ROM NOK HATO ZAKYA POL LAIZA 3:25 - OTSAO BAIBEL (BSI)

²⁵ Chix to ongkya hwom mongong makhange, chix zikyae khünaknu ang ochax thailak atak angkya olom ang naxchangle Zange chix komkaile kox. Chix otsao aho angkya hanpakma Zange ija ile mok. Ledaokya wan ma a chix adule ngo üntoxle khünaknu ochax bama zax chihunle hulanle hu;

ROM NOK HATO ZAKYA POL LAIZA 3:25 ပူးပေါင်းရင်းမြစ်များ

1 JUHAN 4:10

Mongkün a ija changle: Keme Zang to mongkünle le münchang, ikoxle chixe tix kem to mongkünpu, ilaxle kem ochax khoma, kem khosün hanpak tö kox ang chixe Hosa ajo.

1 JUHAN 2:2

Kem ochaxbu thailak atak angkya olom Khrista tata wüi, kem ochaxbu tata le münchang, ikoxle zangfang nok ochax hanpakchu changle.

ROM NOK HATO ZAKYA POL LAIZA 5:9

Chix zikya makhange, athax, kem Zang füi mua amüile fakya jangchang thüiba ija süthak Zang mongtsik chak tokya chixe kem azünüi.

WANGSHEMBU MWOT 17:30

Jisu Khrista ma khünaknue Zang matsing tanto, hwom ochax bama olüix chikhom homle shanle dantox daoa, ikoxlechu athaxpi pangnu khatokya khünak noknok wüi ma ochax tokya chat angkya bama kax koxdaoa.

IBRI 10:4

Chemthüikoxle maihupong hia zwon ajibu füi ochaxbu pao ang müntho.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

IBRI 11:7

Chixe ngün ang chitho koxlechu Noa ang füichi hanpakma Zang kaxfün atat ang tomkya a mongong changkya. Chixe Zang kax ma lax üntoxle khua müi, oja mong ma chix tamchu hwom kako pangwüi khosün puix. Ikhoma, chaxwannu a max ang tom, üntoxle Noa-e Zang angkya mongong makhange hüikya otsao mantswon kop.

MÜNCHUAK-TSAI 22:31

“Jowanpa-e chix khünakbu khosünle” le mapux-mapaikya khünakbu hama apuaüi.

LIWI 16:15

Ifüima chixe khünaknu ochax hanpakma ochax tö kox ang zwon langüi, ija aji a Ataxkya Otsao Nui to dünüi ilaxle ija füi Chingcha Ngwotnui to saküi üntoxle chu Tsaotsüt Suak tunthoma, chixe maihupong aji füi mokdaokya ningle moküi.

ROM NOK HATO ZAKYA POL LAIZA 5:1

Athax a mongong makhange kem Zang füi muamüikyae, Jowanpa Jisu Khrista makhange kem ang Zang füi mongsom tüile.

MIKNGÜN-OHÜN 20:15

Khüzün Laipex ma opang mün chibang laxpuix hwom pangwüi tinu ningle tüikya okham-wün khato tswonle awüt.

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

IBRI 11:14

Iningle akaxkyabu tokhange hwome ma chaxwan tsingtsing hanpakma hule ngokya tsaotha le awan ang tomle.

MÜNCHUAK-TSAI 119:142

Nang otsao a othuithuima ngoüi, ilaxle nang wanlom a jento sule.

1 JUHAN 1:10

Mae ochax malyen le keme jangthüiba, keme Zange kaxthai zangwünkya ang achangpu, ilaxle chix kax kem ma müntüi.

IBRI 11:17

Zange chix thwontsingkya zuma, mongong makhange Abrahame sasün Isak tö kox. Abraham a Zange tsaosax daokya mixsün tuita changkya, ikoxlechu chixe sasün tuita wüi tüikya Zang ang tö kox ang achwon.

IBRI 9:5

Zang womle tüikya aho ang ija suak okho ma ozang füikya müi tüikya. Ochax thailak kox nui to ibue hwom ozangbu füi o-le thom. Ikoxchu athax a ibu komkaile akhix akhanle wün angkya hanpak münchang.

1 TIMOTHI 1:15

Changpu le pongle kop angkya hia ong angkya bama: Khrista Jisu a chaxwannu to ochaxbu sün ang nguipu. Ku a hwom khama sümakya ochax khünak tuita,

ROM NOK HATO ZAKYA POL LAIZA 5:11

Chatlechu ibu to bole; kem Zang füi zuikhui ang achangkya Jowanpa Jisu Khrista ma Zange kem ang mong amüile.

ROM NOK HATO ZAKYA POL LAIZA 3:26

ikoxle athax pongea, chix otsao aho angkya hanpakma, chixe khünak ochax bama khünzule hu.

ROM NOK HATO ZAKYA POL LAIZA 2:4

Changle nange chix chingcha achongkya, adu thokya ilaxle monglokya, mongto kakle münlax.

WANGSHEMBU MWOT 4:28

Nange amibawüi nang tsakzong hia nang tutex makhange, chempang le changüihex, ibu athut-apan tsuakdaokya pangnu angaile mok ang hwom asox.

WANGSHEMBU MWOT 3:18

Kaipong ma wüi ajebu tokhange Messaiah-e sikngün apong angkya hexle Zange aje ang koxle thomdaoa; üntoxle chixe ile otsingtsing ma changle hüi ang kox.

WANGSHEMBU MWOT 15:18

Kaipong tokhange wüi awan ang, koxle hüikya ija Jowanpa-e akax.

WANGSHEMBU MWOT 2:23

Zange chix tutex hia künzut-mongjang makhange Jisu a hünzom chak to kox angkya changle le athut apan tsuak daokya changle; ilaxle ochax khünakbu chak to pünsak ma tak ang koxlaxle hünzome chix langpu.

JUHAN 6:47

Otsingtsingma kue thüipu, mongongkya khünak ang oshuk chitüikya tsün khüzün tüile.

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

MÜNCHUAK-TSAI 97:6

Zangdinge chix otsao apukle, ilaxle pangnu jat-lie chix fuazang ngünle.

MÜNCHUAK-TSAI 50:6

Zangdingbue Zang a otsao changle le, ilaxle kaxfün pa a chix jao changpule angaile. Selah

MÜNCHUAK-TSAI 40:10

Khosünkya kaxho omüi kue ku mongkha tata ma chithom; chialekya nang mongong hia ofong-otsox bama kue jento akax ngopu. Nang khünaknu tusox ma ku otuechu nang kax ma laxle hia chizakkya mongkün mowün ang ku dangle chingo.

LIWI 16:10

Azazel mün ma oja tswonpuix, ija zwon a, khünaknu ochax hünle pao angkya hanpakma Azazel hato faokha to danle apaoüi.

MÜNCHUAK-TSAI 98:2

Jowanpa chixe lütkya tsing ang tomle; chixe chix khosün tsak-zong zangfange awan ang koxle.

WANGSHEMBU MWOT 14:16

Ami pongma chixe khünaknu a mae changpu le atextex chitole ang koxle hüidaoa.

ROM NOK HATO ZAKYA POL LAIZA 5:18

Ile tix mixhuak tuita ochax tokhange khünak pangwüi thajaokya ningle, ija lailaile mixhuak tuita otsao mwote khünaknu pangnu dan-panle ilaxle hwom ang khüzün tsün koxle.

1 KORIN 5:7

Hünzom tsaotha le, ojao twonkhax chiawonkya nalao ningle chang angkya kuxma twonkhax-nütong ningle ngokya kaikya ochax awütdao, hünzom ilejao changkya changpu kue awanle. Chemthüikoxle akaile lekya kem pangpua Chun Hosa a Khrista, chix tökya ma koxdaoa.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

EFISIA 2:13

Ikoxle athax a, Khrista Jisu füikya notom makhange, hünzom opang ochu to ngohomkya hex, hünzom a Khrista zikya makhange Zang hato soxle apüidaoa.

IBRI 9:28

Ija lailaile khünaknu ochaxbu laxlax tox angkya hanpakma Khrista chuwüi tam tokya ma kox. Anyi lükya ma chix ngaiüi, ikoxlechu ochax füikya mwot bama münchang, ikoxle opange chix tanle ngolaxpuix, hwom khosün angkya hanpakma changüi. A

MIKNGÜN-OHÜN 1:5

üntoxle owa chithai toxkya kaxkhi, zikyabu khama pongwang ma zokya mix, üntoxle owa chaxwannu wanghombu thakma apünkya mix angchu changpuix, ija Jisu Khrista tokhange hünzom ang mongsom hia chingcha naxchang.