ROM NOK HATO ZAKYA POL LAIZA 3:20 - OTSAO BAIBEL (BSI)

²⁰ Chemthüikoxle wanlome alomlom mokkya tokhange khünak owachu Zang füi muamüi angkya le münchang; wanlom mwot a khünak hama chixe achax daokya ochax apuale kox angkya changle.

ROM NOK HATO ZAKYA POL LAIZA 3:20 ပူးပေါင်းရင်းမြစ်များ

GALATIA 2:16

Ikoxlechu khünak tuita Zang zongto sukya ang achang angkya a Jisu Khrista tokya mongong makhange tix changle. Wanlome alomlom mokkya tokhange tix le otuechu münchang, ija keme awan ngopu. Wanlom ma tüikya lwot tokya makhange le chichang homtoxle kem mongong makhange Zang zongto sukya ang achang angkya kuxma kemechu wüi Jisu Khrista to ongpu. Chemthüikoxle wanlome alomlom pangwüi lwot tokya makhange ochaxbu Zang zongto sukya ang münachang tox.

WANGSHEMBU MWOT 13:39

Mosa wanlom tokhange ma ochax tokya khangkho zangngai ang chitsuak ikoxle Jisu Khrista to ongkya makhange ochax pangnu tokya khangkho zangngai ang tsuaküi, ijachu hünzome awanle kop angkya changle.

ROM NOK HATO ZAKYA POL LAIZA 3:28

Idaile keme ile ashukpu: khünak tuita Zang füi muamüikya a wanlom ma tüikya tokya makhange chichangle mongong makhange tix changle.

GALATIA 2:19

Wanlom to hule ano koxle lom tuita ma Zang kuxma ku ozün ma ngo angkya bama, ku a wanlome alüile lang daokya tuita omang changle. Ku a Khrista füi tomle pünsak ma takle lang daokya changle.

ROM NOK HATO ZAKYA POL LAIZA 4:15

Wanlome Zang ang mongma apüile; ikoxle ojong khato wanlom chitüi puix, ikhato wanlom kax ma laxkyachu müntüi.

ROM NOK HATO ZAKYA POL LAIZA 9:32

Hwome ija büthüikoxle chiatak? Chemthüikoxle hwome chem mokpuix ija a mongong ma chichang homle mokkya mwot ma afün laxle mok. “Chikho asua angkya long” ma hwom chikho asuale lax.

ROM NOK HATO ZAKYA POL LAIZA 5:20

Thaikya mwot atsat ang wanlom zingpu; ikoxlechu ojongto ochax lwonle hüi, ifüi sütsexle Zang chingcha tsa le hüi.

ROM NOK HATO ZAKYA POL LAIZA 4:13

Zange Abraham hia chixsu chixsabu ang, zangfang hwom kux ang achangüile tsaosax. Ija tsaosüt fakya a, Abrahame wanlom kax ma laxkya khomale münchang, ikoxle chixe Zang to mongong ilaxle Zange chix a otsao khünak tuita le laxkya khoma changle.

MÜNCHUAK-TSAI 143:2

Nang dapa ku to thwontsingle taxchang; nang miksho ma sukya mix owachu müntüi.

GALATIA 5:4

Wanlom tokya makhange opang Zang zongto sukya ang achang ang azong laxpuix, hünzom a Khrista füi janüna. Hünzom a Zang chingcha ziamong ma müntüi.

ROM NOK HATO ZAKYA POL LAIZA 5:13

Wanlom koxüi thoto wüi chaxwannu ma ochax tüikya; ikoxle wanlom chitüikya khato, ochaxbu akiakle chithom.

MÜNCHUAK-TSAI 130:3

Nange kwom ochaxbu akiakle thomkoxle, thaikya chitüile azangtsuak angkya mix owa bangüi?

ROM NOK HATO ZAKYA POL LAIZA 2:13

Idaile wanlom na ma atatkyae Zang thüntho ma khünak otsao ang achangüile münchang, ikoxle wanlom ma tüikya ningle mokkya mix tix sukya ang achangüi.

JOB LAIPEX 15:15

Büthüikoxle, Zang-e kaxtaimixbu to ngaxchu mongong chitüipu; chix miksho ma hwom ngaxchu tsaothale chitüipu.

ROM NOK HATO ZAKYA POL LAIZA 7:11

Wanlom makhange mok angkya opong atak laxle ochaxe ku dyen; ile wanlom makhange ochaxe ku lang.

1 KORIN 15:56

Zike makkha angkya zong ochax angkya kople, üntoxle ochaxe ma zong wanlom angkya kople.

IBRI 7:19

Chemthüikoxle Mosa wanlom makhange chemchu angui awangle zing ang chitho, üntoxle athax a Zang hato kem soxle hüitsuak angkya sümüikya monghom fale tüile.