ROM NOK HATO ZAKYA POL LAIZA 7:9 - OTSAO BAIBEL (BSI)

⁹ Noxta wanlom chilax homtoxle ku ozün ma ngokya, ikoxle otue wanlom hüipuix, ochax chatle azang ilaxle ku omang ang achang.

ROM NOK HATO ZAKYA POL LAIZA 7:9 ပူးပေါင်းရင်းမြစ်များ

GALATIA 3:10

Wanlom lwot tokya to onglaxle ngokyabu a othuak-ozome awang laxle tüile. Chemthüikoxle Otsao Lai-e akax: “Owae Wanlom Laipex ma zale tüikya pangnuli to othuithuima kax ma laxle chitüi üihex chix a Zang othuak ozom fangma tüile!”

ROM NOK HATO ZAKYA POL LAIZA 8:7

Idaile khünak tuita khangka müi-hi-ajie apünkya tokhange chix Zang zongto zan ang achangle; chemthüikoxle chixe Zang wanlom kax ma chilax, ilaxlechu ija kax ma laxtsuak angkya münchang.

GALATIA 2:19

Wanlom to hule ano koxle lom tuita ma Zang kuxma ku ozün ma ngo angkya bama, ku a wanlome alüile lang daokya tuita omang changle. Ku a Khrista füi tomle pünsak ma takle lang daokya changle.

ROM NOK HATO ZAKYA POL LAIZA 10:5

Wanlom kax ma laxkya tokhange Zang füi muamüi angkya bama Mosa-e zakya a ija: “Wanlom kax ma laxle saxmokkya mix, ija makhange azangle ngoüi.”

ROM NOK HATO ZAKYA POL LAIZA 7:11

Wanlom makhange mok angkya opong atak laxle ochaxe ku dyen; ile wanlom makhange ochaxe ku lang.

ROM NOK HATO ZAKYA POL LAIZA 7:6

Ikoxlechu tix, amiba kem khale thomkya wanlom zi ilaxle ija khak-kha chak tokya kem dandaoa. Idaile keme zale thomkya ozang wanlom ma chichang homle, Chasa ma lomtang ozün ma keme Zang thothapu.

ROM NOK HATO ZAKYA POL LAIZA 7:4

Ilailaile, o kutüi-kunaohom, keme Zang oziak opua dünle kox angkya hanpakma, hünzom mama mix kux, thüikoxle zidaokya chatle azünkya Zang kux ang achang ang, Khrista tsangtsa makhange wanlom ma hünzomchu omang ang achangpu.

KAXHO MÜIKYA LUK 18:21

Ija mixsüne thüi: “Ibu kaxtom pangnu kue naosom tokhange wüi mokle hüipu.”

KAXHO MÜIKYA LUK 15:29

Ikoxle chixe hopa kax to lan, ‘Hulax, ibibi zangpua da tuita tukux kue nang hanpakma saxmokpu, üntoxle kue nang kax ma chilaxle otuechu chitüi, ikoxle nange ku ang chem fadao? Kuechu zuikhuibu füi fong naxkhalax le zwon tangtang ngaxchu chifa tsuakkya a!

MATHI 19:20

Ija mixsüne thüi: “Kaxtom ibu kue naosom tokhange wüi mokle hüipu; jangchangba iboma kue mok angkya chem tüi?”

MÜNCHUAK-TSAI 40:12

Ku a thangnak tuitai huanue akhoplaxle tüile: okiak jaojao chithole! Ku ochaxe ku kopdaoa, ilaxle athaxpi kue ngün ang müntho; ibu a ku khangmun füi ngaxchu sütsexle tüile, ilaxle kue ku mongchen amütdaoa.

ROM NOK HATO ZAKYA POL LAIZA 7:8

Ochax-e wanlom ma fe angkya onui ataklaxle, angünngün pangnu to nüfux dong angkya ku mongto chüi. Chemthüikoxle wanlom füi atsai laxle ochax a omang.

ROM NOK HATO ZAKYA POL LAIZA 7:10

Wanlom ojae hünzom khüzün kox angkya hex, ijae ku a omang changle le ahole.