ROM NOK HATO ZAKYA POL LAIZA 4:25 - OTSAO BAIBEL (BSI)

²⁵ Kem ochaxbu khoma chix zi ang kox, üntoxle Zang füi kem mua amüi ang chix chatle azün.

ROM NOK HATO ZAKYA POL LAIZA 4:25 ပူးပေါင်းရင်းမြစ်များ

1 PITAR 3:18

Chemthüikoxle hünzom Zang hato apüi ang, ochax khünakbu khülüix to müikya khünak tuita Khrista, nok hanpakma tamfang ma ochaxbu bama zi. Tsangtsa ma chix lang ang kox, ikoxlechu chasa ma chix azang ang tom,

GALATIA 1:4

Athax pongkya ochax tsün chak tokya kem khangkho angai angkya kuxma, Zang tamchu kem Hopa mongtex kax ma laxle, Khrista-e chix tomtata kem ochax hanpakma kox.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

1 JUHAN 2:2

Kem ochaxbu thailak atak angkya olom Khrista tata wüi, kem ochaxbu tata le münchang, ikoxle zangfang nok ochax hanpakchu changle.

1 PITAR 2:24

Kem ochax ma zi üntoxle otsao hanpakma ozün ma ngo angkya kuxma, Khrista-e kem ochax chix tsangtsa ma pünsak hato hünle pao. Hünzom komle müi ang tomkya a chix ma mak-khakya tokhange changpu.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

MIKNGÜN-OHÜN 1:5

üntoxle owa chithai toxkya kaxkhi, zikyabu khama pongwang ma zokya mix, üntoxle owa chaxwannu wanghombu thakma apünkya mix angchu changpuix, ija Jisu Khrista tokhange hünzom ang mongsom hia chingcha naxchang.

1 PITAR 1:21

Chix zidaokya chatle azang ang tom ilaxle fuazang ang tomkya Zang to hünzome chix makhange tix mongongpu; ikhoma hünzom mongong hia monghom tangthole Zang ma thompu.

1 KORIN 15:17

Khrista chatle azangle chiazwot thüikoxle, hünzom mongong a oba to ilaxle athaxchu hünzom ochax ma wüi tüia.

ROM NOK HATO ZAKYA POL LAIZA 8:3

Khünak müi-hi-aji shonaikya khoma, wanlome chitsuakkya Zange mok ang tsuakle. Chix Hosa owa khünak müi-hi-aji tsün ningle achang ilaxle ochax hanpakma zom ang kox ang ajo puix, chixe khünak müi-hi-aji ma tüikya ochax münsule ajao.

MATHI 20:28

Khünak Hosa a mok ang tom ang chichangle mokle fa angkya hanpakma tamchu khünak khosün angkya bama chix tsün kox angle nguipu.”

ZEKARIA 13:7

Jowanpa Khüthak Zang-e thüile: “Changlo, zolax ilaxle chunnyetpa to singkox Chix a ku mwot mokkya mix changle! Chix lang kox, ikoxtix chunbu afale paoüi. Kue ku khünaknu to singüi

IBRI 9:28

Ija lailaile khünaknu ochaxbu laxlax tox angkya hanpakma Khrista chuwüi tam tokya ma kox. Anyi lükya ma chix ngaiüi, ikoxlechu ochax füikya mwot bama münchang, ikoxle opange chix tanle ngolaxpuix, hwom khosün angkya hanpakma changüi. A

ROM NOK HATO ZAKYA POL LAIZA 5:18

Ile tix mixhuak tuita ochax tokhange khünak pangwüi thajaokya ningle, ija lailaile mixhuak tuita otsao mwote khünaknu pangnu dan-panle ilaxle hwom ang khüzün tsün koxle.

ROM NOK HATO ZAKYA POL LAIZA 3:25

Chix to ongkya hwom mongong makhange, chix zikyae khünaknu ang ochax thailak atak angkya olom ang naxchangle Zange chix komkaile kox. Chix otsao aho angkya hanpakma Zange ija ile mok. Ledaokya wan ma a chix adule ngo üntoxle khünaknu ochax bama zax chihunle hulanle hu;

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

GALATIA 3:13

Ikoxle kem khoma othuak ozom ang achang laxle wanlom tokhange apüikya thuakzom chak tokya Khrista-e kem azündaoa; chemthüikoxle Otsao Lai-e thüile: “Owa pün ma ashaüihex chix a Zang thuakzom fangma tüile.”

DANEL 9:26

Ilaxle ija hanpak ashukle changpongma Zang-e zünle kopkya lompa a chisukya olom ma langle awütüi.

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

MIKNGÜN-OHÜN 7:14

“Alixachong, nange wüi awan, kue münawan hex”, le kue lan. Chixe ku ang thüi: “Ibu khünakbu a tüle tülekya zothup chak tokya azangle hüikyabu changle. Hwome hwom nyiza solaxle Chun Hosa aji füi tsekya ang achangle.

ISAIA 53:4

Ikoxlechu keme kop-haxkux sikngün chixe mix adu, keme hün haxkux tsütle kakkya chixe hün. Oshuk alople keme chix sikngün to Zang-e chix ang fakya sikngünle hule alyet.

2 KORIN 5:15

Chix a noknusa hanpakma zipu, idaile ozün ma tüikyabu ma hanpakmale chingoüi, ikoxle hwom hanpakma zilaxle chatle azangle zokya Khrista hanpakma ngoüi.

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

IBRI 8:3

Chemle Nguakho tuita tö pangwüi kox ang hia müi langle Zang shwom ang kampuix, ija lailaile kem Nguakho angchu tö kox angkya oli tuita tütüi angkya changle.