ROM NOK HATO ZAKYA POL LAIZA 3:19 - OTSAO BAIBEL (BSI)

¹⁹ Owaechu ma khosele zangwün angkya chitüi angkya ilaxle chaxwannu bakle Zang kaxfün hato apüi angkya hanpakma, wanlom ma atüitüi komle wanlom fangma ngokyabu pangnu hanpakma akaxkya changle le athax keme awan ang kople.

ROM NOK HATO ZAKYA POL LAIZA 3:19 ပူးပေါင်းရင်းမြစ်များ

GALATIA 3:10

Wanlom lwot tokya to onglaxle ngokyabu a othuak-ozome awang laxle tüile. Chemthüikoxle Otsao Lai-e akax: “Owae Wanlom Laipex ma zale tüikya pangnuli to othuithuima kax ma laxle chitüi üihex chix a Zang othuak ozom fangma tüile!”

ROM NOK HATO ZAKYA POL LAIZA 3:9

Jangchang thüiba, kem Jehudi khünakbu chifün mixnokbu füi oli tuita ma ngaxchu müicha hex? Tütama ngaxchu münmüi! Jehudi khünakbu ilaxle mixnokbu pangnusa wüi talailaile ochax zonge womle tüile le kue thoto wüi ahodaoa.

EZEKEL 16:63

Nang thaile hüidaokya pangwüi kue pangwüi alaküi, ikoxlechu nange ibu texle ataküi ilaxle nang tun hyen ang huanuma azakle sütüi.” Ija kax Jowanpa Khüthak Zang-e akaxdaoa.

GALATIA 5:18

Chasae nang zunkya jangtüi thüiningle nang a Wanlom fangma müntüi.

1 KORIN 1:29

Ija a khünak owachu Zang pomtho ma bong-chong le chitüi angkya hanpakmale changle.

ROM NOK HATO ZAKYA POL LAIZA 3:23

Pangnusae wüi ochax lyendaoa ilaxle khosün angkya Zang füi ochuto wüi.

MÜNCHUAK-TSAI 107:42

Otsao khünakbue ija ngünlelax ilaxle mongmüi, ikoxlechu ochax khünakbu a pangwüi adang.

GALATIA 4:21

Hünzom Wanlom fangma ngose texkyabu füi kue kax tuita atwon fang: Hünzome wanlom ma akaxkya kax münlax lea?

GALATIA 4:5

Ija chix nguikya a: Wanlom fangma ngokyabu sünle kop angkya ilaxle kem Zangsu Zangsabu ang achang angkya hanpakmale changle.

ROM NOK HATO ZAKYA POL LAIZA 1:20

Zange chaxwannu zingpong tokhangkya, mik makhange ngün ang chithokya chix, owang wangkya hia ashukkya kha chitüikya ilaxle Zang tsingtsing, ibu tsingshole ngün ang tho. Khünake bue Zang chakzingbu ma ngün ang kople. Ija khoma hwom ang thailak ojao müntüiüi.

JUHAN 8:9

Ija kax atatlaxle, hwom tuita füima tuita le, tüichongbu ma atho laxle laile pao. Ikhama Jisu hia kople apüikya mixcha nyi tata danle tox.

JOB LAIPEX 5:16

Chixe zasabu ang monghom koxle, ilaxle chichang-chizangkyabu adangle.

1 SAMUEL 2:9

“Chix to mongong-chalomle tüikya khünakbu kho chixe awa, ikoxle chichang-chizangkyabu a zangnak fangto asam; khünak tuita ang chix tsak-zong füi tholünkya kha chitüi.

ROM NOK HATO ZAKYA POL LAIZA 3:4

Ile otuechu münchang! Khünak nok wüi atse koxlechu, Zang a otsingtsing ma wüi ngo angkya changle. Otsao Lai Kax ma tüikya ningle, “Nange zangwün ma otsingtsing, changle le aho angkya changle; Tse atwonkya zangwün ma, nange wüi lüt angkya changle.”

ROM NOK HATO ZAKYA POL LAIZA 3:2

Huanuma wüi, changjao changle, olom pangnusa ma wüi! Owang ole, Zange chix Otsao Lai kax (müile twon angkya hanpakma) Jehudi khünakbu ang koxle.

JUHAN 15:25

‘Ikoxle hwome ngat-khüza to ku thua anu’ le wanlom ma zale tüikya kax changle ngai angkya kuxma ile changpu.

MÜNCHUAK-TSAI 63:11

Zang-e chix ang lüt ang tomkoxle, wanghompa ang mongmüiüi. Zang mün male tsaosaxkyabue chix achuaküi, ikoxle atsekya mixe ma wikha a huxüi.