ROM NOK HATO ZAKYA POL LAIZA 3:13 - OTSAO BAIBEL (BSI)

¹³ Hwom wikha a zuk-kha ningle; huxtsing-loptsang zangwün komkaile hwom leza ma lai; mikmüt zangwün, puje jaojaole, hwom tun ma dong;

ROM NOK HATO ZAKYA POL LAIZA 3:13 ပူးပေါင်းရင်းမြစ်များ

MÜNCHUAK-TSAI 5:9

Ku zanpabu kax to chemtuechu mongong fang münchang; hwome zia ama angkya tata lomle. Hwom zangwün a jonai ma, zamzale münchang, mik-amüt hia khualop zangwüne awangle tüile.

MÜNCHUAK-TSAI 140:3

Hwome hwom lebu a pu wabu füi ngaxchu anaxle achang, ilaxle hwom tunpün ma zik-hing khunkyae awangle tüile. Selah

MÜNCHUAK-TSAI 57:4

Ku a Zanpabue akhople tüile, hwom a khünak müi saxsele woknuak ma ngokya mailang ningkyabu changle. Hwom owabu a paxtun hia santun ningle junle; hwom lebu a tüle anaxkya changlo ningle tüile.

EZEKEL 13:7

Kue hwom ang thüipu: Hünzome ngünle ngokya mikngünbu a othai changpu, ilaxle hünzome ajele akaxkyabu a othai changle. Hünzome wünkya zangwün a ku kax taile wünkya changpule hünzom thüile ikoxle kue hünzom füi zangwünkya nox matüi!”

ISAIA 59:3

Hünzom a atsekya, changnong-pünthomle tüikya, hia mix mik amütkya ma thaile tüile.

MÜNCHUAK-TSAI 52:2

Nange mix fün ama angkya hanpakma mongjang zing; nang lesa a anaxkya daxcha tuita ningle. Nange othuithuima kaxthai zangwün alai ang azongle ngole.

ROM NOK HATO ZAKYA POL LAIZA 3:4

Ile otuechu münchang! Khünak nok wüi atse koxlechu, Zang a otsingtsing ma wüi ngo angkya changle. Otsao Lai Kax ma tüikya ningle, “Nange zangwün ma otsingtsing, changle le aho angkya changle; Tse atwonkya zangwün ma, nange wüi lüt angkya changle.”

JEREMIA 5:16

Sanhap füikya hwom süpahibu opange chingcha jao chitüile mix mik amütpuix, ibu a huanuma janzüi füi tüile.

MÜNCHUAK-TSAI 36:3

Hwom zangwün a chichangchizangle üntoxle thaikyae awangle tüile; oja je mwot hex üntoxle müipuix, ija hwome tam-münmok.

TSAITONG-KAXTONG 32:33

pu jebu makhange zingkya juti ningle.