ROM NOK HATO ZAKYA POL LAIZA 3:21 - OTSAO BAIBEL (BSI)

²¹ Ikoxle athax a Zange khünak chix füi muamüi angkya olom a ngaile ahodaoa, ilaxle ija ma wanlom füi saxmok angkya chemchu müntüi. Wanlom üntoxle ajebue ija to hwom kaxkhi fale changkox a le thüile!

ROM NOK HATO ZAKYA POL LAIZA 3:21 ပူးပေါင်းရင်းမြစ်များ

WANGSHEMBU MWOT 10:43

Chix mün ma tüikya zong makhange chix to ongkyabu ang ochax thailak faüi, le chix bama ajebu pangnue wüi akax.”

JEREMIA 33:16

Judah hia Jerusalem angkya khünaknu kho a sünüi ilaxle hwom a cha-ao-mongsao chemchu chitüile ngo ang kopüi. Ija tingnu ang ‘Jowanpa, kem Khosünpa’ le nyaküi.

FILIPI 3:9

Wanlom to pongma atakkya ningkya chasa otsao athaxpi kuma müntüi. Athaxpi kuma Khrista to mongongkya makhange kopkya Otsao Chasa tüile, oja Chasa Otsao Zang tokhange hüikya hex üntoxle mongong chifün ang laxlaxle tüipuix.

ISAIA 61:10

Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

ISAIA 51:8

hwom a saxe saxdaokya nyi-za ningle samle paoünüi! Ikoxle kue koxkya khosün a jento ngoüi; kue lütkya a othuithui hanpak changpu.”

GALATIA 3:8

Mongong makhange Zange mixnokbu sukya ang lax angkya bama Otsao Lai-e achale wüi akaxle thomkya changle. Ilaxle Otsao Lai-e ikhoma Abraham hato Kaxho Müikya tsingang kox: “Nang makhange Zange khünaknüsa to mohimanüi.”

ROM NOK HATO ZAKYA POL LAIZA 5:19

Üntoxle mixhuak tuitae kax ma chilaxkya khoma khünakbu huanuma ochaxbu ang achangkya ningle, ija lailaile mixhuak tuitae kax ma laxkya khoma khünaknu huanuma Zang füi muamüi ang tomüi.

ROM NOK HATO ZAKYA POL LAIZA 1:17

Chemthüikoxle Kaxho Müikyae Zange khünaknu chix füi mua amüikya ngaile ahole; owang tokhange oshuk kople ija a mongong makhange tix changüi. Otsao Lai kax ma tüikya ningle: “Mongong makhange Zang füi owa muamüi laxpuix (chix) ozün ma tüile.”

ROM NOK HATO ZAKYA POL LAIZA 1:2

Kaxho Müikya a kaipongma wüi ajebu makhange Zange tsaole thomdaokya ilaxle Otsao Lai ma zale thomkya changle.

WANGSHEMBU MWOT 15:11

Ile münchangüi! Kemchu hwom ningle mae ongkoxle Jowanpa Jisu Khrista chingcha makhange tix khosün ang koppu.”

ISAIA 46:13

Lüt angkya din kue chwonle ahüiüi — ija a tsailo towüi lejao münchang. Kue anao angkya shenle ngoüi münchang. Kue Jerusalem sünle kopüi ilaxle ikhama Israel nok hato achuak-achenkya apüiüi.”

KAXHO MÜIKYA LUK 24:44

Ifüima chixe hwom ang thüi: “Mosa Wanlom üntoxle ajebu Lai hia Achuak Tsai ma ku bama chempangle zale tüilaxpuix, ibu ngai angkya oli changle le kue ibu zangwün bama ku hünzom füi tomle tüipongma wüi akaxdaoa.”

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

1 PITAR 1:10

Zange hünzom ang fa angkya hingho ibu bama ajekya ajebue ija khosün tangchua ilaxle azongle lom.

GALATIA 5:5

Kwom hanpakma, Zange kwom sukya ang achangle laxkya a kwom monghom; kwom mongong makhange Zang Chasa zonge mwot mok ngokya Ija a kwome hule tanngokya changle.

ROM NOK HATO ZAKYA POL LAIZA 16:26

Ikoxle, athax a, ija otsingtsing a ajebu chakza makhange kotok to angai daoa; ilaxle noke ong angkya hia ija kax ma lax angkya kuxma, oshuk chitüikya Zang kaxtom makhange ija a nok chaxwan longkhoe awan ang koxdaoa.

WANGSHEMBU MWOT 26:22

Ikoxlechu anyix kople Zange ku to fongle wüi hüipu, ija khoma hixkya chongkya noknusa hama otsingtsing zangwün ang ku ikhama ajongpu, kue akaxkya zangwün a ajebu hia Mosa hwom akaxkya füikya kya wüi changpu.

JUHAN 1:45

Filip-e Nathanel atak ilaxle chix ang thüi: “Mosa-e wanlom laipex ma tamchu ajebue hwom laipexbu ma owa bama zale tüipuix, kwome chix ngündaoa. Chix a Nazareth angkya Jusep sasün Jisu changle.”

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

ISAIA 54:17

ikoxlechu hünzom to tüta ningkya chang-paxe chu mak-khale chang ang müntho; hünzom ma kaxhux fekyabu pangnusa hanpakma hünzom ma lan angkya kax tüiüi. Kue ku dapabu khoseüi ilaxle hwom ang lütkya koxüi.” Jowanpae akaxdaoa.

PONGWANG LAIPEX 15:6

Abram-e Jowanpa to chix mongong thom, ija khoma chix füi Jowanpa ang mongmüi ilaxle chix pongle kop.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

1 KORIN 1:30

Ikoxlechu Zange hünzom Khrista füikya notom hato ahüidaoa, ilaxle tamchu Zange Khrista a kem zongto je-hwon ang zingdaoa. Chix makhange tix kem Zang zongto sukya ang achangle; kem a Zang otsao khünaknu ang achangüna ilaxle kem mongtex ma dandaoa.

ROM NOK HATO ZAKYA POL LAIZA 9:30

Ikoxle keme chemle thüi? Ija mixnokbu Zang füi muamüi ang chiazong, ikoxlechu hwome chix to mongongkya khoma Zang, chixe hwom füi muamüi;

ROM NOK HATO ZAKYA POL LAIZA 5:21

Ile tix, ochaxe zikya füi chemle apünpuix, ilailaile Jisu Khrista makhange kem oshuk chitüikya tsün khüzün lom ma zunlaxle Zang chingchae otsao füi apün angkya changle.

WANGSHEMBU MWOT 28:23

Ifüima hwome hanpak nyixta tyale tox ilaxle ija nyix khünakbu Pol füi apong ang chix ngwotnui to ngui. Swom makhange hanhom ma thule chixe Mosa wanlombu hia ajebue zakya kaxbu apüilaxle akhix akhanle apuakya tokhange hwom mong anom-anai ang azong.

ROM NOK HATO ZAKYA POL LAIZA 3:28

Idaile keme ile ashukpu: khünak tuita Zang füi muamüikya a wanlom ma tüikya tokya makhange chichangle mongong makhange tix changle.

2 KORIN 3:9

Mikmax angkya zangwün olom ipongpong fuazang; khosün angkya mwotlom tomning ito nüile fuazang changle.