ROM NOK HATO ZAKYA POL LAIZA 5:18 - OTSAO BAIBEL (BSI)

¹⁸ Ile tix mixhuak tuita ochax tokhange khünak pangwüi thajaokya ningle, ija lailaile mixhuak tuita otsao mwote khünaknu pangnu dan-panle ilaxle hwom ang khüzün tsün koxle.

ROM NOK HATO ZAKYA POL LAIZA 5:18 ပူးပေါင်းရင်းမြစ်များ

1 KORIN 15:22

Chemthüikoxle Adam ma pangnu zipu, ilailaile Khrista ma zidaokya pangnu wüi chatle azangle zo ang koxüi.

ROM NOK HATO ZAKYA POL LAIZA 5:12

Khünak tuita makhange chaxwannu hato ochax hüi, üntoxle chix ochaxe ija füi tomle zikya apüi. Ile changkyae khünak nüjen pangnu khato wüi zik tsale pao, chemthüikoxle khünak noke wüi ochax lyen.

ROM NOK HATO ZAKYA POL LAIZA 5:15

Ikoxlechu hokhi a tuita le münchang, chemthüikoxle amuale koxkya Zang hingho a Adam ochax ningle chichang. Ija mixsün tuita ochax khoma hexle khünaknu tüle zimaxünkya otsingtsing changle. Ikoxle Zang chingcha a onüi chongkya changle, üntoxle khünak tuita, Jisu Khrista chingcha makhange khünaknu hanpakma Zange amuale fakya chingchachu ija lailaile changpu.

ROM NOK HATO ZAKYA POL LAIZA 5:19

Üntoxle mixhuak tuitae kax ma chilaxkya khoma khünakbu huanuma ochaxbu ang achangkya ningle, ija lailaile mixhuak tuitae kax ma laxkya khoma khünaknu huanuma Zang füi muamüi ang tomüi.

WANGSHEMBU MWOT 13:39

Mosa wanlom tokhange ma ochax tokya khangkho zangngai ang chitsuak ikoxle Jisu Khrista to ongkya makhange ochax pangnu tokya khangkho zangngai ang tsuaküi, ijachu hünzome awanle kop angkya changle.

IBRI 2:9

Ikoxlechu Jisu, owa noxtakya hanpak bama, Zange kaxtaimixbu süfang le zingkya keme ngünpuix, ija a Zang chingcha makhange chix nok hanpakma zi angkya hanpakmale changle. Chixe zikya sikngün apongle hüidaokya khoma athax a keme chix fuazang hia achuak achenkya khohom sün laxle ngün ang kople.

ROM NOK HATO ZAKYA POL LAIZA 4:25

Kem ochaxbu khoma chix zi ang kox, üntoxle Zang füi kem mua amüi ang chix chatle azün.

JUHAN 1:7

khünaknu hato zangngai bama apua ang tsanle apao. Pangnusae atat tamchu ong angkya kuxma chix hwom hato ngui.

JUHAN 12:32

Otue ku chaxwannu ma ngoüihex, kue khünaknu pangnu ku hato ahüiüi.”

1 JUHAN 2:20

Ikoxlechu hünzom ma Khrista-e thokle koxkya Otsao Chasa tüipu, idaile hünzom pange wüi otsingtsing awanpu.

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

JUHAN 3:26

Hwom Juhan hato ngui ilaxle thüi: “Nang füi tomle Jordan shua tachi to owa ngokya hex, owa bama nange kaxkhi fale hüipuix; hulax, chixe bapti fale ngole, ilaxle pangnusa wüi chix hato nguile!”

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

ROM NOK HATO ZAKYA POL LAIZA 3:25

Chix to ongkya hwom mongong makhange, chix zikyae khünaknu ang ochax thailak atak angkya olom ang naxchangle Zange chix komkaile kox. Chix otsao aho angkya hanpakma Zange ija ile mok. Ledaokya wan ma a chix adule ngo üntoxle khünaknu ochax bama zax chihunle hulanle hu;

ROM NOK HATO ZAKYA POL LAIZA 6:14

Ochax-e nang to apün ang jao taxkox; wanlom fangma chichangle Zang chingcha fangma ngohüi.