ROM NOK HATO ZAKYA POL LAIZA 7:15 - OTSAO BAIBEL (BSI)

¹⁵ Kue chem mokpuix kue münawan; chemthüikoxle kue mokse tsukya kue münmok; itülüi, kue chem thua anupuix, ija mix kue mokle.

ROM NOK HATO ZAKYA POL LAIZA 7:15 ပူးပေါင်းရင်းမြစ်များ

GALATIA 5:17

Chemthüikoxle oja kem khünak jaopoe lompuix ija a Chasae lomkya füi opüi changle. Ija nyi a tata füi zan changle, chemthüikoxle nange ma mongtsukya chemchu mok ang müntho.

NAHUM 1:7

Jowanpa a müikya changpu; sikngün pongma chixe chix khünaknu kho awa; chix hato mongchatkya khünakbu to chixe hume.

JAKOP 3:2

Kem othuithuima thaihompu. Ikoxle ojao chithaile zangwünkya khünak jangtüi thüikoxle, chix okhonguikya mix tamchu chix tsangtsa komle akumathum ang thokya mix changle.

HWON-NWOT-JAONO 7:20

Othuithuima chem mokse hex ijaja mok ilaxle thaikya ojao chitüikya khünak chaxwan tok ma müntüi.

ROM NOK HATO ZAKYA POL LAIZA 12:9

Mongkünkya a zongbakle kün angkya changle. Chem oma hex ija thua anu, oja müipuix ija to mongle künkop angkya changle.

JUD LAIZA 1:23

wün khatokya bele alaile mix khosün kox; ilaxle zakya füi awonle mix ang chingcha ahokox, ikoxlechu hwom ochax mikzalokya füi lyetle ama daokya hwom nyiza thua anulax.

ROM NOK HATO ZAKYA POL LAIZA 14:22

Ija bama nang mong chemhex, Zang hünkhi bama kangthom. Chixe changpu le texkya mwot mokkya zuma ma mongto thajao chitüi le changkya khünak mongmüi mix changle!

MÜNCHUAK-TSAI 19:12

Kem owaechu ma thaikyabu mae alüile ngün ang müntho; Jowanpa, thaikya khomle thomkyabu chak tokya ku azünhüi!

2 TIMOTHI 2:19

Ikoxlechu shingmong homting oja Zange zingle toxdaopuix ija a alox ang münthoüi; üntoxle ija ma ibu kax zale thomle: “Chix hanpak opang hex Zange hwom awanle ngole” ilaxle “Opange chix Zang hanpak changpu le thüiüi hex, hwom a othai mwot mokle ngokya chat angkya changle.”

IBRI 1:9

Chem supuix ija to nange mongkün; chem chisupuix ija thua nang anu. Idaile Zang, nang Zange, nang zünle koppu; nang füikyabu ang koxkya süthak, nang ang mongsom hia chazakya fadaoa.”

AMOS 5:15

Chem ochax hex ija thua anulax, chem supuix ija to mongkünlax, ilaxle khwa ma sukya kaxfün koxle chang angkya to hulax. Ile jangthüiningle owatsing, athax atale toxkya khünakbu to Jowanpae chingchakya tüiüi.

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

ROM NOK HATO ZAKYA POL LAIZA 7:16

Kue mokse chitsukya kue mokkya zuma, kue wanlom ma thaikya müntüile laxkya imjo ahole.

MÜNCHUAK-TSAI 119:113

Nang zongto komkaile nang kax ma laxle chichangkyabu to kue miktsakle, ikoxlechu kue nang wanlom to mongkünpu.

MÜNCHUAK-TSAI 101:3

üntoxle tütue chu ochax to adu angkya münchang. Zang hato tok ahokyabu mwot-kat thua ku anule; kue hwom füi tomle sax-mok angkya chemchu müntüiüi.

MÜNCHUAK-TSAI 1:6

Otsao khünakbu a Jowanpae kho-awale thomle, ikoxlechu chichang-chizangkya mix a mikmüt lom ma tüile.

WANWÜNKAX 13:5

Chithaikya khünake atsekya thua anule, ikoxle chichang-chizangkya khünakbu zangwün a zakkop ashukle tamchu chingcha jao chitüile changle.

MÜNCHUAK-TSAI 119:163

Kaxthai zangwün pangnu to kue anupu ilaxle ibu füi atsaile ngopu, ikoxlechu kue nang wanlom to mongkünpu.

MÜNCHUAK-TSAI 119:128

Ikhoma kue nange adangle fakyabu pangwüi kax ma laxpu; Kue thaikya lom pangwüi thua anule.

MÜNCHUAK-TSAI 65:3

hwom ochaxbu hanpakma a. Kwom thaikyae kwom to lütle, ikoxlechu nange hwom ang thailakkya tüi.

1 WANGHOMBU 8:46

“Chemtue nang khünaknue nang zongto achaxle changüihex ilaxle ochax chilyenkya mix owachu chitüi: ilaxle nang ang mongtsik üntoxle nange hwom to zanpabue lüt ang tom ilaxle hwom a mixnok chaxwan to da ang koplaxle paole changpongma, ija chaxwan ochu towüi chang koxlechu,

MÜNCHUAK-TSAI 119:40

Kue nang kaxtombu kax ma laxse tsule; ku a tsün hozün fahüi, chemthüikoxle nang a otsao changle.

MÜNCHUAK-TSAI 119:32

Kue mongtsutsule nang kaxtombu kax ma laxle tüiüi, chemthüikoxle nange ku ang tsing-wankya anaolechu kox angkya changle.

KAXHO MÜIKYA LUK 11:48

Hünpu hünpa hwome mokkya hünzome awanpu, ilaxle hünzom mongzomchu müile le hünzome mwot makhange ahole; chemthüikoxle hwome ibu lang üntoxle hünzome a hwom zuktingbu zing.

MÜNCHUAK-TSAI 119:104

Kue nang Wanlombu makhange hwon-je kople, ikhoma kue chimüikya zanglom-saikha pangwüi thua anule.

MÜNCHUAK-TSAI 97:10

Jowanpa chixe ochax thua anukyabu to mongkünle; chixe chix khünaknu khüzün kho-awale thomle; chichang-chizangkyabu tsak-zong chak tokya chixe hwom azünle thomle.

MÜNCHUAK-TSAI 36:4

Hwome azünle lya ma shui laxle ochax mwot-mwot ajangle; hwome mokkya müikya tuita müntüi, üntoxle chem ochax hex ija hwome otuechu münmokpule münthüi.

JUHAN 15:15

Athaxpi kue hünzom ang dale münnyak; chemthüikoxle da tuitae ma hopupae mokkya mwot münawan; ikoxchu kue hünzom ang zuikhui le nyak daoa; chemthüikoxle kue Apa tokhange chempang atatle laxpuix ibu pangwüi kue hünzom hama wünpu.