ROM NOK HATO ZAKYA POL LAIZA 7:5 - OTSAO BAIBEL (BSI)

⁵ Chemthüikoxle kem müi-hi-aji mongtex ma ngopongma, wanlom makhange chüile alaikya ochax lyense tsukya mongzoke kem tsangtsa ma mwot mok, ilaxle ochax hanpakma oziak opua dünle kox.

ROM NOK HATO ZAKYA POL LAIZA 7:5 ပူးပေါင်းရင်းမြစ်များ

EFISIA 2:3

Wünhax thüikoxle kem pangwüi hwom lailaile changle ilaxle kem tsangtsa hia tutex ma asukyakya saxmok le jaopo küntsu monglua ma ngole hüi; kem jaopo chifün ma kemchu, mix lailaile, kemchu wüi Zang mongtsik zothup ma wom angkya hexo le bangpu.

GALATIA 5:24

Ilaxle opang Khrista Jisu ma tüilaxpuix, hwome khünak jaopo a ma müi-hi-aji mwot füi tomle takle langdaoa.

GALATIA 3:10

Wanlom lwot tokya to onglaxle ngokyabu a othuak-ozome awang laxle tüile. Chemthüikoxle Otsao Lai-e akax: “Owae Wanlom Laipex ma zale tüikya pangnuli to othuithuima kax ma laxle chitüi üihex chix a Zang othuak ozom fangma tüile!”

ROM NOK HATO ZAKYA POL LAIZA 6:13

Ichichangba, chichangchizang mwot to thap ang nang tsangtsa ojongkhachu taxdan. Itülüi, omang khatokya ozün hato apüidaokya khünakbu ningle, hünzom tsün Zang ang laxkox, ilaxle nang tsün komkaile otsao mwot ma twon ang dankox.

ROM NOK HATO ZAKYA POL LAIZA 6:21

Athax chempang khoma hünzom azakle ngopuix ijabue hünzom ang lap chemchu münfa. Iningkyabu mwot mokkyae khünak zi ang koxle!

1 JUHAN 3:4

Ochax lyenkya mix a Zang wanlom amakya ma thaile ngole, chemthüikoxle ochax a wanlom pünkya changle.

KOLOSI 3:5

Nang ma mokle tüikya chaxwannu küntsu monglua, thütba: chinunchakkai, chitsao chimaokya, chimüikya to mong zalokya, ochax mokse tsukya, o-singkya; oja chapa shwomkya changpuix, ibu pangnu hünzome langdaoa.

1 KORIN 15:56

Zike makkha angkya zong ochax angkya kople, üntoxle ochaxe ma zong wanlom angkya kople.

JAKOP 4:1

Hünzom khama tata füi achax-azankya hia ahe-atsikya ojong tokhange hüi? Ibu a ojao chizak le hünzom mong khato azanle ngokya mongzok tokhange laikya münchang hexnyi?

JAKOP 1:15

Ifüima ochax lom to mongzokkya otue kem ma awoküihex; ochax puxle alaiüi; üntoxle otue ochax tsongle hüiüi hex, zik puxle alaiüi.

TITA 3:3

Chemthüikoxle tam a kwomchu wüi ongat ningle, kax ma chilax ilaxle thaile tüikya changpu. Kwom a pangnu lito asingle nüfux zaikya da ang ngokya. Kwome kwom tsün chingcha chitüile hia mixfün müikya ngünse chitsukya lom ma koxle hüi; mixe kwom to tsak ilaxle kwomechu hwom to khu.

EFISIA 2:11

Hünzom nuput tokhange wüi mixnokbu changpu, ilaxle Jehudi khünakbu opange hwom alüile khwonzüt zom kaidaokyabu le epuix (Chak füi hwom tsangtsa to mokle hwonkya) hwome hünzom ang khwonzüt zom ma chiwomkyabu le nyakle. Hünzome ami hünzom chem changkya dai Ija otuechu taxalak.

ROM NOK HATO ZAKYA POL LAIZA 7:23

Ikoxlechu kue ku tsangtsa ma mama wanlome mwot mokkya ngünle: ija a ku khangkae changle le laxkya wanlom füi azankya wanlom tuita changle. Ijae ku, ma tsangtsa ma mwot mokle ngokya ochax wanlom chak to kople thomkya mix tuita ang achangle.

ROM NOK HATO ZAKYA POL LAIZA 6:23

Chemthüikoxle ochax omün a zikya changle; ikoxle Zange amuale fakya hingho a Jowanpa Jisu Khrista füikya notom ma oshuk chitüikya tsün khüzün changle.

ROM NOK HATO ZAKYA POL LAIZA 6:19

Hünzom müi-hi-aji ma zong chitüikya khoma kue khünak zangwün ma wünpu. Tam a chichang-chizangkya mwot hanpakma hünzome chitsaokya hia chichang-chizangkya chak to da ang hünzome ma abakle koxle thomkya. Ija lailaile athax a otsao mwotbu hanpakma hünzome ma abakle otsao ang kox angkya changle.

ROM NOK HATO ZAKYA POL LAIZA 5:20

Thaikya mwot atsat ang wanlom zingpu; ikoxlechu ojongto ochax lwonle hüi, ifüi sütsexle Zang chingcha tsa le hüi.

ROM NOK HATO ZAKYA POL LAIZA 4:15

Wanlome Zang ang mongma apüile; ikoxle ojong khato wanlom chitüi puix, ikhato wanlom kax ma laxkyachu müntüi.

ROM NOK HATO ZAKYA POL LAIZA 3:20

Chemthüikoxle wanlome alomlom mokkya tokhange khünak owachu Zang füi muamüi angkya le münchang; wanlom mwot a khünak hama chixe achax daokya ochax apuale kox angkya changle.

ROM NOK HATO ZAKYA POL LAIZA 1:26

Khünakbue ile mokkya khoma, Zange hwom khualyenle zakkop mwot mok ang dan. Shekobue to apüile kolyen laxle makux-maka olom ma chichang homle twon.

JUHAN 3:6

Khünak tuita tsangtsa ma honu hopa makhange puxpaile; ikoxlechu chix chasa ma Chasa makhange puxpaile.

MATHI 15:19

Chemthüikoxle künmong tokhange iningle mongtex chimüikyabu laile: mix mik amütkya; chinunchakkai; ahuxkya; atsekya; ahaikya; iningkyabu.

2 KORIN 10:3

Kwom chaxwannu ma ngokya changtomtapu, ikoxlechu kwome chaxwannu mongtex makhange achax-azanle münchang.