZA 8:34

Jisu Khrista zikya changpu, ikoxle anaole zolaxle athax chix Zang tsaxchi ma thungle tüile. Chixe kem hanpakma Zang ma chingcha jule ngole. Ingale kem ma owawae oma huxfe ang tsuaküi lea?

JUHAN 5:24

“Otsingtsingma kue hünzom ang thüipu, Owae ku kax atat laxpuix, ilaxle ku tomle ajokya mix to onglaxpuix, chix ma oshuk chitüikya khüzün tüile. Chix bama kaxfün angkya müntüi, zik kaile toxlaxle azang angkya ha alopüna.

JUHAN 15:4

Ku ma ngolax ilaxle ku hünzom ma ngoüi; hopupa ma chimyen thüikoxle pünkangsae oziak chemle ziak ang thoüi? Ija lailaile ku ma myenle chingo thüikoxle hünzomechu oziak ziak ang müntho angkya changle.

FILIPI 3:9

Wanlom to pongma atakkya ningkya chasa otsao athaxpi kuma müntüi. Athaxpi kuma Khrista to mongongkya makhange kopkya Otsao Chasa tüile, oja Chasa Otsao Zang tokhange hüikya hex üntoxle mongong chifün ang laxlaxle tüipuix.

ISAIA 54:17

ikoxlechu hünzom to tüta ningkya chang-paxe chu mak-khale chang ang müntho; hünzom ma kaxhux fekyabu pangnusa hanpakma hünzom ma lan angkya kax tüiüi. Kue ku dapabu khoseüi ilaxle hwom ang lütkya koxüi.” Jowanpae akaxdaoa.

ROM NOK HATO ZAKYA POL LAIZA 8:14

Opang Zang Chasae zunle tüilaxpuix hwom a Zang susabu changle.

1 KORIN 15:22

Chemthüikoxle Adam ma pangnu zipu, ilailaile Khrista ma zidaokya pangnu wüi chatle azangle zo ang koxüi.

GALATIA 5:16

Ku kax a ija changle: Hünzom tsün Chasae zun ang laxkox, imatix hünzome müi-hi-aji jaopo mongzom amüikya müntüiüi.

ROM NOK HATO ZAKYA POL LAIZA 8:4

Khünak müi-hi-aji olom ma chichang homle Chasa mongtex ma ngokya lima wanlome jukya otsao mongtex ma sha angkya hanpakma Zange ija ile mok.

ROM NOK HATO ZAKYA POL LAIZA 8:39

thak tokya zangfange wüi changlax chichangba fang tokya zangfange wüi changlax: Jisu Khrista ma kem kux ang ngokya Zang mongkün füi kem ajan ang tho angkya Zang chakzing khama athax kople chemchu matüi.

GALATIA 5:25

Kem chasa ma ozün ma ngokya jangchangba, kem a chasa machu ahamhax.

GALATIA 3:28

Idaile Jehudi hia mixnokbu bama da hia panle thomkyabu bama, lüka hia sheko bama le süichapkya chemchu müntüi, Khrista füikya notom ma hünzom pangnu tuita.

JUHAN 14:20

Otue ija nyix nguile hüiüi hex, hünzome ku Apa ma tüile, tamchu ku chemle Apa ma ngopuix ija ningle hünzomchu ku ma ngole le awan ang kopüi.

ROM NOK HATO ZAKYA POL LAIZA 7:20

Kue, mae mokse chitsukya mix mokle jangchang thüikoxle, ija makhange ija mokkya mix a ku münchangle ahole; itülüi, ija a kuma tüikya ochax changpu.

ROM NOK HATO ZAKYA POL LAIZA 7:17

Idaile ija mwot mokkya a ku tomtata münchang; ikoxle ija a kuma ngokya ochax changle.

2 KORIN 12:2

Zangbün ali leüna, khristan sün tuita zangkangting to nwonle dünkya kue awan ngole (otsing tomtata ma ija ile changdao pia hia chixe mikngün ohün ngünlaxpuix kue münawan, Zange tix awan).

ROM NOK HATO ZAKYA POL LAIZA 16:7

Ku füi tomle kople thomkya tomwüi Jehudi khünak, Andronika hia Junia nyi ang salam; wangshembu ningle hokhichu noke tsingwankya nyi ilaxle ku tho towüi khristan ang achangkya nyi changle.

ROM NOK HATO ZAKYA POL LAIZA 16:3

Khrista ma ku füikya thothanu nyi, Prisila hia Akuila nyi hato kue salam akatpu.

EZEKEL 18:9

Iningkya khünake ku kaxtombu kax ma laxle ilaxle ku wanlombu khile thomle. Chix a otsao khünak changle, ilaxle chix a ozün ma ngo angkya wüi changpu”, le Jowanpa Khüthak Zang-e akaxdaoa.

ROM NOK HATO ZAKYA POL LAIZA 5:16

Üntoxle Zange amuamua le koxkya hingho hia khünak tuita ochax nyi a taningkya münchang. Chemthüikoxle Adam-e achaxkya füima Zange hwom hato chix chingcha ahole; athax hünzom ma thaikya müntüi.

ROM NOK HATO ZAKYA POL LAIZA 8:2

Chemthüikoxle Chasa wanlom ojae Khrista ma kem hato khüzün apüipuix, ijae ochax hia zikmüt-mangkho chak tokya ku dandaoa.

ROM NOK HATO ZAKYA POL LAIZA 8:9

Ikoxle otsing tomtata ma Zang Chasa nang ma jangngo thüiba, nang ma müi-hi-aji kax ma laxle münngoüi; ikoxle chasae chemle akaxpuix ija kax ma laxle nang ngoüi.

ROM NOK HATO ZAKYA POL LAIZA 8:11

Zang Chasa, owae Jisu chatle azang ang koxpuix, chix nang ma jangngo thüikoxle, chix Chasa nang ma ngo ang koxkya tokhange, owae zidaokya Khrista chatle azünpuix, chixe ziün angkya nang tsangtsa angchu tsün khüzün koxüi.

GALATIA 3:26

Khrista füikya notom ma hünzom Zang susabu ang achangkya a mongong makhange changle.

EFISIA 1:1

Zang küntsu monglua tokhange Khrista wangshem ang achangkya Pol tokhange: Khrista füikya notom ma mongong ma chiale le ngokyabu, Efisia ma tüikya otsao khünakbu hato: