ROM NOK HATO ZAKYA POL LAIZA 5:8 - OTSAO BAIBEL (BSI)

⁸ Ikoxle kem to itukux künle lükya Zang mongkün chixe kem hama ahodao; ija a kem ochax ma wüi ngotanto Khrista kem hanpakma zikya changle.

ROM NOK HATO ZAKYA POL LAIZA 5:8 ပူးပေါင်းရင်းမြစ်များ

JUHAN 15:13

Khünak tuita ma tüikya mongkün akhokya a; chixe hozui hanpakma ma tsün kox ang thokya tix changle.

JUHAN 3:16

Zange chaxwannu to tüle mongkün laxle chix to ongkya mix chimax le oshuk chitüikya khüzün tsün atak angkya hanpakma chix ang Hosa tuita wüi tüikya chaxwannu ang kox;

ROM NOK HATO ZAKYA POL LAIZA 5:6

Chemthüikoxle fongmix chitüile kem maxle ngoponge, Zange tyakya tuthüt ma, ochax khünakbu hanpakma Khrista zi.

1 PITAR 3:18

Chemthüikoxle hünzom Zang hato apüi ang, ochax khünakbu khülüix to müikya khünak tuita Khrista, nok hanpakma tamfang ma ochaxbu bama zi. Tsangtsa ma chix lang ang kox, ikoxlechu chasa ma chix azang ang tom,

1 JUHAN 3:16

Khrista-e kem hanpakma chix tsün koxkya makhange keme mongkün chemhex ija awan ang koppu. Idaile kemechu wüi kem tüinaohom hanpakma kem tsün kox angkya changle.

ISAIA 53:6

Kem pangwüi lom asamdaokya chunbu ningle changkya, kem pangwüi malomlom to pao. Ikoxle Jowanpae sikngün chix khangkho ma adüt, ija sikngün a kem pangwüie kopsepa.

EFISIA 2:7

Khrista ma kem hato ahokya chix mongkün ma atakkya chix chingcha othuithui hanpakma aho angle chixe ija mok.

ROM NOK HATO ZAKYA POL LAIZA 4:25

Kem ochaxbu khoma chix zi ang kox, üntoxle Zang füi kem mua amüi ang chix chatle azün.

1 TIMOTHI 1:16

mama khünakbue hwomechu oshuk chitüikya khüzün tsün atak ang thoüi changa le awanle lax ang kox angkya kuxma sümakya ochax khünak tuita füi ngaxchu chix ipongpong adupu le pangnusa hato afua angkya hanpakma Jisu Khrista-e ku apyen ang twon angkya bama Zange ku to chingcha, ija kax a otsing tomta changle.

ROM NOK HATO ZAKYA POL LAIZA 5:20

Thaikya mwot atsat ang wanlom zingpu; ikoxlechu ojongto ochax lwonle hüi, ifüi sütsexle Zang chingcha tsa le hüi.

ROM NOK HATO ZAKYA POL LAIZA 3:5

Ikoxle keme thaile mokkyae Zange ojao chithaile mokkya khünaknue atsingsho le ngün ang jang ahoba keme chemle thüiüi? Kem ang sikngün fapong ma Zang ang thaile mokle le thüiüi hia? (Kue khünak zangwün ma wünpu).

ROM NOK HATO ZAKYA POL LAIZA 5:7

Otsao khünak tuita hanpakma owawa zi angkya a mwottsak tuita. Ikoxle tuita mixmüi hanpakma zi ang owawae mongtsu koxlax.

ROM NOK HATO ZAKYA POL LAIZA 8:32

Chixe Hosa tomtata ngaxchu chitui le kem ang kox! Chix Hosa ngaxchu kox: chixe mamabu tomning komkaile münfa pia?

ROM NOK HATO ZAKYA POL LAIZA 8:39

thak tokya zangfange wüi changlax chichangba fang tokya zangfange wüi changlax: Jisu Khrista ma kem kux ang ngokya Zang mongkün füi kem ajan ang tho angkya Zang chakzing khama athax kople chemchu matüi.

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

IBRI 8:3

Chemle Nguakho tuita tö pangwüi kox ang hia müi langle Zang shwom ang kampuix, ija lailaile kem Nguakho angchu tö kox angkya oli tuita tütüi angkya changle.