ROM NOK HATO ZAKYA POL LAIZA 7:23 - OTSAO BAIBEL (BSI)

²³ Ikoxlechu kue ku tsangtsa ma mama wanlome mwot mokkya ngünle: ija a ku khangkae changle le laxkya wanlom füi azankya wanlom tuita changle. Ijae ku, ma tsangtsa ma mwot mokle ngokya ochax wanlom chak to kople thomkya mix tuita ang achangle.

ROM NOK HATO ZAKYA POL LAIZA 7:23 ပူးပေါင်းရင်းမြစ်များ

GALATIA 5:17

Chemthüikoxle oja kem khünak jaopoe lompuix ija a Chasae lomkya füi opüi changle. Ija nyi a tata füi zan changle, chemthüikoxle nange ma mongtsukya chemchu mok ang müntho.

JAKOP 4:1

Hünzom khama tata füi achax-azankya hia ahe-atsikya ojong tokhange hüi? Ibu a ojao chizak le hünzom mong khato azanle ngokya mongzok tokhange laikya münchang hexnyi?

ROM NOK HATO ZAKYA POL LAIZA 8:2

Chemthüikoxle Chasa wanlom ojae Khrista ma kem hato khüzün apüipuix, ijae ochax hia zikmüt-mangkho chak tokya ku dandaoa.

ROM NOK HATO ZAKYA POL LAIZA 6:19

Hünzom müi-hi-aji ma zong chitüikya khoma kue khünak zangwün ma wünpu. Tam a chichang-chizangkya mwot hanpakma hünzome chitsaokya hia chichang-chizangkya chak to da ang hünzome ma abakle koxle thomkya. Ija lailaile athax a otsao mwotbu hanpakma hünzome ma abakle otsao ang kox angkya changle.

ROM NOK HATO ZAKYA POL LAIZA 7:25

Kem Jowanpa Jisu makhange, Zang ang münchong fapu! Idaile kue kulualua to ku mong khato Zang wanlom thothale, ikoxchu müi-hi-aji wanlom thothale.

1 PITAR 2:11

Kue mongkünle texkyabu, chaxwannu ma mixwünbu tamchu püntüibu ningle kue hünzom ang thüipu: chasa füi alünle azankya müi-hi-aji küntsu monglua füi hünzom atsaile ngolax.

IBRI 12:4

Hünzome ochax füi azankya zuma ma aji ajen angkya kople adule mahüi.

ROM NOK HATO ZAKYA POL LAIZA 7:21

Idaile wanlom ijae mwot mokle ngokya kue apongle; kue otue müikya mokse tsupuix, kue chichangchizang-zang paile kople.

ROM NOK HATO ZAKYA POL LAIZA 7:5

Chemthüikoxle kem müi-hi-aji mongtex ma ngopongma, wanlom makhange chüile alaikya ochax lyense tsukya mongzoke kem tsangtsa ma mwot mok, ilaxle ochax hanpakma oziak opua dünle kox.

ROM NOK HATO ZAKYA POL LAIZA 6:13

Ichichangba, chichangchizang mwot to thap ang nang tsangtsa ojongkhachu taxdan. Itülüi, omang khatokya ozün hato apüidaokya khünakbu ningle, hünzom tsün Zang ang laxkox, ilaxle nang tsün komkaile otsao mwot ma twon ang dankox.

HWON-NWOT-JAONO 7:20

Othuithuima chem mokse hex ijaja mok ilaxle thaikya ojao chitüikya khünak chaxwan tok ma müntüi.

MÜNCHUAK-TSAI 142:7

Ibu zothup chak tokya ku azünhüi; ile nang ku zongto ataxle müikya khoma ifüima nang khünaknu tusox ma kue nang achuaküi.

ROM NOK HATO ZAKYA POL LAIZA 7:14

Keme wanlom a otsao changpu le awanle; ikoxle ku a ziün angkya khünak, ochax da ang hang daokya mix tuita changle.

JAKOP 3:2

Kem othuithuima thaihompu. Ikoxle ojao chithaile zangwünkya khünak jangtüi thüikoxle, chix okhonguikya mix tamchu chix tsangtsa komle akumathum ang thokya mix changle.