ROM NOK HATO ZAKYA POL LAIZA 6:4 - OTSAO BAIBEL (BSI)

⁴ Ifüima, kem baptikyae, kem chix füi tomle akhün ilaxle chix zik ma womle. Ija a, Hopa fuazangkya tsakzong makhange Jisu Khrista zidaokya chatle azangle zokya ningle, kemchu tsün ozün ma ngo ang kop angkya hanpakma changle.

ROM NOK HATO ZAKYA POL LAIZA 6:4 ပူးပေါင်းရင်းမြစ်များ

2 KORIN 5:17

Tüta mix wüi changlax, otue Khrista po ma nyemüihex, chix a tuita hozün khüzün changpu; ozang a toxdaoa, hulax, hozün ang achangle hüile.

KOLOSI 3:10

ilaxle mixzün awunlaxle ngoüna. Hünzome chix tsingwankya okhonguikya hato ahüi angkya hanpakma, zingpupae chix lailaile zingkya othuithuima azünle zing ngokya a ija tsün hozün changle.

ROM NOK HATO ZAKYA POL LAIZA 7:6

Ikoxlechu tix, amiba kem khale thomkya wanlom zi ilaxle ija khak-kha chak tokya kem dandaoa. Idaile keme zale thomkya ozang wanlom ma chichang homle, Chasa ma lomtang ozün ma keme Zang thothapu.

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

ROM NOK HATO ZAKYA POL LAIZA 6:9

Chemthüikoxle keme awanpu Khrista a zidaokya chatle azünkya changle ilaxle chix chatle tamzi angkya münchang, zikya zonge athax chix to münlüt tsuaküi.

2 KORIN 13:4

Chix pünsak ma takle lang pongma zong shole maxkya otsing tomta changle. Ikoxlechu athax a Zang tsakzong makhange Khrista a ozün ma tüile. Kwom chuwüi chix füikya notom ma, shonai le tüile. Ikoxlechu otue kwom Korin to ngui ilaxle hünzom füi asax-amok, izuma ozün ma tüikya Khrista füi tomle kwom asoxüi ilaxle iningle kwom ma mok angkya Zang tsakzong tüiüi.

ROM NOK HATO ZAKYA POL LAIZA 6:3

Ija a hünzom pangnue awan ngokya tuita: Otue Jisu Khrista füi notom le kem bapti puix, kem a chix zikya füichu notomle baptikya changpu.

1 JUHAN 2:6

Keme kem Zang füi notom ma ngopule jangthüi: Khrista chemle ngodaopuix ilailaile kem ngo angkya changle.

1 KORIN 6:14

Zange Jowanpa Jisu zidaokya chatle azwot, ilaxle ku chuwüi chixe chix tsakzong makhange chatle azwotüi.

ROM NOK HATO ZAKYA POL LAIZA 8:11

Zang Chasa, owae Jisu chatle azang ang koxpuix, chix nang ma jangngo thüikoxle, chix Chasa nang ma ngo ang koxkya tokhange, owae zidaokya Khrista chatle azünpuix, chixe ziün angkya nang tsangtsa angchu tsün khüzün koxüi.

EFISIA 4:17

Jowanpa mün ma kue hünzom zünpu: Tutex ma laxli chitüi ilaxle küntex mongjang ma zangnak to ngokya songsaribu ningle hünzom taxngo.

ROM NOK HATO ZAKYA POL LAIZA 6:19

Hünzom müi-hi-aji ma zong chitüikya khoma kue khünak zangwün ma wünpu. Tam a chichang-chizangkya mwot hanpakma hünzome chitsaokya hia chichang-chizangkya chak to da ang hünzome ma abakle koxle thomkya. Ija lailaile athax a otsao mwotbu hanpakma hünzome ma abakle otsao ang kox angkya changle.

JUHAN 11:40

Jisu-e she ang thüi: “Nange mongongle jangchangba, nange Zang fuazangkya ngün ang kopüi, le kue nang füi maakax daimi?”

WANGSHEMBU MWOT 2:24

Ikoxlechu zidaokya chix Zange chatle azangle zo ang tom; chixe chix zikya sikngün chak tokya da, chemthüikoxle zike chix hakle thom ang tho angkya oli chichang.

KOLOSI 4:1

Opunubu, hünzome ma dabu to tomwüi ilaxle sukya lom ma hume kox. Hünzom hanpak angchu zangkangting to hopupa tuita tüile le texle ataklax.

EFISIA 5:8

Hünzom jaojaochu zangnak to ngokya, ikoxchu hünzom Zang khünaknu ang achangkya füi tomle, hünzom zangngai ma tüile. Idaile hünzome a zangngai khünakbu ningle saxmok angkya changle.

JUHAN 2:11

Ile pongwang lekya chix ohünotün mwot Jisu-e Galili angkya Kana ting ma mok; ile chix fuazangkya kotok to ngai; ilaxle chix wangshembue chix to ong.

WANGSHEMBU MWOT 2:32

Zange ija Jisu zidaokya chatle azündaoa, ilaxle kwom a pangnusa wüi ija otsingtsing bama kaxkhi fakyabu changpu.

ROM NOK HATO ZAKYA POL LAIZA 6:8

Kem Khrista füi tomle jangzi thüiba, keme chix füi tomle ozün ma ngo angchu ataküile ongpu.