ROM NOK HATO ZAKYA POL LAIZA 7:4 - OTSAO BAIBEL (BSI)

⁴ Ilailaile, o kutüi-kunaohom, keme Zang oziak opua dünle kox angkya hanpakma, hünzom mama mix kux, thüikoxle zidaokya chatle azünkya Zang kux ang achang ang, Khrista tsangtsa makhange wanlom ma hünzomchu omang ang achangpu.

ROM NOK HATO ZAKYA POL LAIZA 7:4 ပူးပေါင်းရင်းမြစ်များ

1 PITAR 2:24

Kem ochax ma zi üntoxle otsao hanpakma ozün ma ngo angkya kuxma, Khrista-e kem ochax chix tsangtsa ma pünsak hato hünle pao. Hünzom komle müi ang tomkya a chix ma mak-khakya tokhange changpu.

ISAIA 54:5

Nang Zingpupa a nang zongto kakopa tuita ningle changüi — Jowanpa Khüthak Zang a chix mün changle. Israel nok otsao Zang-e hünzom khosünle kopüi — chix a zangfang pangwüi apünkya mix changle.

ROM NOK HATO ZAKYA POL LAIZA 8:2

Chemthüikoxle Chasa wanlom ojae Khrista ma kem hato khüzün apüipuix, ijae ochax hia zikmüt-mangkho chak tokya ku dandaoa.

EFISIA 2:15

Ile chix ma notomkya füi majat malili angkya lita kanta jat hozün alai ang chixe ija ma tüikya kaxtombu füi Jehudi wanlom amüt le tu amüi.

ROM NOK HATO ZAKYA POL LAIZA 7:6

Ikoxlechu tix, amiba kem khale thomkya wanlom zi ilaxle ija khak-kha chak tokya kem dandaoa. Idaile keme zale thomkya ozang wanlom ma chichang homle, Chasa ma lomtang ozün ma keme Zang thothapu.

GALATIA 5:18

Chasae nang zunkya jangtüi thüiningle nang a Wanlom fangma müntüi.

KOLOSI 1:22

Ikoxle athax a chix Hosa müi-hi-aji ma zi ang koxkya makhange, otsao ma, ofwot chitüile tamchu thaikya kha chitüi le chix ngwotnui to apüi angkya hanpakma Zange nang chix zuikhui ang achangle.

ROM NOK HATO ZAKYA POL LAIZA 6:22

Ikoxle athax a hünzom ochax tokya dandaoa ilaxle Zang dabu ang achangüna; ija khülüix to hünzome mongzom müikya atakle ilaxle oshuk ma oshuk chitüikya tsün khüzün ataküi.

GALATIA 3:13

Ikoxle kem khoma othuak ozom ang achang laxle wanlom tokhange apüikya thuakzom chak tokya Khrista-e kem azündaoa; chemthüikoxle Otsao Lai-e thüile: “Owa pün ma ashaüihex chix a Zang thuakzom fangma tüile.”

ROM NOK HATO ZAKYA POL LAIZA 6:14

Ochax-e nang to apün ang jao taxkox; wanlom fangma chichangle Zang chingcha fangma ngohüi.

KOLOSI 2:14

ilaxle kem füi apüile chak füi zakya wanlom oja kem füi alünle ajong ngopuix, ija a chixe fwotle amüt laxle Khrista pünsak ma takle langle paodaoa.

KOLOSI 1:10

Ifüima hünzome chix mong amüi angkyakya mokle Jowanpa mongtex ma ngo ang thoüi. Hünzome tsün ma müikya mwot pangnu li mokle alai ilaxle hünzom Zang tsingwankya ma tsongüi.

FILIPI 1:11

Zang fuazang hia achuak achenkya tüi angkya hanpakma, Khrista-e tix alai tho angkya otsingtsing müikya olie hünzom tsün awangle ngohüi.

MIKNGÜN-OHÜN 19:7

Oman, kem mongmüi pwonlahax; keme chix chongkya achuak-hax! Chun Hosa Aju-asom ang otu nguile; ija hanpakma tuinuchu achwonle tüile.

ROM NOK HATO ZAKYA POL LAIZA 6:2

Ile otuechu münchangüi! Kem ochax ma zidaoa: ikoxle ija ma wüi kem chemle ngole hüiüi?

KOLOSI 2:20

Hünzom a Khrista füi tomle zidaokya ilaxle ija zangfang apünkya chasabu chak tokya dandaoa. Jangchangba, hünzom büthüikya to ija chaxwannu kux ningle ngo angkya?

KOLOSI 1:6

Pongwang ole atatkya nyix ijae hünzom mong alüixkya üntoxle Zang chingcha chongkya tsingle lax ang fakya lailaile, hünzom hato hüikya Kaxho Müikya tuitata wüi khünaknu tsün lüile koxle chaxwannu faole aham ngole.

FILIPI 4:17

Kue hingho pongse tsukya tata chichangle, hünzome chingcha ahokya to bole olap naxtüi le texpu.

JUHAN 3:29

Tuinu zongto Tuipa tix hopupa changpu; ikoxlechu tuipa hozui owae ajong laxle chix kax apale ngopuix, tuipa kaxzing atatlaxle chix mong sisi huanuma müiüi; ku mongmüi okho anguikya a ija lailaile changpu.

MATHI 26:26

Hwome saxle ngopongma Jisu-e an lax, jople münchong fa, ija akhix ilaxle chix wangshembu ang kox. Chixe thüi: “Koplax ilaxle saxlax, ija a ku müi changle.”

MIKNGÜN-OHÜN 21:9

Kaxtaimix anüt kha angkya owa ma oshuk lükya thama anüte awang le tüikya pe tüikya hex, chix ku hato hüilaxle thüi: “Ikhato oman, kue nang hama tui to juüi naocha, thüikoxle Chun Hosa kakonu ahofang.”

IBRI 10:10

Tamfang ma nok hanpak ang Khrista-e chix tsangtsa jaojao tö koxkya tokhange kem pangwüi otsao ang achang, chemthüikoxle chix hanpakma Zang mongtex chemhex ija chixe mok.

2 KORIN 11:2

Hünzom tuitexkya kuma zule tüile; hünzom zongto Zange chemle texpuix, kuechu ija ningle texle. Naocha tuita aju-asom angkya nyix mangui-manguile, mafüi tuizing-nazex daokya naosün zongto othai-onyai chitüi le büle haxtsao-zangthale ngotsuak puix, ilailaile hünzom chuwüi Khrista zongto thaikya ojao chitüile namngobae le texpu.

1 KORIN 10:16

Jowanpa fongsüt ma keme twonkya wansa oja hanpakma keme Zang ang münchong fapuix; ija angkya keme lingkya zuma, keme Khrista aji ma süntswonpu. Ilaxle keme ashikkya an; otue keme ija saxpuix, keme Khrista tsangtsa ma süntswonpu.

JUHAN 15:8

Hünzom ma tüle oziak ziakkya makhange Apa fuazang ang tomle; ile hünzom a ku wangshembu ang achangle.

JUHAN 6:51

Ku a zangkangting tokya jukya süt changpu; owae ija süt kha angkya saüihex, chix a oshuk chitüile ozün ma ngoüi; ilaxle süt oja kue chaxwan azün ang koxüihex, ija a ku müi changle.”

ISAIA 62:5

Naosün tuitae chix tuinu ang naochasa laxkya ningle, Nange owae zingle alaipuix chixe wüi nang füi aju-asomle changüi. Tuipa tuitae ma tuinu füi chemle mongzom müipuix, Ija lailaile nang Zang chuwüi nang füi mongzom müiüi.

MARK 4:20

Ikoxle khünak mamabu a hax müikya khato saikya tsaxtsangbu ningle; hwome Zang kaxho atat, ija pongle kop, ilaxle oziak dün; züitae tsübün pong, züizüie puzom pong üntoxle züizüie hopong.”

ROM NOK HATO ZAKYA POL LAIZA 6:11

Ija lailaile Khrista füi notom laxle hünzomechu ma hanpakma alüile, zikya a ochax kuxma ikoxle azangle ngokya a Zang kuxmale ajang angkya changle.

ROM NOK HATO ZAKYA POL LAIZA 7:3

Ikoxle ma kakopa ozün ma tüingale mama mix füi ngole jangchangba, she ang chinunchakkai cha le nyaküi, ikoxle hokakopa zi le jangchang thüikoxle, wanlom ma she a khale chithomkya mixcha tuita, ilaxle she mama lüka ma ating anokle changkoxlechu Ija a chinunchakkaikya münchang.