ROM NOK HATO ZAKYA POL LAIZA 7:10 - OTSAO BAIBEL (BSI)

¹⁰ Wanlom ojae hünzom khüzün kox angkya hex, ijae ku a omang changle le ahole.

ROM NOK HATO ZAKYA POL LAIZA 7:10 ပူးပေါင်းရင်းမြစ်များ

2 KORIN 3:7

Wanlom a chakza makhange longkhua ma zapu, ilaxle ija koxkya zuma Zang fuazangkya ngün ang koppu. Mosa thünza nyankya juix füima ngaxchu, Israel khünaknue chix to ajingle hu ang chitho le nyan. Zingle dankya füima wanlom ojae zik apüipuix, ija ngaxchu ipong fuazangle ngui,

ROM NOK HATO ZAKYA POL LAIZA 10:5

Wanlom kax ma laxkya tokhange Zang füi muamüi angkya bama Mosa-e zakya a ija: “Wanlom kax ma laxle saxmokkya mix, ija makhange azangle ngoüi.”

LIWI 18:5

Kue mokkya mwot hia ku wanlombu ningle moklax; ile jangmokba nange nang khüzün sünle kopüi; ku a Jowanpa changle.”

GALATIA 3:12

Ikoxle wanlome mongong füi mok angkya chemchu müntüi. Otsing tomtata ma Otsao Lai-e akaxkya ningle: “Wanlom ma alomlom lwot owae tole tsuaklaxpuix chixchu wüi imakhange ozün ma ngoüi.”

EZEKEL 20:21

“Ikoxle ibu tsünthombue chuwüi ngaithole ku kax aba. Hwome ku wanlombu pünle ama ilaxle ku kaxtombu kax ma chilax; ijabue kax ma laxle tüikyabu pangwüi ang khüzün fase pa. Hwome Sabath tsaolyen. Ekha sak-hax towüi hwom ang ku mongtsik janzüi zongbakle apong ang tom ilaxle hwom pangwüi langle awüt ang ku achwonle tüikya.

EZEKEL 20:11

Ibu kax ma laxle changkya hato khüzün apüi angkya ku kaxtombu hwom ang kox ilaxle ku wanlombu anole kox.

EZEKEL 20:13

Ikoxle sak-hax to ngaxchu hwome ngaithole ku kax ma chilaxle angam. Hwome ku wanlombu pünle awüt ilaxle ku kaxtombu kax ma chilaxle tüi; ibu tole jangchang thüikoxle hwom pangwüi ang khüzün tüisepa. Sak-hax ikhato wüi kue hwom ang ku mongtsik janzüi komkaile apong ang tom angkya tamchu olithule hwom amüt angkya ku achwonle tüikya.

ROM NOK HATO ZAKYA POL LAIZA 4:15

Wanlome Zang ang mongma apüile; ikoxle ojong khato wanlom chitüi puix, ikhato wanlom kax ma laxkyachu müntüi.

ROM NOK HATO ZAKYA POL LAIZA 7:9

Noxta wanlom chilax homtoxle ku ozün ma ngokya, ikoxle otue wanlom hüipuix, ochax chatle azang ilaxle ku omang ang achang.