ROM NOK HATO ZAKYA POL LAIZA 7:24 - OTSAO BAIBEL (BSI)

²⁴ Oh! Ku otukux künmax mongshan ngokya mix hex! Ku zi angkya khato paole ngokya ija tsangtsa chak tokya ku owae azünüi?

ROM NOK HATO ZAKYA POL LAIZA 7:24 ပူးပေါင်းရင်းမြစ်များ

ROM NOK HATO ZAKYA POL LAIZA 6:6

Ilaxle ija keme awanle: Kem ochax da ang achangle chingo angkya hanpakma, tsangtsa ma tüikya ochax zong amüt ang, kem tsün-zang Khrista füi tomle chix pünsak ma langdaoa.

2 TIMOTHI 4:18

Üntoxle Jowanpa-e ku chisumüikya pangnu chak tokya azün ilaxle zangkangting wangting to chixe ku sünle kopüi. Fuazangkya a othuithuima chix kux wüi naxchang! Amen.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

ROM NOK HATO ZAKYA POL LAIZA 8:2

Chemthüikoxle Chasa wanlom ojae Khrista ma kem hato khüzün apüipuix, ijae ochax hia zikmüt-mangkho chak tokya ku dandaoa.

MÜNCHUAK-TSAI 102:20

Kun ma thomkyabu wotkya zing chixe atatle ilaxle ozik-omüt hanpak tsaitsuak-kaxtsuakle changdaokyabu chixe danle apao.

MIKNGÜN-OHÜN 21:4

Chixe hwom mik angkya mikfi, pangwüi fwotle faüi. Ikhato zikya, mongmakya, sop-juakya, okak-olak chemchu müntüiüi. Hozang lili komle maxdaoa.”

IBRI 2:15

Ile zik thua zakya tokhange da ang achangle ngokyabu pangnu chixe khangkho angai.

ROM NOK HATO ZAKYA POL LAIZA 8:26

Ija ningle kem shonaikya to fong ang Chasa kem hato nguile. Chemthüikoxle zangjop chemle jopüihexle keme chiawan; ilaxle kax ma ngai ang chithokyabu Chasae akhongle chixe alüile kem hanpakma zangjople.

ROM NOK HATO ZAKYA POL LAIZA 8:13

Chemthüikoxle hünzom müi-hi-aji mongtex ma jangngo thüiba, hünzom zi angkya laiüi; ikoxlechu chasa makhange hünzome hünzom ochax mwot janglang, hünzom ozün ma ngoüi.

KAXHO MÜIKYA LUK 4:18

“Jowanpa Chasa ku ma tüile; mütmix shunmix hato, Kaxho Müikya apüi ang chixe ku kam. Kople thomkya hato, dan angkya kax apuk angkya; Mikduakbu hato, ngün angkya kax apuk angkya; mix fang to ngokyabu ang, khangkho angai kox angkya;

MÜNCHUAK-TSAI 72:12

Chix to nyakkya mixshix-zasabu pangwüi kho chixe sünle, üntoxle chitüi-chinangkyabu hia e-ma chilaxle ahai thomkyabu chuwüi chixe sünle.

KOLOSI 2:11

Hünzom a Khrista füikya notom ma khwonzüt zom zingkya changpu, khünake zingkya khwonzüt zom olom ma münchang, ikoxle Khrista-e zingkya khwonzüt zom olom makhange zingpu, oja zom ma ma ochax tuitex zong chak tokya pan-dankya tüilaxpuix.

MATHI 5:6

“Zang mongtex mwot mokse tsukyabu mohiman; Zange hwom to chingchaüi!

MIKA 7:19

Nange tamchatle kwom to chingcha-jajaüi. Nange kwom ochaxbu to hax ma cha füi naküi ilaxle ibu tinu jithong to apaoüi!

MÜNCHUAK-TSAI 119:20

Othuithuima nang kaxfünbu awanle laxsele; ku mongkha ma sungkya bule tüile.

MÜNCHUAK-TSAI 71:11

Hwome thüile: “Zang-e chix dantoxdaoa; hai chix füito zik-hax üntoxle chix kop-hax; chix kho awale kop angkya mix owachu müntüi.”

MÜNCHUAK-TSAI 6:6

Mongmaxkyae ku shanle paoüna; jafokya to sopkya mikfi füi kulya shanüna; ku khangtyet a ku mikfi füi ashan thomdaoa.

1 WANGHOMBU 8:38

ipongma hwom zangjop to apakox. Israel nok nang khünak owawae athukle küntsik-mongmakya tokhange, ija Zangshwom-Hom chito chakthui laxle zangjople changpongma

MATHI 5:4

“Mongmale sopkyabu, mohiman; Zange hwom joxüi!

EZEKEL 9:4

“Jerusalem tingnu apatle lekox ilaxle tingnu ma mokle tüikya ochaxbu khoma fuxtsüile sikngün apongle ngokya pangnusa khangpong ma manwan tople laxkox.”

MÜNCHUAK-TSAI 119:176

Chun samkya ningle ku samle ngopu; idaile nang dapa ku lomlax, chemthüikoxle kue nang wanlombu otuechu münahai.

MÜNCHUAK-TSAI 119:143

Ku a sikngün hia mongsunge awangle tüile, ikoxlechu nang kaxtombue ku ang mongmüi apüile.

MÜNCHUAK-TSAI 119:131

Nange kaxtombu fa angkya to sungle kue wikha akalaxle hungopu.

MÜNCHUAK-TSAI 88:5

Ku a lwompubu khato awütle toxdaoa; ku a dingsom daokyabu hwom zuk-khato anguakle thomdaokya ningle, opange nange komkaile alakle asamdaopuix, opang nange fong angkya chakza to tüipuix.

MÜNCHUAK-TSAI 38:2

Nange sanhapbu füi ku to maklax ang tom; nange ku hongle atüi.

ROM NOK HATO ZAKYA POL LAIZA 8:23

Ikoxlechu Zang chakzing tata le münchang; kem opange pongwang angkya Zang hingho ningle Otsao Chasa koplaxle tüipuix, Zange kem chix susabu ang achang angkya ilaxle kem ozün abakle dan angkya tanle ngopongma kemechu kem mongsik ngünle akhongle.