ROM NOK HATO ZAKYA POL LAIZA 6:23 - OTSAO BAIBEL (BSI)

²³ Chemthüikoxle ochax omün a zikya changle; ikoxle Zange amuale fakya hingho a Jowanpa Jisu Khrista füikya notom ma oshuk chitüikya tsün khüzün changle.

ROM NOK HATO ZAKYA POL LAIZA 6:23 ပူးပေါင်းရင်းမြစ်များ

JUHAN 3:36

Hosa to mongongkya khünak ma oshuk chitüikya khüzün tüile; owae Hosa kax ma chilax puix, chix ma khüzün müntüi; ikoxle Zang mongtsik chix füi ngoüi.”

ROM NOK HATO ZAKYA POL LAIZA 5:12

Khünak tuita makhange chaxwannu hato ochax hüi, üntoxle chix ochaxe ija füi tomle zikya apüi. Ile changkyae khünak nüjen pangnu khato wüi zik tsale pao, chemthüikoxle khünak noke wüi ochax lyen.

JAKOP 1:15

Ifüima ochax lom to mongzokkya otue kem ma awoküihex; ochax puxle alaiüi; üntoxle otue ochax tsongle hüiüi hex, zik puxle alaiüi.

JUHAN 6:40

Chemthüikoxle Hopa mongtex a ija changle: Opange Hosa ngünpuix tamchu chix to ongpuix, hwom ma oshuk chitüikya khüzün tüiüi; Ilaxle oshuk nyix kue hwom ozün ma ngo ang tomüi.”

MATHI 25:46

Ifüima hwom a oshuk chitüikya zothup nui to apaoüi; ikoxle otsaobu a oshuk chitüikya khüzün khato paoüi.”

EZEKEL 18:20

Owae ochax moklaxpuix chix tix zi angkya changpu. Hopa ochax khomale sasüne sikngün apong angkya müntüi, iningle sasün ochax khoma hopaechu sikngün apong angkya müntüi. Müikya khünakbu to müikya mwot khoma mohimankya tüiüi ilaxle ochax khünakbu a hwom ochax khoma sikngün angkya tüiüi.

EZEKEL 18:4

Khünak pangwüi khüzün ku kux changpu, nu-pa hwom khüzünchu tamchu naosom hwom khüzün chuwüi. Owae ochax lyenpuix, mik max angkya mix a chix tix changpu.

JUHAN 5:24

“Otsingtsingma kue hünzom ang thüipu, Owae ku kax atat laxpuix, ilaxle ku tomle ajokya mix to onglaxpuix, chix ma oshuk chitüikya khüzün tüile. Chix bama kaxfün angkya müntüi, zik kaile toxlaxle azang angkya ha alopüna.

ROM NOK HATO ZAKYA POL LAIZA 5:21

Ile tix, ochaxe zikya füi chemle apünpuix, ilailaile Jisu Khrista makhange kem oshuk chitüikya tsün khüzün lom ma zunlaxle Zang chingchae otsao füi apün angkya changle.

ROM NOK HATO ZAKYA POL LAIZA 2:7

Züizüi khünake mwot müikyakya wüi mokle ngole, ilaxle fuazangkya, üntoxle otuechu chizi chimax angkya tsün lomle; Zange hwom ang oshuk chitüikya tsün khüzün koxüi.

PONGWANG LAIPEX 2:17

ikoxle omüi hia oma tsing angkya jepün angkya pünziak chisaxüi; chemthüikoxle ija angkya pünziak saxkya nyix wüi nang thüile ziüi.”

JUHAN 10:28

Kue hwom ang oshuk chitüikya khüzün tsün koxpu, ilaxle hwom a tamchu chiziüi. Ku chak angkya hwom owaechu pale chipaoüi.

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

TITA 1:2

Hanpak zanghan thoto wüi, thai angkya jao chichangkya Zange kem ang ija tsün khüzün fa angkya tsaole,

ROM NOK HATO ZAKYA POL LAIZA 5:17

Khünak tuita ochax makhange, chix khokho ma hexle zikyae apün ang sütkya otsingtsing changle. Ikoxle mixhuak tuita, Khrista-e mokkya otok to otukux chongkya laipuix! Okhonguikya Zang chingcha ilaxle amuale fakya chix otsao hingho opange kop laxpuix, hwome Khrista ma tsakzong le ozün ma ngo ang kopüi.

ROM NOK HATO ZAKYA POL LAIZA 6:16

Hünzome ma alüile da ang owawa chak to otue danüi hex, nange owa kax ma laxle ngopuix, nang a chix da jaojao ang achangpu: oja khoma zi angkya laipuix; ija ochax dawüi changlax chichangba Zang füi muamüi ang koxkya, Zang kax ma laxkya da ang wüi changlax.

JUHAN 17:2

Nange chix ang afafa pangnusa ang, oshuk chitüikya tsün khüzün koxtsuak angkya hanpakma, nange chix ang khünaknüsa thakma tsakzong koxpu.

PONGWANG LAIPEX 3:19

Nang haxtok to chatle machat-machatle ma khangpong angkya zangmukti laile tix nange süt sax ang ataküi; ija makhange zingkya daile nang a hax changpu, ikhoma nang tamchatle hax towüi chatüi.”

JUHAN 6:68

Simon Pitar-e lan: “Jowanpa, kwom owa hato paoüi? Tsün khüzün koxkya kax nang ma tüipu;

JUHAN 6:27

Male paoün angkya süt hanpakma mwot taxmok, ikoxle oshuk chitüikya tsün füi tomwüi ngo angkya süt hanpakma moklax. Ija süt a Khünak Hosae tix hünzom ang koxüi; chemthüikoxle Hopa Zange chix ma münwan shin tople fadaoa.”

ISAIA 3:11

Ikoxlechu ochax khünakbu a maxdaoa; hwome mix to chemle hwondaopuix ija athax hwom to hwonüi.

1 JUHAN 2:25

Üntoxle Khrista chixjaoe kem ang koxüi hexo le tsaokya oshuk chitüikya tsün khüzün a ija changle.

GALATIA 3:10

Wanlom lwot tokya to onglaxle ngokyabu a othuak-ozome awang laxle tüile. Chemthüikoxle Otsao Lai-e akax: “Owae Wanlom Laipex ma zale tüikya pangnuli to othuithuima kax ma laxle chitüi üihex chix a Zang othuak ozom fangma tüile!”

JUHAN 4:14

Ikoxle opange kue fakya ti linglaxüi hex, ibu ang ti tamchatle münlanüi; ikoxle kue chix ang fakya ti a, chix ma otuechu chizople fuakle lai ngokya timik ang achangüi.”

WANWÜNKAX 11:19

Owawae sukya mwot mok ang mong-zangwünkya jangtüidao ozün ma ngoüi, ikoxle thaikya mwot mok ang atsangle changkya mix a ziüi.

ISAIA 3:9

Hwome Zang ang oma thüikya hwom hato wüi alüile chatüi. Sodom nok lailaile hwome ngaithole ochax lyenle. Hwom a maxdaoa, ilaxle ija hwome hwom hato alüile apüilaxpu.

JUHAN 4:36

Owae zütle ngopuix chixe omün kopdaoa, ilaxle oshuk chitüikya tsün hanpakma oli afoxle ngole; Idaile saikya mix hia zütkya mix tomle mongmüi angkya changle.

ROM NOK HATO ZAKYA POL LAIZA 1:32

Ile ngokya khünakbu zi angkya ataküile Zang wanlom ma tüikya hwome awanpu. Ingale iningkya oma mwot hwom tatae mokle lengokya chichangle mixe mokkya tochu wüi müipuix le thüi.

ROM NOK HATO ZAKYA POL LAIZA 6:21

Athax chempang khoma hünzom azakle ngopuix ijabue hünzom ang lap chemchu münfa. Iningkyabu mwot mokkyae khünak zi ang koxle!

ROM NOK HATO ZAKYA POL LAIZA 8:6

Hünzom khangka müi-hi-ajie apün laxle ngokyae zi angkya laiüi; hünzom khangka Chasae apünle ngokyae ozün ma hia mongsom ma ngo angkya laiüi.

ROM NOK HATO ZAKYA POL LAIZA 8:13

Chemthüikoxle hünzom müi-hi-aji mongtex ma jangngo thüiba, hünzom zi angkya laiüi; ikoxlechu chasa makhange hünzome hünzom ochax mwot janglang, hünzom ozün ma ngoüi.

ROM NOK HATO ZAKYA POL LAIZA 8:38

Chemthüikoxle chix mongkün füi kem tütaechu ajan ang münthole kue ongtomtale; zike wüi changlax, ochax-ozane wüi changlax, kaxtaimixbue wüi changlax, mama ding ma apünkya tsakzongbue wüi changlax, ipongkhae wüi changlax chichangba athax füichi mawüi changlax,

ROM NOK HATO ZAKYA POL LAIZA 8:39

thak tokya zangfange wüi changlax chichangba fang tokya zangfange wüi changlax: Jisu Khrista ma kem kux ang ngokya Zang mongkün füi kem ajan ang tho angkya Zang chakzing khama athax kople chemchu matüi.