ROM NOK HATO ZAKYA POL LAIZA 4:16 - OTSAO BAIBEL (BSI)

¹⁶ Wanlom kax ma laxkyabu tata ang chichangle, Abraham ningle Zang to mongongkyabu angchu wüi, Zang kaxtsao a Abraham susabu pangnu ang wüi koxtsingtsingkya chingcha chang angkya kuxma, Zang kaxtsao a mongong ma athongle, chemthüikoxle Abraham a kem noknusa zongma chasa ma hopa tuita changle.

ROM NOK HATO ZAKYA POL LAIZA 4:16 ပူးပေါင်းရင်းမြစ်များ

EFISIA 2:8

Chemthüikoxle mongonge nang khosünkya a Zang chingcha makhange changle. Ija a nang azongkya tokhange le münchang, ikoxle Zang hingho changle.

GALATIA 3:22

Ikoxle Otsao Lai-e thüile: “Zangfang abakle ochax zonge womlaxle tüile; ikhoma Jisu Khrista tokya mongong ma tix koxüi hexo le tsaole thomkya hingho a opange onglaxpuix hwom angtix koxle.”

ROM NOK HATO ZAKYA POL LAIZA 9:8

Thüikoxle naosombu khünak poma puxkyabua Zangsu Zangsabu münchang; itülüi, Zang kaxtsao makhange puxpaikya naosombu tix otsingtsing sixli le eüi.

TITA 3:7

Ikoxletix wüi keme chix chingcha makhange Zang füi muamüi angkya ataküi tamchu keme monghomle ngokya oshuk chitüikya khüzün tsün kop angkya hato kem hüi ang thoüi.

EFISIA 2:5

kem kax ma chilaxle ochax ma ngotanto wüi Khrista füi tomle ozün ma ngo ang chixe kem shak. Idaile hünzom khosünle kopkya a Zang chingchae tix changle.

ROM NOK HATO ZAKYA POL LAIZA 15:8

Chemthüikoxle putong hwom füikya Zang kaxtsao changle ngai angkya hanpakma, ilaxle chix chingcha khoma mixnokbuechu Zang achuak achen angkya bama,

ROM NOK HATO ZAKYA POL LAIZA 5:1

Athax a mongong makhange kem Zang füi muamüikyae, Jowanpa Jisu Khrista makhange kem ang Zang füi mongsom tüile.

ISAIA 51:2

Hünpu, Abraham ajangle koplax, tamchu Sarah, owa makhange hünzom pu-tsale hüipuix. Kue chemtue Abraham nyakkya hex, chix ma naosom matüikya, ikoxle kue chix to mohiman ilaxle su-sa hwom kox; kue chix su-sa hwom huanuma pu-tsale chang ang tom.

2 PITAR 1:10

Ikhoma, ku mongkün tüinaohom, Zange hünzom nyakkya hia zünle kopkya bama komkaile awan lax ang zongbakle azonglax; hünzome ile jangmok thüiningle otuechu ma mongong dantoxlaxle münpao.

ROM NOK HATO ZAKYA POL LAIZA 4:11

Chix khwonzüt zom a chixe Zang to mongongkya khoma, chixe khwon mazüt tanto wüi, Zange chix otsao khünak le laxkya münwan aho ang zingpu, idaile chixe khwonzütkya a ofüito tix changle.

KAXHO MÜIKYA LUK 19:9

Jisu-e chix ang thüi: “Anyixkha ija hom ma khosün nguingole; chemthüikoxle chixchu wüi Abraham sasün changle.

ROM NOK HATO ZAKYA POL LAIZA 3:22

Hwome Jisu Khrista to mongongkya tokhange Zange khünak chix füi mua amüi ang koxle. Zange ija Khrista to ongkya pangnusa hanpakma mokle, chemthüikoxle ikhama malili le chemchu müntüi!

ROM NOK HATO ZAKYA POL LAIZA 3:30

Zang a tuita wüi, ilaxle Jehudi khünak hia mixnok pangnu wüi, Jisu Khrista tokya hwom mongong makhange tix Zange hwom chix füi muamüi ang koxüi.

GALATIA 3:14

Chasa mongong makhange keme Zang kaxtsao pongle kop angkya hanpakma, Zange Abraham ang tsaodaokya mohiman chix makhangetix mixnokbu ang kox angkya bama Khrista Jisu-e Wanlom thuakzom chak tokya kem khosün.

GALATIA 3:16

Athax, Zange Abraham hia chix sixli füi tsaosax daokya tüihu daoa. Otsao Lai-e “sixlibu”, le khünak huak huanuma womle münwün, ikoxle mixhuak tuita Khrista mo wünle.