ROM NOK HATO ZAKYA POL LAIZA 3:7 - OTSAO BAIBEL (BSI)

⁷ Ilaxle ku atsekyae Zang fuazangkya süchongle achenle jang ahoba? Jangchang thüiba ku büthüikoxle athaxchu wüi ochax khünak tuita le ahai thompu?

ROM NOK HATO ZAKYA POL LAIZA 3:7 ပူးပေါင်းရင်းမြစ်များ

ROM NOK HATO ZAKYA POL LAIZA 3:4

Ile otuechu münchang! Khünak nok wüi atse koxlechu, Zang a otsingtsing ma wüi ngo angkya changle. Otsao Lai Kax ma tüikya ningle, “Nange zangwün ma otsingtsing, changle le aho angkya changle; Tse atwonkya zangwün ma, nange wüi lüt angkya changle.”

MATHI 26:34

Jisu-e Pitar ang thüi: “Ija mong ma koplax; awün ohaüi thoto wüi nange ku münawan hex le othom azom ma tsaoüi!”

WANGSHEMBU MWOT 2:23

Zange chix tutex hia künzut-mongjang makhange Jisu a hünzom chak to kox angkya changle le athut apan tsuak daokya changle; ilaxle ochax khünakbu chak to pünsak ma tak ang koxlaxle hünzome chix langpu.

LAIPAO 14:30

Ija nyix Jowanpae Israel khünakbu Ijip nok chak tokya azün. Ofüima Israel khünakbue ibu mang tinukax to ngünle lax.

LAIPAO 14:5

Chemtue Ijip nok wanghompa hama Israel khünaknu paole azangkya kax koxpuix, chix tamchu chix wangshembue hwom mong alüix ilaxle thüi: “Keme chem hwonpu? Keme Israel khünakbu paole azang ang tomlaxle kemepi kem dabu asamdaoa!”

LAIPAO 3:19

Kue awan ngopu, Khüthak Zang chake mamok tanto Ijip nok wanghompa-e hünzom pao ang mündan.

PONGWANG LAIPEX 37:20

Hai, kemepi chix langhax, ilaxle chix mang tuita tswomzan khato shohax, ilaxle chix a faozan chak to maxdaoa le thüihax. Ifüima chix wünmang chem ang achangchang keme huüi.”